Mothi 4
4
Subrai Jisuni bajaima
(Mark 1:12,13; Luk 4:1-13)
1Obwni jerw Saitan Jisunw bajai mannaitwi obwni bagwi Phala Jisunw panthwrw tilangkha. 2Odayw Jisu brwi chi sal tei hor okbar tongnai jerw ukhrijakha. 3Aiphuo Saitan phaywi Bwnw sakha, "Nwng jwtini Kaitorni Sajla ongw hingkhlai i holongroknw chamwng ongdi hinwi tholdi."
4Matwr Jisu joba rwgwi sakha, "Kathar elembagw suijak tongw, borog keber chamwngbai thangwi tongya, matwr Kaitorni bukhokni jotho kok baise kwthang tongw."
5Jerw Saitan Jisunw kathar auli Jirusalemw tilangwi thangka tei noktharni buchog sakao bacharwkha, 6arw sakha, Nwng jwtini Kaitorni Sajla ongw hingkhlai idaini bakhalaidi, twmwi himba kathar elembagw suijak tongw,
'Bw Bini suariroknw Nini kothoyw tholnw jate bok Nwnw rwkkhiya khalainaitwi. Bok Nini yathwi holongw tukjayatwi Nwnw yakbai rumwi larwknai.'
7Jisu Saitannw sakha, "Arw i kokbw suijak tongw,
'Nini Subrai Kaitornw nwng bajaywi tanaidi.'"
8Obwni jerw Saitan Bwnw kwrwngsa kabangma kuchuk hapongw tilangkha arw hayungni jotho auarnw tei obwrokni jolma jolsa phunugwi sakha, 9"Nwng jwtini hagw kalaywi anw khulumwi Nini Subrai hinwi goseywi lagw hingkhai ang Nwnw imwroknw jotho rwnai."
10Aiphugo Jisu bwnw sakha, "Kachalw thang Saitan. Kathar elembagw suijak tongw,
'Nwng keber nini Subrai Kaitornwse lobdi arw
keber Bwnwse mwngdi.'" #4:10 'Nwng keber nini Subrai Kaitornwse lobdi arw keber Bwnwse mwngdi' (Ditiyo biboron 6:13)
11Aiphuo Saitan Bwnw yakarwi kalangwi thangkha tei suarirok phaywi Jisunw mwnni nangkha.
Subrai Jisu Bini samung chengkha
(Mark 1:14,15; Luk 4:14,15)
12Jerw Jisu jephuo khanaka Johon alongw chupjakha hinwi, Bw aiphuo Galil amchoyo philwi thangkha. 13Arw Bw Nasarot yakarkha tei Sobulun bai Noptali jilani Kophornahum aulio tongkha jebw Galil twithu kandao. 14Imw ongkha diyari Jisayoni bisingtwi sanai i kok kwplwng ongnaitwi:
15"Sobulun bai Noptali jilao, twijlangw thanai lamao,
Jordon twibukni salthang aita jedayw kabangma Bejihudi tongo.
16Jebwrok andarw tonglai, bok kwrwngsa hakra pohor nungjak, arw jebwrok andarw thwinai hao tonglai bokni dayw kwrwngsa pohor chwngnai."#4:16 Jisaiyo 9:1-2
17O jorani jimin Jisu ai hinwi pirni nangkha, "Sumsok daini kha phirokdi, twmwi hinba chukha auar koreyw sokpaywi paikha."
Jisu Sagri saywi lakha
(1:16-20; Luk 5:1-11)
18Salsa Jisu Galil twithuni kandatwi thangnai joragw Simon, jenw Pitor hinwi ring tei bini takhuk Andriyonw nungkha. Bok twijlangw jal kardok, twmwi hinba bok ongkha jalua. 19Jisu boknw sakha, "Angbai baksa phaidi. Ang nokhnw borog rumnai jalua khalainw." 20Aiphuo bok loge loge jal kalangwi Jisubai baksa thangkha.
21Odaini kisa sakangw thangwi Bw Jakob bai Johon mwngwi arw takhuk kainwinw nungkha. Bok ongkha Sibdiyoni basalarok. Bokni bopha Sibdiyobai baksa rungw achugwi bok jal phutchalaidok. Jisu bok takhuk nwinwbw rinkhokha. 22Bok aiphuo bokni bophanw yakarwi loge loge Jisubai baksa thangkha.
Jisu kabangma borognw hamrwkha
(Luk 6:17-19)
23Galil amchoini jotho jilagw bereywi bereywi Jihudirokni kothe kothe thumnogw Jisu phwrwngni nangkha. Obwni baderbw chukha auarni kothoma pirni tei borogrokni jotho hanya tei biyaramnw hamrwni nangkha. 24Jotho Siriya amchoyo hoda Bini kok pwlwngwi thangkha. Aithani je borogrok jate jar biyaram tei kabangma tentrokmabai tekto mandok, jebwroknw chaya phala rumjak, jebwrok mirka ganang tei boya biyarambai bugidok, boknw borogrok Jisuni dayw twbwkha. Bw boknw jothonw hamrwkha. 25Obwni bagwi Galil amchoini, kami khungchinw lagwi ongnai Dikapoli jila daini, Jirusalem aulini, Jihudiya amchoini tei Jordon twibukni uijang narni kabangma borogrok Jisuni ukhum ukhum thangkha.
Chwazi Kounye ya:
Mothi 4: TPE
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 Bible Students Fellowship of Bangladesh