Népszerű bibliai igeversek innen: Mataio 7

Megosztás

Ua abi damsare, iaueakai uabi nakuarare; a uaba deraimerare, epe uaba erdali; a uaba abi dida mudumud iaueakai uabim diski.

Abelelam ese le abi damsare E nagri; abele le deraimer E abi erdali; a diski abele le abi dida mudumud.

Dasmerare, ese le asoli kara mer giz peike E ko ikeli, kaka abi babisdarie E pardale, E ikeli abara meta abele neid ge

Gaire lu uridili uaba lag le giz uabi ikerare, mokakalam uabi ikerare uiabim; abelelam abele gelar gako gaire perofeta giz.

Abelelam kebi te abele gab te ge, a kebi kale abele gab a bakedida eded, a neis neis le erdali.

Uaba barot abele kebi gab te ge; abelelam au te abele au gab te ge, a aule abele gab a gaire le ekaseredi bakeaud.

Dasmerare, uaba adud le, ese uaba umele nakuarare debe lu uaba omasker giz, nako uaba Aba penoka dali kotor ge, nole uabi nakuarare au debe lu giz uiaba le abi damsare?

Ua nole abi meratager kak nerute le, iaueakai E uabi ko nole meratager. Abelelam abele meratager ua abi meratager, E ko uabi meratager; abele tonar lu uaba abi detali, a E ko uabi detali.

Ese le asoli kara mer giz ike a nole ikeli, E babisdarie abele paim le, E ikeli abara meta tumem abele ue ge

Nalu ma abi dasmeri lu puipi mara le la pone ge, a ma nole umer kak abele au lu mara pone ge? Nalugem ma detager mara le, Abkoreb kaka atperedelu lu puipi mara pone; dasmer, abele au lu nagri mara pone ge?

Ege uaba mamor dasmerare gaire perofeta bes, uiaba tabarki uabim mamoe am uali, epe muige arega luko uiabim. Ua erdali uiaba turum. Nako le edobemeda uina moda abele lu daradar, pako suke abele lu zegerzeger?

Ege mokakalam debe lu giz uridili kepu debe turum, epe abele adud lu a ko adud turum nagri.

Umer kak debe lu nagri adud turum, umer kak adud lu a ko nagri debe turum.

Gaire lu uridili nole debe turum, a ismi batauerda abele ur ge.