La Bib Pou Ti MounEgzanp

Bondyé kréyé tout bagay ! lè Bondyé kréyé prémyé moun sou tè-a, Li rélé li Adan. Apré sa Li kréyé yon prémyé fi Li té rélé Ève. Yo tou lè dé tap viv nan yon jaden Bondyé té kréyé ki té rélé jaden Édèn. Yo tap viv ak lajwa épi yo pat janm manké obéyi Bondyé jiskaské yon jou rivé ...

Yon sèpan vin palé ak Ève é li pozé-l késyon sa “Èské Bondyé di nou pou nou pa manjé anyen nan tout pyé bwa jaden-an ?” Ève réponn, non Li pa di sa “nou gen dwa manjé tout fwi nou jwenn nan tout pyé bwa yo, éksépté yon sèl. Si nou manjé fwi nan pyé bwa sa Li pa vlé-a, si menm sèlman nou manyen li nap mouri”. Sèpan-an réponn “sé pa vré ou pap mouri” sèlman li tap ri pa anba. Sèpan-an di-l konsa “Si ou manjé nan fwi sa, wap vin tankou Bondyé”. Sa fè ké, kòm Ève té déjà gen anvi manjé fwi-a, li kité sèpan-an konvenk li é li manjé fwi-a.

Apré Ève fin dézobéyi Bondyé, li konvenk Adan pou-l manjé yon moso nan fwi-a tou. Adan té gen dwa réfizé, li té gen dwa di Ève “non, mwen pap dézobéyi lòd Bondyé” sèlman li pa fè sa.

Kou Adan ak Ève fin fè péché-a, yo vin gen konésans ké yo kò touni. Alò, yo chaché fèy figyé yo maré ansanm pou yo té sa kouvri kò yo. Apré sa yo al kaché kò yo nan rajé pou yo pa kwazé ak Bondyé.

Nan fréchè aswè, Bondyé tap pwomenen nan jaden-an. Li té konnen kisa Adan avèk Ève té fè. Adan akizé Ève. Ève akizé sèpan-an. Bondyé di konsa “map lagé malédiksyon sou sèpan-an. Fi-a li menm, mwen vlé pou li gen gwo doulè chak fwa lap akouché yon pitit”.

Apré sa, Bondyé di Adan konsa “dèské ou péché tou, map lagé malédiksyon sou tè-a, sé pou rajé lévé tout koté, ansanm ak pis ki konn gaté jaden. Wap gen pou-w soufri ak pou-w swé pou-w sa rivé manjé chak jou”.

Lè Bondyé fin palé Li mété Adan ak Ève déyò nan bèl jaden-an. Paské yo té péché, Li séparé yo dé Limenm.

Bondyé mété yon gwo kouto difé dévan pòt jaden an pou Adan ak Ève pa tounen ladan li. Apré sa Li fè rad pou yo ak po bèt pou yo sa kouvri tout kò yo. Ki koté Bondyé té pran po bèt sa yo ?

Apré yon tan, Adan ak Ève vin fè pitit. Lè prémyé pitit yo-a ki té rélé Kayen vin gran, li fè métyé kiltivatè é li tap okipé jaden. Dézièm pitit yo-a, Abèl limenm té fé métyé élvè é li tap gadé patiraj mouton. Yon jou, Kayen poté yon valè légim fè Bondyé kado pou-l fè Li plézi. Abel li menm poté yon valè nan pi bèl mouton li té genyen yo, tout prémyé pòté pitit ke mouton-l yo té mété ba. Kado Abèl poté-a té fè Bondyé plèzi anpil.

Sépandan, Bondyé pat satisfè ak kado Kayen té fè-l lan. Kayen faché anpil pou tèt sa. Men Bondyé di-l konsa “si ou fè sa ki byen, èské mwen pap aksépté-w ?”

Kòlè Kayen pa janm disparèt. Sa vin fè ké yon jou, li mandé Abèl soti avè-l, é lè li rivé nan rout lakanpay, li touyé Abèl pwòp frè li !

Bondyé rélé kayen, Li mandé-l “Koté frè ou Abèl ?” Kayen bay manti, li réponn “mwen pa konnen. Èské mwen sé gadyen frè mwen” Poutèt sa, Bondyé pini Kayen, Li fè-l vin pa janm ka kiltivé jaden ankò é Li fè-l tounen yon vakabon.

Kayen wété kò li dévan prézans Bondyé. Apré sa, li marié é li fondé yon fanmi. Byen vit Tout pitit li ak pitit pitit li yo té vin anpil é yo té péplé tout zòn péyi koté li té rété-a.

Pandan tan sa-a, fanmy Adan ak Ève tap gwosi anpil tou. Paské nan tan sa yo, moun té konn viv pi lontan pasé nan tan nap viv kounyé-a.

Ève fè yon pitit ankò ké li rélé Sèt. Lè Ève fè pitit sa, li di “Bondyé banmwen Sèt pou ranplasé Abèl” Sèt té yon gason ki té réspékté Bondyé anpil. Li viv jiska 912 lané é li fè anpil pitit.

Pandan tan sa, sou tout tè-a, tout moun vin ap pi méchan dé jou an jou, jénérasyon apré jénérasyon. Rivé yon lè, Bondyé désidé li pito détwi tout moun ansanm ak tout sa li té kréyé yo tout bèt ak tout zwazo. Bondyé té régrèt li té kréyé lèzòm. Té gen sèlman yon sèl grenn moun sou tout tè-a Bondyé té jwenn, kòm moun ki pat janm sispann fè-L plèzi ...

Moun sa té rélé Noé. Sé té yon désandan Sèt. Noé té yon moun jis é san défo. Li tap swiv chimen Bondyé. Li té toujou aprann twa pitit gason li yo tou Sèm, Cham ak Jafèt, pou yo pa janm sispann obéyi Bondyé. Sa fè ké Bondyé fè plan pou Li sèvi ak Noé nan yon misyon byen étranj é byen éspésyal !

Fen