Népszerű bibliai igeversek innen: УблапӀэ 6

Megosztás

КӀэгъожьыгъ Зиусхьаныр цӀыфыр чӀыгум къызэрэщигъэшӀыгъэмкӀэ, ыгукӀэ гукъэошхо щыхъугъ.

ЧӀыгум тет цӀыфмэ ябзэджагъэ зэрэбэ дэдэр Зиусхьаным ылъэгъугъ: ахэмэ зэкӀэ ягупшысэхэр ренэу бзэджагъэ ашӀэным фэгъэзагъэх.

Ау Нухьэ Зиусхьаныр нэшӀукӀэ еплъыгъ.

Мары Нухьэ икъэбар: Нухьэ зафэу, мыхъун зи зыбгъодэмылъ цӀыфэу а лъэхъаным щыӀэгъэ цӀыфхэм ахэтыгъ; Нухьэ Тхьэм ыпашъхьэ итэу псэущтыгъэ.

Зиусхьаным къыӀуагъ: «ЧӀышъхьашъом тезгъэкӀодыкӀыщтых Сэ зэкӀэ къэзгъэшӀыгъэ цӀыфхэр, ахэмэ акӀыгъухэу хьэкӀэ къуакӀэхэри, былымхэри, цохъорэ пшырэ псэушъхьэхэри, ошъогу бзыухэри, сыда пӀомэ Сэ ахэр къызэрэзгъэшӀыгъэхэмкӀэ сыкӀэгъожьыгъ».

ЦӀыфхэр чӀыгум нахьыбэ щыхъущтыгъэх, ахэмэ пшъашъэхэр къафэхъущтыгъэх. Тхьэм ыкъомэ цӀыфмэ япхъумэ ядэхагъэ алъэгъути, ахэр, шъхьадж ыгу рихьырэр, шъузкӀэ аштэщтыгъэх. Джащыгъум Зиусхьаным ыӀуагъ: «Сэ Спсэ цӀыфым егъашӀэми хэтыщтэп. ЦӀыфмэ хьадэгъур къапэщылъ, арышъ ахэмэ къагъэшӀэщтыр илъэсишъэрэ тӀокӀырэ орэхъу». А лъэхъаным, нэужырэми фэдэу, чӀыгум иныжъхэр тетыгъэх, сыда пӀомэ Тхьэм ыкъохэр цӀыфмэ апхъумэ адэжь къакӀохэти, ахэмэ сабыйхэр къафалъфыщтыгъэ. Ахэр блэкӀыгъэ зэманмэ ялӀыхъужъхэу щытхъу къызфахьыжьыгъ.

Тхьэм къызэрэриӀуагъэм фэдэу, Нухьэ зэкӀэ ышӀыгъ.

Арыти Тхьэм Нухьэ къыриӀуагъ: «ЧӀыгум щыпсэурэ пстэуми кӀэух афэсшӀынэу тесыубытагъ: ахэмэ ямыхъо мышӀагъэ чӀыгур зэлъиштагъэ. Сэ зэкӀэ ахэр згъэкӀодыщт, ахэмэ акӀыгъоу чӀыгури ары.

Гофер чъыгым псыпхъонтэр зыфыхэшӀыкӀ; ащ ыкӀоцӀ унэ шъхьаф шъхьафэу зэтеути, ыкӀыӀукӀи ыкӀоцӀыкӀи мыстхъу щыф.

Джы мары Тхьэм ылъэгъугъ: зэкӀэ чӀыгум тет цӀыфхэр гъогу пхэнджым зэрэрыкӀохэрэм къыхэкӀэу чӀыгур емыкӀу хъугъэ.

Джащ фэдэу зыкӀыгъэгъух псэ зыпыт пстэумэ ащыщэу тӀурытӀу, хъурэ бзырэ, ахэр псэоу о къыбдэнэнхэм пае.