Népszerű bibliai igeversek innen: متّی 5

Megosztás

اَتے کُوئی ݙِیوا بال کرائیں اُونکُوں کَڄیندا نَئیِں بلکہ اُونکُوں ݙیواٹ اُتے رکھیندے تاں جو او گھر اِچ سارئیں کُوں سوجھلا ݙیوے۔ اِیویں تُہاݙی حیاتی وی لوکیں دے اَڳوں سوجھلے وانگوں نظرے وَل او تُہاݙے نیک کَمیں کُوں ݙیکھ کرائیں تُہاݙے اَسمانی باپ دی حمد‌و‌ثنا کریسِن۔“

تُساں دُنیاں دے لوکیں کُوں خُدا دا رَستہ ݙکھاوَن کیتے سوجھلا ہِوے۔ جیرھا شہر پہاڑ اُتے وَسدے او لُک نَئیِں سڳدا۔

چَنڳیں ہِن او لوک جنہیں دے دِل پاک ہِن، کیوں جو او خُدا کُوں ݙیکھسِن۔

چَنڳیں ہِن او لوک جیرھے خُدا دی مرضی پوری کرَݨ دی سِک رکھیندِن کیوں جو او پُرباش کیتے ویسِن۔

پَر مَیں تُہاکُوں اَہداں جو اپݨے دُشمنیں نال مُحبّت کرو اَتے جیرھے تُہاکُوں ݙُکھ ݙیندِن، اُنہیں کیتے خیر دی دُعا منگو۔

”چَنڳیں ہِن او لوک جیرھے رُوح اِچ غریب ہِن کیوں جو اَسمان دی بادشاہی اُنھائیں دی ہے۔

چَنڳیں ہِن او لوک جیرھے صُلح کرویندِن کیوں جو او خُدا دے پُتر اَکھویسِن۔

چَنڳیں ہِن او لوک جیرھے ݙُکھی ہِن کیوں جو اُنہیں کُوں ترسلّا ݙِتا ویسی۔

چَنڳیں ہِن او لوک جیرھے خُدا دی مرضی پوری کرَݨ دی وجہ کنُوں سَتائے ویندِن کیوں جو اَسمان دی بادشاہی اُنھائیں دی ہے۔

چَنڳیں ہِن او لوک جیرھے ٻنہیں تے رَحم کریندِن کیوں جو اُنہیں تے وی رَحم کیتا ویسی۔

تُساں چَنڳیں ہوسو جݙّاں میݙی وجہ کنُوں لوک تُہاکُوں بے‌عزت کرَݨ اَتے ݙُکھ ݙیوَݨ اَتے تُہاݙے بارے ہر قِسم دیاں بُریاں اَتے کُوڑیاں ڳالھیں کرَݨ۔ خُشی کراہے اَتے جُھمراں مَراہے کیوں جو اَسمان دی بادشاہی اِچ تُہاݙے کیتے ٻَہُوں وَݙّا اجر ہے اِیں کیتے جو تُہاݙے کنُوں پہلے نبیئیں کُوں وی اِیویں ستایا ڳیا ہا۔“

چَنڳیں ہِن او لوک جیرھے عاجزی نال رَہندِن کیوں جو او زمین دے مالک بݨائے ویسِن۔

وَل یِسُوع آکھیا،”تُساں زمین دے لوکیں کیتے لُوݨ وانگوں ہِوے پَر جے لُوݨ دا سلُوݨ مُک وَنڄے تاں وَلا اُونکُوں کیویں سلُوݨا کیتا ویسی؟ او کہیں کَم دا نَئیِں رَہندا سِوائے اِیندے جو ٻاہر بُھکا ݙِتا وَنڄے اَتے لوکیں دے پیریں تَلے لتاڑیا وَنڄے۔

جیویں تُہاݙا اَسمانی باپ کامل ہے تُساں وی اُوندے وانگوں کامل بݨو۔“

تُساں بَس ہاں آکھو یا نہ، کیوں جو اِیں کنُوں علاوہ جیرھی ڳالھ ہے او بُرے وَلّوں ہے۔“

”تُساں شرعی حُکم سُݨی وَدو، ’اَکھ دے بدلے اَکھ اَتے ݙَند دے بدلے ݙَند۔‘ پَر مَیں تُہاکُوں اَہداں جو بُرے دا مُقابلہ نہ کراہے اَتے جیرھا تیݙی سڄّی ڳَلھ تے چماٹ مارے تاں ݙُوجھی ڳَلھ وی اُوں دو پھیر ݙے۔

اَتے جے تیݙی سڄّی اَکھ تَیکُوں گُناہ کرَݨ کیتے اُبھارے تاں تُوں اُونکُوں کڈھ سَٹ کیوں جو تیݙے کیتے اِیہو چَنڳاں ہے جو تیݙے لِنڳیں اِچوں ہِک لِنڳ نہ رَہوے اَتے تیݙا سارا جسم دوزخ اِچ نہ سَٹیا وَنڄے۔ اَتے جے تیݙا سڄّا ہَتھ تَیکُوں گُناہ کرَݨ کیتے اُبھارے تاں تُوں اُونکُوں کَپ سَٹ کیوں جو تیݙے کیتے اِیہو چَنڳاں ہے جو تیݙا ہِک لِنڳ کَپیج وَنڄے اَتے تیݙا سارا جسم دوزخ دی بھاہ اِچ نہ سَڑے۔“