Luka 24
24
Mfulukulu yi Yesu
(Mat 28.1-10; Mlk 16.1-8; Yoa 20.1-10)
1Kilumbu kilumingu, mu mene, bakento bayenda ku ndyamu na mafuta mamfuku yimbote ma bakubika. 2Bayenda bwana tadi dyedi kanga nkotolo yi ndyamu di nengomono ha ntendo. 3Ni bakota momo, kansi bayena nitu yi Mfumu Yesu ko. 4Bu bedi kwamusu mu mayindu mu dyambu bedyodyo, bayitukulu ni babakala bole balwata binkutu byedi lezima bayiza telama ha ntadisi awu. 5Bayena bunkuta bungitukulu, na bayinika nse zawu ha nsi. Kansi, babakala bebobo ba bateedidi ti: «Mu dyambu di nki luna sosila muntu wumoyo ha kati di bafwa e? 6Ka ehaha ko, kansi fulukidingi. Bambukeeno moyo mu misamu mi kaluteela buna wakidi ku Ngalili 7bu kedi tanga ti: “Bafweti yekola Mwana muntu mu moko ma minsumuki, baamukoma ha kulunsi, mboki waafuluka kilumbu kibitatu.”»
8Babambuka moyo mu misamu mi zonza Yesu. 9Buna basisa ndyamu na bayenda yala mpolo ku milongoki kumi na wumosi na ku bamvimba bahiika. 10Baba Maliya mwisi-Mangadala, Zani, Maliya ngudi yi Zaki. Na bakento bahiika baba nawu bayadila mpe zintumwa mpolo. 11Kansi bakwikila mu misamu bemyomyo ko mibateela bakento, bayena myo mi buzengi. 12Kansi Petelo wutelama na wuhitumuka ntiinu natee ku ndyamu. Wukondama, wuyena kaka bitende bi lino ha nsi. Mboki, wutoma yituku bubwingi mu misamu bemyomyo mihyoka na wuvutuka ku nzo andi.
Mu nzila yi Emawusi
(Mlk 16.12-13)
13Mu kyo kilumbu kwandi, milongoki myole miyenda ku bwala bumosi bu nkumbu Emawusi, wu kitatu na Yelusalemi, mu nyenda yi bilokola byole. 14Bamokinina mu misamu mimvimba mihyoka koko. 15Mu ntangu yi bedi kwe mokingi na hekasana zimvutu mu byuhu, Yesu yandi bende wuyiza ha baaba na wedi kwe yenzi ha kimosi nawu. 16Bamuyena, kansi bedi lembana mu mubakula. 17Yesu wubafuula ti: «Nkye musamu luna kwe mokini mu nzila e?» Ni batelama na kyadi kyonso. 18Yandi mosi mu ya babole nkumbu andi Kehopase wumuteela ti: «Mu Yelusalemi yimvimba, nganunu ngeye kwandi lembolo zaba misamu mi hyokidi bilumbu bebibi e?» 19Wubafuula ti: «Nkye misamu e?» Bamuvutudila ti: «Myo mitadidi Yesu mwisi-Nazaleti! Wubedi mumbikudi wululendo mu nsalulu na mu nzonzolo ha ntadisi yi Nzambi na yi mukangu wumvimba. 20Zimfumu zinganga-Nzambi na zimfumu zeto zimuyekodi, mwanki zimuzengila lufwa, ni zimukomini ha kulunsi. 21Yeto tubedi na kivuvu ti yandi waakuula Isaeli. Kansi tuka misamu bemimi mibwidi, kii kyeka ni kilumbu kibitatu. 22Kansi, mwa ndambu yi bakento mu kabu dyeto batupamuni, bu bayenzi mu mene ku ndyamu, 23kansi kabayeni nitu andi ko. Bu bavutukidi, batuteedi ti zimbazi zibayenikini na zibateedidi ti Yesu moyo kadi. 24Mwa ndambu yi bantu ha kati dyeto, bayenda mpe ku ndyamu, bayena mimvimba bonso bakento bateela myo. Kansi yandi bamuyena ko.» 25Buna wubateela ti: «Kyadi ku yeno lulembolo ba na madyela, mitima myeno mikwe tumbu kwikilanga ko mu myo mimvimba mizonza mimbikudi! 26Nga bufweni ko ti Klisto kayena mpasi bezozo teekila kakota mu nkembo andi e?» 27Mboki wubahaana mbangudulu yii mu Masonama mamvimba mi mu tadidi yandi, kutonina ku buuku di Mose natee ku mabuuku ma mimbikudi mimvimba.
28Bu batuula bela-bela na bwala bu bedi kwenda, Yesu wusa bonso muntu wuna hyoka kwandi. 29Kansi bamusimbidila, bamuteela ti: «Zakala neto, nkokila ye tula, bwisi mpe bwe yila», wukota mu nzo mu zakala nawu. 30Bu kazakala nawu ha meza, wubonga dimpa wusakumuna dyo, wubukuna dyo na wubahaana dyo. 31Mboki meso mawu mazibuka na bamubakula. Ni katumbu zimbala ha ntadisi awu. 32Bateelasana yawu na yawu ti: «Ni hahoho mu nzila, mitima myeto mibedingi tiya-tiya bu kabedi kwe tuzonzisingi na tubangudidingi masonama e?»
33Hansi na nsi, batumbu teelama na bavutuka ku Yelusalemi. Bayenda bata milongoki kumi na wumosi bayonzama na bampwanawu. 34Babateela ti: «Kedika! Mfumu wufulukidi na wuyenikini Simoni!» 35Milongoki mya mimyole miyala mpolo zi misamu mihyoka mu nzila na bwedi babakudila Yesu bukedi bukuna dimpa.
Yesu wukiyenikisa ku milongoki myandi
(Mat 28.16-20; Mlk 16.14-18; Yoa 20.19-23; Mav 1.6-8)
36Bu bedi zonzanga bobo, Yesu yandi wukiyenikisa ha kati dyawu na wubateela ti: «Kiyenge kyeno!» 37Bayena bunkuta bubwingi na bedi tekita, yawu babanza ti mukuyu bayeni. 38Kansi Yesu wubateela ti: «Bila nki lwekila yeku-yeku e? Bila nki lwekila na maketiketi mu mitima myeno e? 39Taleeno moko na malu mani, nkatika ni meno! Nsimbeeno na ntaleeno, mukuyu kaa na musunya na bihisi ko, bonso bu luna yena, meno bii naani.» 40Bu kabateela bobo, wubalonka moko na malu mandi. 41Bu bedi lembo tumbu kwikila, mu dyambu ti baba mu kyese na bedi yituku, ni hahoho Yesu kabafuudila ti: «Mwa kima kineeno kye dya e?» 42Bamuhaana kibuku ki mbizi yi mamba yikangulu. 43Wubonga yo na wudya yo ha meso mawu. 44Mboki, wubateela ti: «Misamu bemimi mya nedi luteelanga bu naba neeno kintwadi: bufweni ti mimvimba misonama mu Misiku mi Mose, mu mabuuku ma Mimbikudi na mu Mikunga milunga.» 45Yesu ni kabahaana madyela me bakudila Masonama. 46Na wubateela ti: «Disonama ti Klisto fweti yena mpasi na kilumbu kibitatu, waafuluka mu bafwa, 47mu nkumbu andi baalongila ku zinsi zimvimba mvilukulu na ndemvokolo yi masumu, kutonina ku Yelusalemi. 48Yeno lweka zimbangi zi misamu bemimi. 49Meno, naalutambika munkayulu wu lusila tata ani nsilulu. Ni hahoho, zakaleeno mu mbanza yi Yelusalemi natee bu lwaatambula lulendo lwaatuuka ku yulu.»
Banata Yesu ku yulu
(Mlk 16.19-20; Mav 1.9-11)
50Ku manima, Yesu wubanata bela-bela na Betani, wulambula moko na wubasakumuna. 51Bu kedi basakumunanga, wuhambana nawu na bamunata ku yulu. 52Yawu, bu bamana mu fukimina, ni bavutuka mu kyese kikingi ku Yelusalemi, 53mboki bedi banga ntangu zimvimba mu nzo-Nzambi mu kembila Nzambi.
Chwazi Kounye ya:
Luka 24: dde Ddo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© (Active) Wycliffe Bible Translators, Inc. All rights reserved.
Luka 24
24
Mfulukulu yi Yesu
(Mat 28.1-10; Mlk 16.1-8; Yoa 20.1-10)
1Kilumbu kilumingu, mu mene, bakento bayenda ku ndyamu na mafuta mamfuku yimbote ma bakubika. 2Bayenda bwana tadi dyedi kanga nkotolo yi ndyamu di nengomono ha ntendo. 3Ni bakota momo, kansi bayena nitu yi Mfumu Yesu ko. 4Bu bedi kwamusu mu mayindu mu dyambu bedyodyo, bayitukulu ni babakala bole balwata binkutu byedi lezima bayiza telama ha ntadisi awu. 5Bayena bunkuta bungitukulu, na bayinika nse zawu ha nsi. Kansi, babakala bebobo ba bateedidi ti: «Mu dyambu di nki luna sosila muntu wumoyo ha kati di bafwa e? 6Ka ehaha ko, kansi fulukidingi. Bambukeeno moyo mu misamu mi kaluteela buna wakidi ku Ngalili 7bu kedi tanga ti: “Bafweti yekola Mwana muntu mu moko ma minsumuki, baamukoma ha kulunsi, mboki waafuluka kilumbu kibitatu.”»
8Babambuka moyo mu misamu mi zonza Yesu. 9Buna basisa ndyamu na bayenda yala mpolo ku milongoki kumi na wumosi na ku bamvimba bahiika. 10Baba Maliya mwisi-Mangadala, Zani, Maliya ngudi yi Zaki. Na bakento bahiika baba nawu bayadila mpe zintumwa mpolo. 11Kansi bakwikila mu misamu bemyomyo ko mibateela bakento, bayena myo mi buzengi. 12Kansi Petelo wutelama na wuhitumuka ntiinu natee ku ndyamu. Wukondama, wuyena kaka bitende bi lino ha nsi. Mboki, wutoma yituku bubwingi mu misamu bemyomyo mihyoka na wuvutuka ku nzo andi.
Mu nzila yi Emawusi
(Mlk 16.12-13)
13Mu kyo kilumbu kwandi, milongoki myole miyenda ku bwala bumosi bu nkumbu Emawusi, wu kitatu na Yelusalemi, mu nyenda yi bilokola byole. 14Bamokinina mu misamu mimvimba mihyoka koko. 15Mu ntangu yi bedi kwe mokingi na hekasana zimvutu mu byuhu, Yesu yandi bende wuyiza ha baaba na wedi kwe yenzi ha kimosi nawu. 16Bamuyena, kansi bedi lembana mu mubakula. 17Yesu wubafuula ti: «Nkye musamu luna kwe mokini mu nzila e?» Ni batelama na kyadi kyonso. 18Yandi mosi mu ya babole nkumbu andi Kehopase wumuteela ti: «Mu Yelusalemi yimvimba, nganunu ngeye kwandi lembolo zaba misamu mi hyokidi bilumbu bebibi e?» 19Wubafuula ti: «Nkye misamu e?» Bamuvutudila ti: «Myo mitadidi Yesu mwisi-Nazaleti! Wubedi mumbikudi wululendo mu nsalulu na mu nzonzolo ha ntadisi yi Nzambi na yi mukangu wumvimba. 20Zimfumu zinganga-Nzambi na zimfumu zeto zimuyekodi, mwanki zimuzengila lufwa, ni zimukomini ha kulunsi. 21Yeto tubedi na kivuvu ti yandi waakuula Isaeli. Kansi tuka misamu bemimi mibwidi, kii kyeka ni kilumbu kibitatu. 22Kansi, mwa ndambu yi bakento mu kabu dyeto batupamuni, bu bayenzi mu mene ku ndyamu, 23kansi kabayeni nitu andi ko. Bu bavutukidi, batuteedi ti zimbazi zibayenikini na zibateedidi ti Yesu moyo kadi. 24Mwa ndambu yi bantu ha kati dyeto, bayenda mpe ku ndyamu, bayena mimvimba bonso bakento bateela myo. Kansi yandi bamuyena ko.» 25Buna wubateela ti: «Kyadi ku yeno lulembolo ba na madyela, mitima myeno mikwe tumbu kwikilanga ko mu myo mimvimba mizonza mimbikudi! 26Nga bufweni ko ti Klisto kayena mpasi bezozo teekila kakota mu nkembo andi e?» 27Mboki wubahaana mbangudulu yii mu Masonama mamvimba mi mu tadidi yandi, kutonina ku buuku di Mose natee ku mabuuku ma mimbikudi mimvimba.
28Bu batuula bela-bela na bwala bu bedi kwenda, Yesu wusa bonso muntu wuna hyoka kwandi. 29Kansi bamusimbidila, bamuteela ti: «Zakala neto, nkokila ye tula, bwisi mpe bwe yila», wukota mu nzo mu zakala nawu. 30Bu kazakala nawu ha meza, wubonga dimpa wusakumuna dyo, wubukuna dyo na wubahaana dyo. 31Mboki meso mawu mazibuka na bamubakula. Ni katumbu zimbala ha ntadisi awu. 32Bateelasana yawu na yawu ti: «Ni hahoho mu nzila, mitima myeto mibedingi tiya-tiya bu kabedi kwe tuzonzisingi na tubangudidingi masonama e?»
33Hansi na nsi, batumbu teelama na bavutuka ku Yelusalemi. Bayenda bata milongoki kumi na wumosi bayonzama na bampwanawu. 34Babateela ti: «Kedika! Mfumu wufulukidi na wuyenikini Simoni!» 35Milongoki mya mimyole miyala mpolo zi misamu mihyoka mu nzila na bwedi babakudila Yesu bukedi bukuna dimpa.
Yesu wukiyenikisa ku milongoki myandi
(Mat 28.16-20; Mlk 16.14-18; Yoa 20.19-23; Mav 1.6-8)
36Bu bedi zonzanga bobo, Yesu yandi wukiyenikisa ha kati dyawu na wubateela ti: «Kiyenge kyeno!» 37Bayena bunkuta bubwingi na bedi tekita, yawu babanza ti mukuyu bayeni. 38Kansi Yesu wubateela ti: «Bila nki lwekila yeku-yeku e? Bila nki lwekila na maketiketi mu mitima myeno e? 39Taleeno moko na malu mani, nkatika ni meno! Nsimbeeno na ntaleeno, mukuyu kaa na musunya na bihisi ko, bonso bu luna yena, meno bii naani.» 40Bu kabateela bobo, wubalonka moko na malu mandi. 41Bu bedi lembo tumbu kwikila, mu dyambu ti baba mu kyese na bedi yituku, ni hahoho Yesu kabafuudila ti: «Mwa kima kineeno kye dya e?» 42Bamuhaana kibuku ki mbizi yi mamba yikangulu. 43Wubonga yo na wudya yo ha meso mawu. 44Mboki, wubateela ti: «Misamu bemimi mya nedi luteelanga bu naba neeno kintwadi: bufweni ti mimvimba misonama mu Misiku mi Mose, mu mabuuku ma Mimbikudi na mu Mikunga milunga.» 45Yesu ni kabahaana madyela me bakudila Masonama. 46Na wubateela ti: «Disonama ti Klisto fweti yena mpasi na kilumbu kibitatu, waafuluka mu bafwa, 47mu nkumbu andi baalongila ku zinsi zimvimba mvilukulu na ndemvokolo yi masumu, kutonina ku Yelusalemi. 48Yeno lweka zimbangi zi misamu bemimi. 49Meno, naalutambika munkayulu wu lusila tata ani nsilulu. Ni hahoho, zakaleeno mu mbanza yi Yelusalemi natee bu lwaatambula lulendo lwaatuuka ku yulu.»
Banata Yesu ku yulu
(Mlk 16.19-20; Mav 1.9-11)
50Ku manima, Yesu wubanata bela-bela na Betani, wulambula moko na wubasakumuna. 51Bu kedi basakumunanga, wuhambana nawu na bamunata ku yulu. 52Yawu, bu bamana mu fukimina, ni bavutuka mu kyese kikingi ku Yelusalemi, 53mboki bedi banga ntangu zimvimba mu nzo-Nzambi mu kembila Nzambi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© (Active) Wycliffe Bible Translators, Inc. All rights reserved.