Kris la, bonjan rèn Estè pa nou anEgzanp

Entèvansyon Kris la pou nou

Menm jan ak Estè, ki te kapab ede pèp li a sèlman pa fason li fè konnen se menm ak yo li ye, Jezi te vini sou fòm yon moun tankou nou pou l te kapab mete l nan plas nou , li te pran plas nou sou kwa a pou l te kapab peyepeche nou yo. E menm jan Juif yo te rejwi lè Bondye te pote yo sekou epi sove yo anba destriksyon , nou kapab rejwi paske Jezi te aji pou nou e li te libere nou yon mannyè pou nou kapab viv anba pouvwa rezirèksyon li a.

Chapit ki rete yo nan liv Estè a enteresan, yo plen ak konyensidans dramatik . Nan Estè chapit 5, larenn jwif la te pran kouraj li ak de men pou li te aji pou pèp li a lè li te pwoche devan wa a san pèmisyon alavans. Te gen yon mirak ki te fèt, wa a te resevwa li epi wa a te akonpanye linan yon resepsyon li te prepare. Se la li te devwale wa a plan Aman yo e li te sipliye wa a pou l te gen pitye pou pèp li a. Yo te rive pann Aman.Asyeris te bay Estè tout byen Aman yo, epi li te bay Madochepozisyon ak otorite Aman te genyen an. Sa k pase a se pi bèl mannyè jistis ka parèt, se tankou yon pwezi.

Lalwa te entèdi Asyeris pou l revoke oubyen chanje dekrè Aman an sou deskriksyon Juif yo, konsa pou yo ka toujou touye yo. Men, Wa a te pran yon dezyèm dekrè epi se Madoche ki te pibliye li, dekrè sa a te fè konnen Juif yo gen dwa pou yo defann tèt yo ak tout mwayen yo genyen nan men yo. . Van an te vire nan bon sans lan pou sa ki gen pou wè ak destine pèp juif la, konsa pèp juif la te ranpòte laviktwa, pou montre lakontantman yo, yo te fè yon gwo selebrasyon . Anpil moun lòt nasyon te menm rive chanje nasyonalite yo pou yo te kapab vin juif akoz de evennman sa yo – Menm jan an tou sila yo ki rejte Bondye, yo kapab retounen vin Jwenn li, lè yo gade kijan Jezi aji nan lavi nou.

Yon lòt fwa ankò, se tout bagay sa yo ki pèmèt levanjil la pwopaje. Jezi t ap viv nan bèl palè a , men volontèman li te kite l pou l te vin viv pami nou sou latè (Filipyen 2:5–11). Anplis de sa, Jezi se pa lavi li, li te senpleman vin riske , menm jan sa te ye pou Estè . Se lavi li, li te bay pou te kapab peye dèt peche nou yo . Estè di: ’’Si m mouri, m mouri.’’ Jezi li menmte di, ‘’Si se mouri pou mwen mouri, ke volonté Bondye fèt’’ (Matye 26:42). Estè te riske lavi l pou l fè pèp li a favè. Jezi te bay lavi l pou l te ka jwenn favè Bondye pou nou, pou nou kapab pwoche bò kote Wa nou an pou tout tan gen tan.

Tout istwa nan liv Estè a chita sou - egzil, menas jenosid, redanmsyon, posib retou pèp la soti ann egzil – Liv Estè a reflete tout sa ki ekri nan Bib la soti nan Jenèz rive nan Revelasyon, ki dewoule an kat etap , tonbe nan peche, redanmsyon oubyen sali epi nouvèl kreyasyon an oubyen moun nouvo a . Menm jan Juif yo te rachte anba jenosid grasa entèvansyon Estè, epi yo te finalman rekonstwi-restore Jerizalèm apre yo te soti an egzil, nou menm tou nou te rachte grasa Jezikri, bonjan Estè reyèl pa nou an . Antanke Kretyen kèlkeswa jan egzil nou ye a kapab difisil jodi a nan mond echi sa a , nou espere yon jou nou va rejwi nan nouvo Jerizalèm lan kote p ap gen dlo nan je, p ap gen doulè, p ap gen maladi, p ap gen lanmò ankò. Se pou verite levanjil gloriye sa a ba w lafwa ak kouraj, kèlkeswa sa w ap travèse.