Yahana 8
8
Bwaa Bwaba Bangi na Tugari.
1Kapaba ko ga bo karige giu, ama Yesu e hyane shama e eʻo e zaitun. 2Na bungonge henda Yesu e esaka Egenga. Kuchi ato a kore wo eb, pa e shani e be chibaga yek. 3Pa hamarumi a chibagano e hadoba a Musa na Parisiyawa a shibkane Yesu bwaa bone bwaba kumbe na tugari. Paba yinse boik na so owato kuchi. 4Pa Parisiyawa na hamarumi a e chi baga e Musa ange na Yesu, << Umarumi, bwaa buni a kumbe boik bobeshi tugari. 5To, na so hadoba a Musa a herago nezwama a tagage iri bot bote har bu'u, gab henda yanzu nya gabwa zwame?>> 6Yeka zwame nani ne zwam yek maka Yesu, ko yeka hi yeno o eshibka e eb wo hadoba. Ama Yesu e kazhi reto, ebeshi ehenrago na tonge na ebob e eb.
7Ta ba kumbe kabaga Yesu pa eb emashenge yesane nyange, <<To, bone boza turiya bo rwage taga bwaa boni nate.>> 8Pa Yesu e kisane kazhi reto re eb, eb ke ehenrangaga na tong. 9Ab henda taba hoge nani a kumbe sheraga boink-boink, bando ato ab mugyare na ato now ba, ab ge Yesu eb eba, na bwaa yesane pate. 10Pa Yesu e mabanbege e kaba bwaa buni, << Bwaa bo yaba, yek ayo pa? Aza bone bo yesa bo bu shereu hadoba?>> 11Bwaa boni bwange, << Gab butuwaga aza.>>.
Pa Yesu nyange, << Oyo honzhe, gyam ma nabo shereu hadoba ba. sha tuhano na tobe wari nare ota shaka turiya ba.>>.
Yesu Ishi Tubanga To Duniya.
12Pa Yesu e kisana yek nezwama, << Gyamshi tubanga to duniya. Bone bo on kana swabe bwashi tuhano na so tushi ba, ama bwa hi tubanga to ne to panga muhondo mo dududu.
13Pa Parisiyawa ange na Yesu, << Reto narebe gab on kanashagya taaje, taaje na obe o gab kana shagyaga ushi o mahinda ba.>> 14Pa Yesu e chane Pariyawa nyange, << Ko na mashagi taaje o reto rinimi, ai, taaje numi ushi mahinda zwam na daki wo gyamsher, na henda wo gyamwa koro. Ama gahi daki wo gyamsher ba na henda wo gyamwa koro ba. 15Gahi on sheranga hadoba ta ato duniya a raga shaga bando tusongo to yinu, gyam henda na sherangiwa ko ga hadoba. 16Ama ko nasherya hadoba henda, eshereu hadoba nami ashi a mahinda, zwam gyam yo gyamgyamu ba, zwam Buchi bone bo mu tuma bo yo taba na gyamu. 17Na so hadoba a Musa nahi oyo herange nezwama, ezwamo e ato baryagya ushi owa yajiya. 18Gyam on kana zwammagaa reto rinimi, Buchi bone bona tuma henda bo on taaje na reto rinimi. 19Zwamnani Parisiyawa ani ange na Yesu, << Buchi buni na bobe boyo pa?>> Pa Yesu e chane nyange nabba.
<< Ko gyam ko Buchi nabumi aza bone bo gahi daki shi na daki gyam ena daku Buchi nabumi ba un.>> 20Yesu ezwame uni kuchi na so Yaba e Onhon e menga pani paba iragi hazonga a e panga uhanchi gagu eb ishi e chibagano pani, ama kuchi nanani aza bone bo huma ek, zwam gagu o Yesu ushiu ba katomo.
E pwa koro wo Gyamwa koro Ba.
21Pa Yesu e kisane zwama Yahudawa << Nashi tuhano, nyana yingyaga ama nya u na turiya na tuhi>. Wo gyamwa koro henda e pwa koro ba.>> 22Zwamnani pa ato tuwaga a Yahudawa ange, << Wato nya mahono ba unu na eb nyange < wo gyamwa koro e pwa koro ba?> >> 23Pa Yesu nyange naba, << Gahishi ato tonge, gyamshi bot bo turwana. Gahi shi ato duniya uni, ama gyamushi henda bot bo duniya uni ba.>> 24Obo sa gyamwange na gahi nya u na turiya na tuhi shi tanoso nezwama gyamshi bone bo gyam on zwammagaa gyamshi ba, a me yapeu turiya natuhi ba.>>. 25Pa Yahudawa ange na Yesu, << Gabshi ga?>>.
Pa Yesu nyange naba, << Nayo ta gyame zwama na Jigu. 26Azhe iyi denya ene e gyamwa zwamo na reto na rihi, ene gyamwa me shere hadoba henda. Ama bone bona tuma bushi bot bo mahinda, Ene e gyam hoge bando bob henda eba e gyam raga zwammagaa ato duniya.>>.
27Yahudawa a gano nezwama Yesu e on shagi yek taaje o Buchi ba. 28Pa Yesu nyange naba, << Gagu o gahi dande bwa bot, gagu uni ne gaha̱ gano gyamshi bone bo bgyame zwama gyamshi bob, na shagu henda konya gyamu-gyamu ba, se Buch na bumi buna zwama katomo, nani henda gyamwa zwamo. 29Bone henda bona tuma bo yo taba na gyamu, bona geu gyamu-gyamu ba, zwam kohwane na raga shagu ene bob bo kudage.>> 30Na Yesu e zwame irini kuchi, ato ana a bake ek denya a tane so na eb.
Agyam Na ane Aza Agyam.
31Pa Yesu nyange na Yahudawa ane a yaje na eb, << Shi de e on shaga ene e gyame zwama, gahishi aswabo a bone nimi a mahinda. 32Nya daki mahinda, mahinda henda ma me chago.>> 33Yek ange na Yesu, << Ai, gatushi ebenchi e Ibrahim, to tabo shagya koga tugyama ba, inga ta gabwa zwame atu chago henda?>>.
34Pa Yesu e chane yek nyange, << Lelle tamahinda, na raga ke zwammagaa, kuchi bone bo on shagu turiya bushi bugyam bo turiya ba un. 35Ai, bugyam bo shanga bando o yaba dududu ba, ama bwa henda bwa shanga na yaba dududu. 36Shi henda bwa buni bo me paso, e paso ba un, epaso e mahinda. 37Na daki de nezwama gahishi ibenchi e Ibrahim, ama henda e on gembo o kana hono, zwam e yado na taaje numi ba. 38Na on zwammagaa ene e gyam hoge wo Buchi na bumi, gahi henda e on zwammagaa ene e gahi hoge wo buchi na buhi.>>.
Bugwam Bo Muphar Bushi Buchi Na Buhi
39Yahudawa a chane Yesu ange, << Ai, Ibrahim ishi buchi na buti.>>.
Yesu chane yek, << Shi gahishi awo a Ibrahim, shi ka shiu enk ana a Ibrahim ishi. 40Hingyana yanzu, e on gembo o kana hono, gyam bone bo gyame zwama mahinda mane ma gyam hoge wo Onhon Buchi na bumi. Ibrahim e shiu konya nani ba! 41Ama gahi raga shaga ene e buchi na buhi bo on shaga.>> Pa yek ange na Yesu, << Buchi na buti bo gatuzhe Onhon oba uba, henda gatushi awo a ob a mahinda>>. 42Pa Yesu nyage naba, << Sheka zwame Onhon ushi Buchi na buhi bo mahinda sheka kudago gyam, zwam na sher wari wo Onhon, gyamwa buna henda, na kurwa zwam reto rinimi ba Onhon ob o na tuma. 43Zwam nya gahi dakiwa taaje numi? zwam e pwa kama ibga e hoge taaje numi ba. 44Gahishi a buchi na buhi bugwam bo muphar, e raga henda shagu ene e bob bo kudage. Bob henda tun da bushi bot boi honago e ato na arigi henda, aza ene ishi mahinda bando boba. bo raga shaga taaje one o bob bo kudage, ko nya henda e bob bo zwame ishi arigi. ba ma bushi bwarigi suba ba, henda bushi buchi bo ana a shagu arigi. 45Ama naraga ke zwammagaa mahinda, obo sa gahi tano so na gyamu ba. 46Na so nuhi ga bwa zwame nezwama nataboshi turiya? Shi henda mahinda gyam raga zwammagaa, to, zwam nya gahi tano so na gyam ba? 47Kuchi bone bushi bo Onhon bo raga hogaga tutom tone to sher wo Onhon. ama ane a sher wo Onhon ba a hugago taaje one o sher wo Onhon ba >>.
Yesu Na Ibrahim.
48Ato Yahudawa a chane Yesu ange, << Ashe, mahinda na mati na gatu ange na gab bushi bot bo tonge to samariye, bo yo henda na muphar mowo.>>.
49Yesu e chane nyange, << Gyam yo na muphar mowo ba. Buchi na bumi gyam on dendaga, ama gahi henda e raga kana kazhaga. 50Ba reto narimi gyam on yingyaga e dan duwa ba, ama azhe bone bo on kana yingyaga e dan duwa, boba ne henda bo eshagu hadoba. 51Lelle tamahinda gyam on kame zwammagaa, ko ga bo swabo taaje numi, bwa u ba dududu>>.
52Pa Yahudawa ange na Yesu, << To, nare kam, to yado boyo na muphar mowo. Ai, Ibrahim e u, nani ma a tuma. Inga ta gabwa zwamo ezwama kuchi bone bo yado na taaje nobe bwa u ba. 53Buchi na buti Ibrahim e u, gab henge Ibrahim? A tuma henda a u. gabshi ga bune bwa u ba.>>.
54Pa Yesu e chane nyange, << Shi henda na dande reto rinimi, e dan duwa nimi e yo na yinu ko nyaba. Buchi na bumi bushi bone bona dande, bone bo gahi raga zwammagaa, bushi Onhon nuhi. 55Ko na gahi daki boik ba, ama gyam daki boik, shi kana zwame na daki boik ba shina shiu bot bo tak ta gahi. Ama na daki boik, na on henda shaga ene e bob bo zwame. 56Buchi nabuhi Ibrahim ishiu ma koda e hya koro numi, e hya henda, e sheu makuda.>>.
57Pa Yahudawa ange na Yesu, << Har nare ma bo korowa hashekara akwape ta, inga ta gabwa zwame bo daki Ibrahim?>>.
58Pa Yesu nyange naba, << Tamahinda na raga ke zwammagaa, kame a machie Ibrahim eyo, gyam yo pa.>>.
59Zwamnani pa Yahudawa a hyangi te zwam a tagage Yesu. Yesu henda e ma swe, pa eb e sher na so yaba e Onhon.
Chwazi Kounye ya:
Yahana 8: UAA
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The word for the World Nigeria