Népszerű bibliai igeversek innen: MATIUS 5

Megosztás

La'ah kelunan éh seket pelita' néh, bé' éh modoo' éh ra' tekup, bang néh modoo' éh bau retek éh pejing, dokoo' kekat kelunan éh pu'un tong lamin inah pu'un nawa. Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

La'ah ka'ah barei' jah rema tong tana'. Lamin éh neu' réh bau tokong bé' éh omok pelim.

Murung kenin kekat kelunan éh ni'ai kenin, irah omok jam Allah.

Murung kenin kekat kelunan éh mekat kivu pengeloo' Allah, Tuhan Allah omok pesukup éh pengeloo' réh kepéh.

Bang iteu' éh ha' Ké' ngan keh hun iteu' kepéh, Jian keh murung kekat ayau keh ngan sebayang menyat Tuhan pika irah éh peketa keh

Murung kenin kekat kelunan éh Nesen ngan juk pitah Allah, omok réh tai ngan Allah hun néh tuai pengeja'au ngan mihau kekat kelunan.

Murung kenin kekat kelunan éh jam ngejian kenin irah éh jah, Allah omok mateng réh anak néh.

Murung kenin kekat kelunan éh besau kenin, Allah omok papung réh kepéh.

Murung kenin kekat kelunan éh keta uban néh maneu' pengeloo' Allah, omok réh tai lem nihau Allah, ha' néh.

Murung kenin kekat kelunan éh jam masi kelunan, Allah omok masi irah kepéh.

Murung kenin keh hun kelunan ngesa'at keh ngan peketa keh, ngan ngesa'at ngaran keh uban keh pu'un kivu Akeu'. Murung ngan bahuu' Kenin Keh, uban ja'au mu'un oléé' néh ngan keh tong seruga. Kekat irah nabi sahau rai péh kenat ke' réh peketa réh.

Murung kenin kekat kelunan éh diva' kenin, omok réh alaa' éh pejajii' Allah.

La'ah ka'ah iteu' barei' usen tong tana'. Usen nah méé éh, bang hun néh mabah, bé' lu' omok pekeméé' éh kepéh. Bé' éh pu'un gunah kepéh, nebet ngan tejat kelunan awah éh.

Jian keh pika kekat kelunan barei' Tamen keh tong seruga pu'un pika réh, ha' Yésus nah.

Jian keh pané mu'un, bara' oo' hun néh oo' ngan bara' bé' hun néh bé', ineu'-ineu' éh nané keh hun néh tengéé' jin inah, pu'un éh jin iah éh sa'at awah, ha' Néh.

Ha' Yésus kepéh, La'ah ka'ah jam ha' tebaraa' réh sahau, Maten ngeliwah jah maten ngan jipen ngeliwah jah jipen, ha' réh. Bang iteu' éh ha' Ké' ngan keh hun iteu', Mai keh mipa kesa'at kelunan éh ngesa'at keh. Hun kelunan pu'un tepap pinga keh saa' na'au', kejeraa' éh tepap jebila' kepéh.

La'ah hun maten keh saa' na'au' mihin keh maneu' penyala', jian keh nirok ngan bet éh, pelapah jian jebila' maten keh nah pega' jin usah keh ketem lo'ong nebet Tuhan dalem luten meraka. Kenat péh hun néh ojoo' keh saa' na'au' éh mihin keh maneu' penyala', jian keh mugen éh ngan bet éh, pelapah jian jebila' ojoo' keh pega' jin usah keh, jin néh ketem lo'ong usah keh nebet Tuhan dalem luten meraka, ha' Néh.