Népszerű bibliai igeversek innen: Matayo 5

Megosztás

Nta eefo nndu aataa taa na iifunikya mengetoń ndi. Kake eevanikaa kivanikoń, nayo imulikye woose vakee numba. Mfo kuro neeni veń vandu vamulikyaa vengi, amu valolie mitanye yanu misha, vautye-wo ińinisa Nde yanu wa iṛuvewu.

Ini mukee langa ya isanga li. Muṛi wa vandu ukee uroń uvaa ifisa ndi.

Ngoma valya vakee va ngoo sheelwa, amu wwo vakaa vandelolya Iṛuva.

Ngoma valya vaworwa nsoto na nyura ya usumani, amu wwo vakaa vawuuruswa.

Kake niń namuia: Kundeń fituva fanu, niingeń valya vakee imuumbuta mboṛa.

Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Ngoma valya vakundye unambwe, amu wwo vakaa vandevaangwa vana va Iṛuva.

Ngoma valya vawore unaari, amu wwo vakaa vawiiṛyo muu.

Ngoma valya vatuṛulwaa kiimba kya usumani, amu wwo umangi lwa Iṛuva luvaa lwawo.

Ngoma valya vawore ililya, amu wwo vakaa valilyo.

Ngoma ini mukee irumwa vvandu na yumbutwa na ifingyo firero fikasha foose kya wongo kiimba kyakwa. Fureń kyeseń! Amu maṛe anu mmeengi iṛuvewu. Mfo kuro vaumbuta na vaauya fisuku valya veemwiryee mbele.

Ngoma valya vawore utele, amu wwo vakaa varwaa dińu ya isanga.

Ini mukee munyu wa isanga li. Kake munyu ukavva kyoongyo ushiiswaa neeki ulore? Ukivaa kutu ndi kita ikumbwa na ivario̱vario̱ vvandu.

Kyasia ini veń vandu vasongovye, sheeli Nde yanu wa iṛuvewu asongovye.

Mukanumbua: Ee, kive dede. Mukanumbua: wode, kive kya dede. Amu kilanya ya ifo fikee yuka kwa Nkasha.

Mwamiita sheeli kyarerwa: Iriso litawaa ni iriso na iyoo litawaa ni iyoo. Kake niń namuia: Manya mutakutimbiṛite na ukasha. Kake nndu kakukaba ui lwa usaa lu usha mwaṛuye na ilo lungi alukabe.

Na kwakooya iriso lyafo lya uko usha likwendye nsindaṛa, liiṛue kwalikumba neefo likuuke. Amu llyo ńwana kyeenga kyafo kimwi kireke kita ili vvili wafo woose weeṛwaa muroń utarunyikaa. Na kwakooya uko lwafo usha lu-kwendye nsindaṛa, luminye kwalukumba neefo lukuuke. Amu llyo ńwana kyeenga kimwi kireke kita ili vvili wafo woose weeṛwaa muroń utarunyikaa.