Népszerű bibliai igeversek innen: JOHAN 6

Megosztás

Jesu'n akiang uah, “Keimah hinna tanghou ka hi; kuapeuh ka kiang a hong pai agilkial kei ding, kuapeuh kei hon gingta chik mah chiang in adangtak kei ding.

Hinna pia zaw kha ahi a, sa zaw bangmah ding in aphatuam kei; na kiang ua thu ka gente kha ahi a, hinna leng ahi.

An mang thei phet zong in phiaphia kei un, himahleh an, tangtawn hinpha a om gige ding, Mihing Tapa hon piak ding pen zong in phe zaw un; Pa Pathian in amah achiamtehta hi,” chi in adawng hi.

Kuapeuh Tapa mu a gingta in tangtawn hinna aneih a, nitawp ni chiang a amah ka kaihthoh ding ka Pa deihlam ahih ziak in,” achi hi.

Jesu'n akiang uah, “Pathian nasep hiai ahi, amisawl gingta le uchin,” chi in adawng hi.

Pa'n hon piak peuhmah ka kiang ah ahong pai vek ding uh; kuapeuh ka kiang a hong pai ka delhkhe ngei kei ding hi.

Simon Peter in, “Toupa, kua kiang ah ahia ka pai tuan ding uh? Nangma'n tangtawn hinna thu na nei hi.

Keimah van a kipan a tanghou hing hong paisuk ka hi, kuapeuh in hiai tanghou anekleh tangtawn in ahing gige ding; ahi, khovel hinna dia ka piak ding tanghou ka sa ahi,” achi hi.

Pa hon sawlpa'n ahip keileh kuamah ka kiang ah ahong pai thei kei. Ke'n ahong pai mi nitawp ni chiah ka kaithou ding.

Pathian tanghou van a kipan in ahong paisuk a, khovel kiang a hinna pepa ahi,” achi hi.

Keimah hinna tanghou ka hi.

Jesu'n tanghou phelte ala a, kipahthu agen khit in atute kiang ah ahawm a, huchi mah bang in ngasate leng adeih hun un ahawm sam hi. Huan akham nung un, anungzuite kiang ah, “Bangmah mang lou ding in anente luak un,” achi hi.

Ching sawmnih leh ching nga hiam, ching sawmthum hiam akalh nung un, tuipi tung a khe a Jesu pai a, long lam hon naih in amu ua, alauta uhi. Himahleh ama'n akiang uah, “Keimah ka hi, lau kei un,” achi hi.