Népszerű bibliai igeversek innen: JENESIS 3

Megosztás

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

Te u bseiñ u long uba sianti tam na ki mrad baroh kiba U TRAI U Blei u la lah thaw. Uta u bseiñ u ong ha kata ka briew, “Hato ka dei shisha ba U Blei u ong ba phim bit ban bam ïa u soh na uno uno u dieng ha kper?”

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

Ha kata ka briew pat u ong, “Ngan pynjur ïa ka jingjynjar jong pha haba pha punkhun, bad ïa ka jingshitom jong pha haba pha kha khun. La katta ruh, phan ïai kwah ïa la u tnga, pynban yn pyndem ïa pha ha u.”

Men hap trei shitom bad jaw syep ban pynlong ïa ka khyndew ban pynmih ei ei, tad haduh ba men da leit phai pat sha ka khyndew na kaba la thaw ïa me. La thaw ïa me na ka dewmet, bad men sa kylla dewmet sa shisien pat.”

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

Bad U Blei u ong, “Mano ba la ïathuh ïa me ba me la lyngkhuit? Hato me la bam ïa u soh uba nga la ong ïa me ban ym bam?”

Nangta ha ka phang mihngi jong ka kper u la buh ïa ki kherub bad ka waitlam bameh ding kaba phai ha baroh ki liang. Kata ka la long ban ïada ïano ïano na kaba wan hajan u dieng ba ai jingim.

U Adam u khot kyrteng ïa la ka tnga “Ka Im”, namar ka long ka kmie jong ki briew baroh.