Népszerű bibliai igeversek innen: Svun Mateo 7

Megosztás

»C'anic, chayac'beic ti Rioxe; sa'ic, chataic; c'opojanic ta ti' na, chajambatic.

Ti much'u ta sc'ane, ta x'ac'bat; ti much'u ta sa'e, ta sta; ti much'u ta xc'opoj ta ti'nae, ta xjambat.

»Ti much'u cha'i li c'usi chcale, mi tspas li c'usi chcalbee, co'ol xchi'uc jun vinic ti p'ije, ismeltsan sna ta ba ton.

»Ti mi chac'an ti lec c'usi chaspasbe li crixchanoetique, ja' tsc'an ti lec c'usi chapasbe uque. Yu'un ja' yech chal li smantaltac Riox sts'ibaoj ti Moisese xchi'uc li yantic j'alc'opetique.

Pero li sti'il xchi'uc sbelel li cuxlejale ja' más chucul, vocol chijelavotic; jayvo' no'ox ti much'utic ta staique―x'utatic yu'un ti Jesuse.

»Ochanic ech'el ta biq'uit be. Yu'un li sti'il xchi'uc sbelel li ch'ayele ja' más jamal, mu vocoluc ta tamel ech'el; yech'o ti ep much'utic tey ch-ochic ech'ele.

Li vo'oxuque chopol ajolic, pero xana'ic c'usi lec chavac'beic lach'amalique. Ti Jtotic Riox ta vinajele, ¡más to lec c'usitic chac'be ti much'utic ta sc'anique!

»Mu me xaq'uelbe smul achi'ilic, yo' ti mu xayalbe o ti oy amulic ti Rioxe. Ti c'u x'elan chaq'uelbe smul la chi'ilique ja' no'ox yech chasq'uelbe amulic ti Riox uque; ti c'u yepal chap'isbe la chi'ile ja' no'ox yech chap'isbat yu'un ti Riox uque.

Ti much'u cha'i li c'usi chcale, mi mu spase, co'ol xchi'uc jun sonso vinic ti ta ba yi' smeltsanoj snae.

¿C'u yu'un ti chaq'uelbe yic'ubal sat la chi'ile, li vo'ote ja' mu xavac' cuenta ti jp'ej ta ts'amte' tey xc'atet ta asate? ¿C'u ono'ox xi chavalbe la chi'ile: “Jloq'uestic li yic'ubal asate ti xavute, ti jp'ej ta ts'amte' yic'ubal asat li vo'ote”?

»Q'uelo me abaic mu me xa ch'unic lo'loel yu'un ti much'utic chalic yilel li sc'op Rioxe. Yu'un co'ol c'u cha'al chijetic yilel ti c'alal chtalic ta atojolique, pero li yut yo'onique ja' chac c'u cha'al li jti'vanej oq'uiletique. Li vo'oxuque ja' chavojtiquinic o li c'usitic tspasique. Ana'ojic ti mu xataic uva ta jtec' ch'ixe, ti mu xataic ic'ux ta saquil ch'ixe.

Scotol li te'etic ti bu onox leque, lec li sate. Ti bu onox chopole, chopol li sate.

Li lequil te'e mu xac' chopol sat, mi ja'uc li chopol te'e mu xac' lequic sat.

Scotol li te'etic ti bu chopol chac' sate chich' bojel, chich' tiq'uel ta c'oc'.