Lo 4
4
15Ana Moses ere mogl, ka ta ama Israel yoba yegl di togwa, Yawe muglo Horep doga wagle atne mogl, ene ka di togwa igne i ene ye ogo nagie mo i ta kankrikwa. Yegl pre ene kan kun erio! 16Ene mabuno kide ere, taragl swara ta kwiano kamage ere tenamnedi bekekrio! Taragl yagl mo abu mere 17mo agl bugla mo dua kabu ta makandigle moglkwa mere mo kua ta kamun mitna pru dugwa mere 18mo taragl kebra ta makan mina wanugwa mere mo buglo bagle ta nigl atne moglkwa mere yegl ta bekekrio! 19Te, ene kan mitna ibo edidre, ade ba ya kugl kuri kanaiglkwa i, ene kan kun erio! Ene nomane kide idre, taragl i goglkono bodugl tedre, kagno kade tedre, kamage ere te dinaiglmiwa. Yawe ene Godno moglkwa i, ye taragl i yoba mudu yugobuno pere pere uglo koglo koglo meglkwa i, ere yei tomiwe di, Moses yegl dugwa.
Chwazi Kounye ya:
Lo 4: KB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Copyright 2015 New Tribes Mission