Népszerű bibliai igeversek innen: Liike 21

Megosztás

Ɛ́ mí piɛní mí yìe ɛ̀ mì wóo hɛ̃un Dɔfĩn fúu, ɛ́ mí den ɛ́ yí hɔ́ pànkɛ́ lɛ mii lɛ́ ɛ̀ mì dàá yí fuen lé hɔ́pe bòo lɛ vaá-ɓen míkùi hũn, ɛ̀ mì lò dàá dàń vɛ dìń ɔ́ nìnbírɔ Zuú híɛhɔ́.»

Ɛ́ mí pɛ míte bòo sãàní! Mì bí nɛ hɔ sɛ́hĩ́ dínlɔ́ àá hɔ ɲɛɲunlɔ́ àá lépe mɛkɛ̃nì lɛ kɔhìé bòo ɛ̀ vĩ́iní mí bɔ̀dũmunù wɛ̀. Kɛ́ dàa bòo mí, ɛ́ lepe sí sɔ ɛ́ ɓén ɓén yòokɛ mi lɔ̀n

Ɛ̀ mì cɛ mi kuò ɛ̀ dɛsĩ̀ sãàní, ɛ́ mí bɔ́hĩ́ ɛ́ ɓén fuen.

Iè hɔ̀ lɛ ɛ́ hɔ́ biehĩ́ àá hɔ́ bɔ̀dũmunù lɛ ɓén lɛ́ ɛ́ ɓɛ́pe mì ńbíyanliè ɛ́ dàá yá yí bɔ̀tĩɛ̀ mì lɔ̀n ɛ́ ńpe niǹte ǹ ɛ́ te wóo ɓén lɛ́ miɛ ǹ.

Hɔ̀ hóohũn àá lé sṹsùnù ɛ́ ɓén khíi, kɛ́ niǹ biehĩ́ ɛ́ pe yá khíi yá mi wɛ̀.

Ɛ́ ɓɛ́ nìnbirìe ɛ́ wóo ɓén mi hɔ́ yéréké bòo lè wurù àá lé ńpĩ́ihṹ àá hɔ́ ńpĩ́inàwùo hũn. Ɛ̀ lè sṹsùnù lɔ̀n ɛ́ hɔ́ dàa dɔ̀ nìɛ ɛ́ kuò wóo ɓén hè, ɛ̀ ɓɛ̀ lò hũn wóo ɓén yenkɛ hɔ ɲun-bɛhɔ́ tɛmu àá pehɔ̀ sànbɔ̀níkɛlɔ́ bòo hũn. Ɛ́ ɓɛ́ nìnbirìe ɛ́ ɓen ɛ́ hɔ̀ bòo lɛ mii wé lè sṹsùnù lɔ̀n bòo ɛ̀ nùún, ɛ́ peɓɛ̀ bɔ́hĩ́ temu hɛ̀ wóo ɓén lé lé, iè hɔ̀ lɛ ɛ́ hɔ́ pànkɛ́a lɛ yòó wi hɔ hóohũn míkùi ɛ́ ɓén yòó zɛ̀kɛ. Ɛ́ ɓɛ́ nìnbirìe den wo ɓén mi-ɛ pe nìnbírɔ Zuú kɛ́ á ɛ́ ɓen lè dùindúi dɔ̀ lɔ̀n àá pànkɛ́ bɔ̀bɛhɔ́ mí ɓàarɔ́ hũn.

Ɓɛ̀ nìnbirìe ɓɛ́kùi ɛ́ ɓén hán miɛ niǹ yèrè yènsénín.

Ɛ̀ lè sṹsùnù ɛ́ wóo ɓén vɛ́ zɛ̀kɛ cɛ̃̀un hɔ vuò dɔ̀ hũn, ɛ̀ hɔ̀ pinpi-duò àá hɔ́ hĩ́ní ɛ́ wóo ɓén wé, ɛ̀ hɔ̀ bɔ̀sũmúa bòo ɛ́ wóò wé, ɛ̀ hɔ̀ bòo lɛ wóo záaníkɛ ɓɛ nìnbirìe lɛ wóo yòó lé àá hɔ́ hóohũn ɛ́ wóo ɓén wé.

Mí ɓen van ɛ́ hɔ̀ hĩɛ̀ lɛ ɛ́ tɛ́ bòo ɛ̀ ɲí, ɛ̀ mì lò ɛ́ ɓɛ̀ cɛ̃̀mɛ̀náa nìɛ lɛ wóò hĩ́ní pĩ́ ɓɛ́ ɲúuhɛ̃siè bòo ɛ̀ ɲí, ɛ̀ mì bí nɛ mi hũn yenkɛ wɛ̀. Iè hɔ̀ lɛ ɛ́ hɔ́pe sí míkùi ɛ́ fɔ́ɓán ɛ̀ hɔ̀ wé vé, kɛ́ hɔ́ ɲɛùn yí lé dímíɲɛ́ vénlɔ́ ɛ́ temu zĩ̀níkɛa dɛ̃un kɛ̀amu wɛ̀. À bĩniɛ zɔn bie sĩiniɛ ɛ́ nɛ làa: «Ɛ́ cɛ̃̀mɛ̀nɛ́ dɔ̀ siè ɛ́ wóo ɓén hĩ́ní ɛ́ va tɛ́ hɔ́ hĩɛ̀ àá cɛ̃̀mɛ̀nɛ́ ɓuɛ̀ dɔ̀ siè, ɛ̀ bɛ́záanú dɔ̀ siè ɛ́ hĩ́ní khíi tɛ́ hɔ́ hĩɛ̀ àá bɛ́záanú ɓuɛ̀ dɔ̀ siè.

Ɛ́ ɓɛ́ nìnbirìe ɛ́ wóo ɓén mi hɔ́ yéréké bòo lè wurù àá lé ńpĩ́ihṹ àá hɔ́ ńpĩ́inàwùo hũn. Ɛ̀ lè sṹsùnù lɔ̀n ɛ́ hɔ́ dàa dɔ̀ nìɛ ɛ́ kuò wóo ɓén hè, ɛ̀ ɓɛ̀ lò hũn wóo ɓén yenkɛ hɔ ɲun-bɛhɔ́ tɛmu àá pehɔ̀ sànbɔ̀níkɛlɔ́ bòo hũn. Ɛ́ ɓɛ́ nìnbirìe ɛ́ ɓen ɛ́ hɔ̀ bòo lɛ mii wé lè sṹsùnù lɔ̀n bòo ɛ̀ nùún, ɛ́ peɓɛ̀ bɔ́hĩ́ temu hɛ̀ wóo ɓén lé lé, iè hɔ̀ lɛ ɛ́ hɔ́ pànkɛ́a lɛ yòó wi hɔ hóohũn míkùi ɛ́ ɓén yòó zɛ̀kɛ.

À bĩniɛ zɔn bie sĩiniɛ ɛ́ nɛ làa: «Ɛ́ cɛ̃̀mɛ̀nɛ́ dɔ̀ siè ɛ́ wóo ɓén hĩ́ní ɛ́ va tɛ́ hɔ́ hĩɛ̀ àá cɛ̃̀mɛ̀nɛ́ ɓuɛ̀ dɔ̀ siè, ɛ̀ bɛ́záanú dɔ̀ siè ɛ́ hĩ́ní khíi tɛ́ hɔ́ hĩɛ̀ àá bɛ́záanú ɓuɛ̀ dɔ̀ siè.

Ɛ́ Yiezu zɔn bie lɛ́ ɓà ǹ nɛ làa: «Mì ɓɛ́ɓɛ́ míte ǹ nɛ nìnbírɔ dɔ̀ ɛ̀ bí khɛ̃̀ní miɛ yínin wɛ̀. Iè hɔ̀ lɛ ɛ́ nìnbí-kuì ɛ́ wóo ɓén hĩ́ní ɓen niǹ yèrè lɔ̀n, ɛ̀ hɔ́rɔ ɛ́ wóo ɓén bie nɛ mípe ɛ́ temù iè ɔ̀pe Kirisa, ie hɔ́ bòo míkùi vénlɔ́ pɛ̃̀hṹ ɛ́ wo lúwi. Ɛ̀ mì bí bè peɓɛ̀ máahṹ wɛ̀.»