Népszerű bibliai igeversek innen: Matayu 5

Megosztás

Ŋei maneŋo kiwa mane kuwake, laseŋo mi kito korauki mesiyake, eya wane turuŋine yemo eŋe bosiŋino modeki okora more, ŋei ŋerep mat koto metmami, eya qelaŋane eboniyake. Rokop yalewaka, ŋinane kiwaŋo ŋei ŋerep qelaŋane eboniyake, paki eŋe ŋinane masi tanik maine okanmami, eya kau paki, Magaŋine qeliwo gemaike, eŋe bakomine kitokei.”

“Ŋine kepe baŋem ŋei eŋane kiwa, yale okane gekei. Mat mane suwaine meŋo maneo makoi, eŋane qelaŋane eyamo kine kine maneŋo maine mi qekatkeyake.

Kotoene libeka gemami, eŋe wet pese desikei, onoka wane eŋe baŋ waomene Kaisale kakei!

Kaisaleŋo dere ebon maike eya wane rokopko wetene suwaineŋo wikile mage okanmami, eŋe wet pese desikei, onoka wane Kaisaleŋo baŋ qe watke ebongi, ŋatene qeyake!

Ŋo noŋo yemo ŋidanbe detpi, ŋabakopŋine wet maep okan ongei, paki ŋingu matali okanŋungei, eŋane Kaisale meŋenkau, turuŋene bira yake.

“Ŋei ŋerep eŋe kotoenane detpi, wanap okanmaike, eŋe wet pesek desikei, qeli gege togon yemo eŋane biŋek!

Ŋei eŋane keuweno peyam wane urata mau wakonmami, eŋe baŋ wet pese desikei, onoka wane, Kaisale eŋe baŋ eŋine gipolekoune edorayake!

Nem koyasuruk gemami, eŋe yaleka wet pesek desikei, onoka wane Kaisaleŋo baŋ maganut oniyake!

Ŋei ŋerep Kaisale derelukkamami, pakimo, kine eya wane ŋabaine ra more wikile kuteno motpi wamaike, eŋe eya wane wet pese desikei, qeli gege togon eyamo eŋane biŋek!”

Ŋei kimakopene eŋane wetene boriki, seseone okanmami, eŋe wet pese desikei, onoka wane eŋe Kaisaleŋo baŋ wetine boriki sese-oniyake!

“Ŋei eŋe det worik okan ŋungei, so ŋingu matali qetali okan ŋunikei, so ŋinane aŋao more isi don kine kine borikine korop ra solaŋine matalikei, ŋine wet pese desikei, onoka wane ŋine naŋane ŋadeno mogatnane sarimami, eya wane, Ŋine wetŋine peseki, batne okanikei, onoka wane turuŋŋine lewine suwaine weti qeliwo, ŋinane biŋek Magakŋo warekaki pamaike, eya wane. Propet ŋeikopŋine ŋinane bango qei mo sogino ge sakoi, eŋe kisi maep wane ŋabaine edo, kisi maep ŋabaka eŋe yalewaka ŋaba one more matali qetali ebukoi.”

Wetene ma pese gemami, eŋe wet pese desikei, onoka wane eŋe baŋ Kaisaleŋo onoka biŋek qe ebonge, eya makei!

“Ŋine kepe baŋem ŋei eŋane kiwet okanikei. Ŋo kiwet eŋe simileine eya mida okaniyakeo, mau koso simile wako wakon wane numa eyamo mi pamaike. Kiwet eya mo simile midaine okanmaike, eya wane yeine qakeu ariki, ŋei ŋerep eŋe kutno gesoke ari sari okanmami.

Eya wane, ŋine koboboine gekei, Magaŋine qeliwo eŋe koboboine gemaike, ŋine eŋane rokop magekei!”

Ŋine rawe raso yemo ‘Okkei’ me ‘Mida’ maine rakei. Don natne yaup rakei, eya yemo Ŋei Borikinano ŋine sarimaike.”

“Ŋine don iwa yale raraine pamaike, eya mo detkoi, ‘Ŋei maneŋo geŋane deŋone qe pilikki, ge turuŋine eŋane deine eya ge weneŋ qe pilikkene, so mane eŋe geŋane ŋetŋone kito muzuŋgi, ge turuŋine eŋane ŋetne kito muzuŋgene’. Ŋo noŋo yemo iwa ŋidanbe detpi, ŋei mane eŋe masi qotkoine okan ŋungi, so ŋine turuŋine qotkoineka mi okankakei. Ŋo ŋei mane eŋe tagenŋine wongoken ŋinguyakeo, ŋine tagenŋine kanaoken eya weneŋ sunkau ŋinguyake.

Eya wane ge deŋone wongoken eyaŋo borikine makenane tebaganiyakeo, ge qe pitikenom saketki biranom ariyake! Ge solaŋone sisine wekuŋo midayake, yemo zok wekumane, ŋo ge solaŋone koropŋo kuneneŋ gekeneo ge baŋ sora gerepko birau kesikene, eyaŋo maine mi okanmaike. Ge meteŋone wonŋo tebagangi borikine makeneo, yemo ge kitare so biranom ariyake! Ge bikumŋone sisine weku qeliŋkakene, eyaŋo yemo zok wekumane. Ŋo ge solaŋone koropŋo ge ari sora gerepko kesiyake, eyaŋo maine mi okanmaike.”