Népszerű bibliai igeversek innen: ماتّا 5

Megosztás

ءور‑ا‑سّرغان مدّن لقنديل ا‑ت‑ين‑سرسن غ‑دّو لعبرت، والاينّي ف‑يگّي ن‑ماني ياتّوين ا‑ف‑ا‑ت‑ين‑سراسن باش اد‑يسفيون كولّو ايت‑تگمّي. غمكاد ا‑س‑د‑يقّان تيفاوت‑نّون ا‑تيسفيو غ‑لگدّام ن‑مدّن، باش اد‑ژرن افولكي لّي‑تسكارم الغن باباتون لّي‑يلّان غ‑يگنّا.

كونّي تگام تيفاوت ن‑دّونيت. تامدينت نّا‑يلّان ف‑يگّي ن‑وورير ءور‑تژضار ا‑تنتل.

ءيمباركين اد‑گان غويلّي دار ءول ءيغوسن، اشكو نتني ا‑را‑يژر ربّي.

ءيمباركين اد‑گان غويلّي ياغ لاژ ءولا ءيريفي ءي‑ما‑يرضان ربّي، اشكو نتني ا‑را‑يشبع.

ءيمّا نكّي راد‑اون‑ينيغ، حنّوات غ‑ينوّاشن‑نّون، تضالبم ربّي ا‑يرحم غويلّي‑كُن‑سّرفوفنّين.

«ءيمباركين اد‑گان غويلّي سّحسّانين ءيس‑ور‑گين يات، اشكو نتني ا‑مي‑تلّا‑تگلديت ن‑يگنّا.

ءيمباركين اد‑گان غويلّي سكارنين سّلامت، اشكو نتني ا‑را‑يگ ربّي د‑تاروا‑نس.

ءيمباركين اد‑گان غويلّي الّانين، اشكو نتني ا‑مي‑را‑يسفيض ربّي ءيمطّاون‑نسن.

ءيمباركين اد‑گان غويلّي ترفوفونّين ف‑سّيبت ن‑ما‑يرضان ربّي، اشكو نتني ا‑مي‑تلّا‑تگلديت ن‑يگنّا.

ءيمباركين اد‑گان غويلّي تحنّونين غ‑وييّاض، اشكو نتني ا‑ف‑را‑د‑يحنّو ربّي.

ءيمباركين ا‑تگام ءيغ‑كُن‑رگمن مدّن سّرفوفنّ‑كُن ءينين فلّاون كولّو ما‑يُخشنّ س‑تكركاس ف‑سّيبت ن‑ما‑تگام وينو. تهنّايات تفرحم باهرا، اشكو تگّوت لباراكا لّي‑راد‑اون‑ييلي غ‑يگنّا. هان غمكان اد‑سّرفوفنّ ءولا لانبيا لّي‑كُن‑د‑زوارنين.

ءيمباركين اد‑گان غويلّي تصبارنين، اشكو نتني ا‑را‑يشّكشم ربّي س‑كولّو تيميخار‑نس.

«كونّي تگام تيسنت ن‑دّونيت. والاينّي ءيغ‑تلموس تيسنت ما‑س‑را‑ستّي‑تسّمارغم؟ ءور‑سول‑تگي ءي‑يات. را‑ستّ‑ين‑لوحن مدّن غ‑برّا اكُلن فلّاس.

ءيمّا كونّي، ءيلّا فلّاون ا‑تفولكيم س‑وفولكي ءيكمّلن، غمكلّي كولّو ءيفولكي باباتون ن‑يگنّا.

ءيلّا فلّاون ا‑يگ‑واوال‑نّون ‹يياه› نغد ‹ءوهو›. اينّا تزوويدم ءي‑مايان، هان ءيبليس ا‑د‑يكّا.

«تسفلدم ءيس‑ينّا موسا ‹تيط س‑تيط، ءولا اخس س‑واخس.› ءيمّا نكّي راد‑اون‑ينيغ، ا‑ور‑تمّاغم د‑يان گيگون ءيسكرن ما‑يُخشنّ. ءيغ‑ك‑يوت يان ف‑ومادل افاسي، گلّب‑اس‑ن اژلماض.

ءيغ‑ا‑ك‑تسّطار تيط‑نّك تافاسيت، سّوكف‑تّ‑يد تلوحت‑ستّ. يوف ا‑ك‑يخصّا يان‑وگزّوم غ‑دّات‑نّك ءولا ا‑ن‑كولّو‑تّياوگار دّات‑نّك غ‑جهنّاما. ءيغ‑ا‑ك‑يسّطار‑وفوس‑نّك افاسي، بّي‑ت تلوحت‑ت. يوف ا‑ك‑يخصّا يان‑وگزّوم غ‑دّات‑نّك ءولا ا‑كولّو‑تدّو دّات‑نّك س‑جهنّاما.