Ɔzhɔnu Kambu Iyemo
Kambu Iyemo
Ɛza Iyeshi iyi i ngyi mu kwuwo ungwu Ɔzhɔnu ɛlɛ, i zɔ Ɔzhizɔsi tee akwu Iso iyi Ukpo iyi bɔkɔ <<i nvyindɔ onzu akwɛyi i ŋɔ mbala nzu.>> Kyamate bɔkɔ kwokpo kwɔlɛ mafyingwu kwu so, Ɛza Iyeshi ɛlɛ o ka yi te kaa enzu umba o wa yi lo kwidu lo fulo mu Ɔzhizɔsi tee uwu gba akwu Umɛ uwu Ukpo le, Usama uwu bɔkɔ o siso wu o shimɛzhi awu, tee gba o kwidu o fulo mawu, o yi kwunyɔ (20.31). Mizhikembo iyi i zɔ tee Ɔzhizɔsi gba akwu Iso iyi Ukpo le, akwɛyi kwɔkpo ungwu Ɛza Iyeshi ɛlɛ kwu zɔ apula iyi amɛ ikikɔ ikikɔ iyi bɔkɔ i zɔ ndunduu tee Ɔzhizɔsi gba akwu Usama, Umɛ uwu Ukpo uwu bɔkɔ o siso wu o shimɛzhi awu kego. Akwɛyi ɔ zɔ kiya ingyi bɔkɔ apula iyi amɛ ɛlɛ i wangyi kwudu. Kuko ungwu kwokpo kwɔlɛ kwu so ewo iyi bɔkɔ enzu umbafo o kwidu o fulo mu Ɔzhizɔsi akwɛyi akwu wambwalu wu, umbafo ba o towu mo akwɛyi o nyama kaa lo kwidu lo fulo mawu mo. Ɛmɛ iyɛkwu 13-17 i zɔ iŋɔma iyi Ɔzhizɔsi mbala wavɔngɔ kiya wu mutu uwu bɔkɔ o yiwu mo, mbala iso iyi bɔkɔ i ka mba ɛnwu ma iyi bɔkɔ e so mbo eyikpomo iyi kwɔfyi ungwu lukwu wu. Imbwama iyi kwokpo kwɔlɛ kwu siso meka iyi iyimo mbala ombwu uwoyi ingbɛma iyi Ɔzhizɔsi, lukwu mbala iyimo mu kwuvɔ wu, ewo iyi a zɛ ɛnwu ma laa wavɔngɔ kiya wu mizhikembo iyi e yimo mu kwuvɔ.
Ɛza iyi oko uwu bɔkɔ o yi wu mo mu kaya itomo (8.1-11) o shi yi mɛmba kwuwongwu ikama iyi kwonze mbala iyi i mbwalu yi guruguru i kyo ɛza iyi oko ele mo.
Ɔzhɔnu e siso iyɛkɔkɔ mu meka iyi rɛshi ingyi kwunyɔ ungwɔkpɔ ungwu kwu ngyi mbaa Okrasi, ungwu ye kekelele mu enzu umba o kwidu o fulo mu Ɔzhizɔsi tee uwu gba akwu ɔgwuzɛ le, ongbulolo mbala kwunyɔ le. Kiya ingyi ki to egbo mo mu kwokpo ungwu Ɔzhɔnu kwɔlɛ gba akwu ewo iyi o wo ɛduma mu apula iyi kwudu kwɔlɛ mate embyi, kwoburodi, ɛbɛ, upya ilɔ mbala ilɔ wu, uwɛyi uwu ovanyi mbala imuma wu.
Iso Iyi I Yi Memi
Kambu iyemo (1.1-18)
Ɔzhɔnu u wo obatisima mbala wavɔngɔ kiya umba Ɔzhizɔsi umba kwonze (1.19-51)
Ɛduma iyi Ɔzhizɔsi mu kwudu kwɔlɛ (2.1—12.50)
Afyi imbwambwa mu Ɔzhɛrusalɛ mbala kɛlɛ mbala Ɔzhɛrusalɛ (13.1—19.42)
Iyimo mu kwuvɔ mbala izɛma iyi Ɔkwu laa enzu (20.1-31)
Imbwama iyi iso: Ɔkwu a gba a zɛ ɛnwu ma kpɔ mu Ogalili (21.1-25)
Chwazi Kounye ya:
Ɔzhɔnu Kambu Iyemo: ETP
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria