Népszerű bibliai igeversek innen: Mattaayo 5

Megosztás

Toro la et taa bolkhicho baakhuul kaankubo mele. Taa a labolkhicha kombor lakorcha, ꞌdee eti tuummane min goya kajiro il kaarga. Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

“Atin iꞌdi banay u, enenyeti harratane jiti Waakh tussaan, ilkerengeetti hal sartiis kadisan la ma ladabo.

ꞌDooꞌdi Waakh imaalo, a ki uurassicho ka eloo rucchul laka ikhabin, icho Waakh a argaanee.

ꞌDooꞌdi Waakh imaalo, a ki fissanoon iankayo toro isubgaati, Waakh icho a dargichaa.

Iꞌdaasenyi wihi an atin iadeeh, chiiytiin ꞌdoona, ꞌdooꞌdi sina atin omhicho la iweesda.

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

ꞌDooꞌdi Waakh imaalo, a ki enenyet isineybicho, a mehe nyaakhuti Waakhe layadeeh.

ꞌDooꞌdi Waakh imaalo, a ki toolla uskeeli weeli enenyet bolkhicho, Waakh icho uur a khoboochaa.

ꞌDooꞌdi Waakh imaalo, a ki jeenteti icho ifissanyahiin u sina loomhicho, dakhi goobi Waakh a kichoodaa.

ꞌDooꞌdi Waakh imaalo, a ki uur nugul, Waakh icho uur a inugleestaa.

“Waakh a atin imaala maanti enenyet jeenteteey u atin abaaro, sina atin omhicho, been ka suujoonki nool atin kacheekti. Girꞌdaama weyti hamaada giꞌde. Waakh goobiis ka kalaꞌddi buurenye atin gutaa. A mehe ꞌdooꞌdi Waákh íyeyyeedo goorat saggaas on sina liiomhiche.

ꞌDooꞌdi Waakh imaalo, a ki samacchaare, Waakh harrati husub icho a siichaa!

“Atin a magaaꞌddi weeli enenyet tuumman. Iꞌdaasenyi magaaꞌde chiꞌiche gimbatiche waayte, saggoh toro liigimbaacha? Kola walah iche iroontahe mele, khubnaanki lakhubo enenyet yabti on menye.

Maantaka saggi Aabbahaahki serey jiro ꞌdooꞌdiis tuum isikasoobahchuu, at laka tuum issoobihiche, ꞌdee wihi Waakh kaaꞌdoono yeel.”

Chirri at, ‘Aa,’ tidah, iꞌdaas on a eheetti. Chirri at, ‘Mele,’ tidah la, iꞌdaas on a eheetti. Wihi addane at kakhayto, ki uskeel lehe kayamiitiin.

“Amuri, ‘Eti il kibahche at laka il bihi. Eti ilah kibahche la at laka ilah bihi,’ yidah a daagteen. Iꞌdaasenyi wihi an atin iadeeh, eti suuje aleetirrimin. Chirri etoo fodoori miigeet kiguꞌdde, fodoori addan laka siiche a kiguꞌddo.

Maantaka chirri issaahti miigeet uskeel kaaluguꞌddo, issaas bihiche, rog! Atihi sartaah tuumman khabtaayi meessi ꞌdabi armaanjireen lakaalugꞌdo ka, atihi miilaahkoo waayto deefta. Chiꞌ dahantaahti miigeet uskeel kaaluguꞌddo la, dahantaas gooche, rog! Atihi sartaah tuumman khabtaayi meessi ꞌdabi armaanjireen lakaalugꞌdo ka, atihi miilaahkoo waayto deefta.