Népszerű bibliai igeversek innen: Mataos 15

Megosztás

To kœb ó, bɨsa lé eduho é nʉm ɨ, byé eduho ó, é leme mʉr tʉŋlʉ. Bɨsa byaa ó ndɨ elœʼ mʉr é mih mo Zyɛm. Ebe, bɨsa bɨ ebebe bibyɛh, byé eduho ó, é leme. Byé ó: bɨbebebebe mɨpɛhla, ejwɨɨ e bʉr, mɨfyɛba, bɨmala, díbe, ebuʼo mɨɔ go mʉr mɨlɔb ndwe e movoʼ.

Sa ndɨ elœʼ mʉr é mih mo Zyɛm ɨ, yé abe yaa mʉr lé ede e. Sa ndɨ elœʼ mʉr é mih me e, yé ó yaa lé eduho mʉr waa é nʉm ɨ.»

“Zyɛm, nye elɛɛ ó: ‘Kul yi, yé ekʉ dwiibɨ me ó, njɨ é bɨbɨʼ bɨ nʉm kʉl. To kœb ó, mɨleme myɔɔ, mi bul cɛra e me. Mbi bʉr baa lé edwiibɨ me e, wé ó kʉ be tɨtoʼo, abe ba e nyɔm, ebe, sikʉlʉ bé lé edweela paʼra wɔɔ ɛ, yé ó njɨ yaa bʉr.’”»

Yesʉs ntɔʼ lɛɛ e mʉma waa ó: «Mʉma nwa, gɨ kʉ jyɛʼ taa buʼo yo boo me! Yé saŋɔ go mpʉ gwɨma yo ndɨ ɨ!» Taare é jɔʼ gwar yaa, sile we, wé ntɔʼ tiʼe.

Mʉma waa, ntɔʼ bɨʼ mpom we si é mih me. Nye e nye ó: «Da, kɛmɨ me.» Yesʉs ntɔʼ bɨha e nye ó: «Yé ambɨa ó, mode lé ejala le edweŋɔ bwan ɨ, mé bula dweŋɔ bwa ompye.» Mʉma, nye e nye ó: «Da ɛɛ, yé ó no! Dam be no, bwa ompye, bé esa nteme ó, de bɨtwiʼ mode lé ekur si teble é mbɛr mo sɔŋ wɔɔ ɛ.»