Népszerű bibliai igeversek innen: Luku 21

Megosztás

Koto ekina꞉ leke leke lo hata꞉ hoto paeyao yeni pu hapa꞉peke. Pa ekipeke ikana꞉ma꞉ dupiki haumanu tukiki pa꞉ta꞉ kone honkopu hau epeke tupa꞉ opolo pua mo Wanda꞉halina꞉ Eiyekena꞉ leke popelekena꞉ hamena꞉yeke loa꞉me leekeme.

Ika꞉ kone wopu handeteke hapa꞉peke. Ne tieke pamba make honkopu hake hoke ikali wopu na make do kenkena꞉ hone pa꞉la꞉ ekina꞉ we pamba꞉la꞉ ekima꞉ iki ota꞉ na tumbaena꞉ lapa꞉peke. Pa ekipeke mo Tekehalina꞉ Natema꞉ ikita꞉ wisakema꞉ pita꞉la꞉ tupa꞉ koto kone

Honkopu hao hapa꞉peke. Pa ekipeke dupiteleme hau manuma꞉ta꞉ ika꞉ kone petelimikie leekeme.

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Oli ya do kenke yaapota꞉ paelo pa꞉la꞉pate yaka pi lo haloeki manuta꞉ na paelieke leekeme.

Oli ya naneta꞉ oli natena꞉ kaisepona꞉ hombulanka꞉ paeyaona꞉ pate haumanu pilieke. Do kenke naneta꞉ mandane da kenke paeyaoma꞉ta꞉ Eki pumana꞉pe laa hone mataaso hata꞉ mo dawalana꞉ ho tiekema꞉ e̱ lelieke make dawala telia꞉ ekina꞉ make paala꞉ma꞉ homo halimikie. Wanda꞉hali paala꞉ma꞉ homolo hata꞉ mo kenke paeyao pa꞉ta꞉ eki hau opolo ipula꞉pe laa la꞉ma꞉ lulu pitolo hata꞉ homilimikie. Mo ya nane hala꞉ ale manuta꞉ ika꞉ hao haleme tupa꞉ na hake pa nane wato baalieke. Koto tomona꞉ kone Wanda꞉halina꞉ Eiyeketa꞉ oli koa pa꞉ta꞉ honkopu tieke make pa̱a̱ peaasa꞉eki ame̱le̱ opolo ipilieke.

Yaka biki melemeke handaa wanda꞉hali paeyaoma꞉ iki ota꞉ kiaalimikie.

Kutu pilia꞉ tomona꞉ta꞉ kenke yu paeyao pa꞉ta꞉ paala꞉ piki yu momeni tiekemanu pea make tea꞉ ki pambo pea make yeni ki tieke make ipilieke. Kutupata꞉ oli ya nane na handeke haumanu make peaata꞉ ta꞉ta꞉ ta꞉ta꞉ pea paala꞉ wopupiki aneke haumanu wotu handilimikie.

Ikana꞉ma꞉ Tapake ma꞉nda꞉ma꞉ tapake ma꞉nda꞉ yaapo a꞉nda꞉ pita꞉la꞉me o Homeke tapakema꞉ kone a꞉nda꞉ pu alu alu pita꞉la꞉me pi opimika꞉na꞉ta꞉ kota꞉ ikana꞉ma꞉ paala꞉ma꞉ na homu hapa꞉peke. Dupiki haumanu amba꞉la a꞉pa꞉peke ya꞉la꞉pate pa mo hande paetolo nateta꞉ teke pa꞉ta꞉ laa na pita꞉la꞉me. Yesuma꞉ pi ma꞉nda꞉ ombu alo hata꞉ alota꞉ Kenke homekena꞉ amitonu tiao pua kenke ma꞉nda꞉na꞉ ami tapu a꞉nda꞉ pilimikie. Kini hali homekena꞉ amitonu tiao kini hali ma꞉nda꞉na꞉ ami tapu a꞉nda꞉ pilimikie.

Oli ya naneta꞉ oli natena꞉ kaisepona꞉ hombulanka꞉ paeyaona꞉ pate haumanu pilieke. Do kenke naneta꞉ mandane da kenke paeyaoma꞉ta꞉ Eki pumana꞉pe laa hone mataaso hata꞉ mo dawalana꞉ ho tiekema꞉ e̱ lelieke make dawala telia꞉ ekina꞉ make paala꞉ma꞉ homo halimikie. Wanda꞉hali paala꞉ma꞉ homolo hata꞉ mo kenke paeyao pa꞉ta꞉ eki hau opolo ipula꞉pe laa la꞉ma꞉ lulu pitolo hata꞉ homilimikie. Mo ya nane hala꞉ ale manuta꞉ ika꞉ hao haleme tupa꞉ na hake pa nane wato baalieke.

Yesuma꞉ pi ma꞉nda꞉ ombu alo hata꞉ alota꞉ Kenke homekena꞉ amitonu tiao pua kenke ma꞉nda꞉na꞉ ami tapu a꞉nda꞉ pilimikie. Kini hali homekena꞉ amitonu tiao kini hali ma꞉nda꞉na꞉ ami tapu a꞉nda꞉ pilimikie.

Yesuma꞉ alota꞉ Ma꞉nda꞉ma꞉ iki makeaama꞉na꞉ wotu handeteke hapa꞉peke. Hali wopuma꞉ ya biki la꞉paleke ipulu alota꞉ I̱ta꞉ ipikie alo hata꞉ hande nate a꞉pa꞉la꞉mee lolo pelemepate ikana꞉ma꞉ iki na ta꞉lia꞉pa꞉peke.