Népszerű bibliai igeversek innen: HINI UWASI-BIADRCIMOWA ya-sfadoci MAFIYO 5

Megosztás

Mvtv nuhgi ilaneki u fr-fvgfwrwrli netvwrkvnvli macimi lrmagi ini pusilegi udr si bonrwrli nili, wa-kv usgici yr-tvh nepvwilici; macimi u netvwrlakuwrli nili jrivhki ini wegiwr-pagi ya-picki. Datapilvhi yone si welrni ki wvhfayrmwv netvwayaqa yalvhfvmewrci ilaneki; wvhsi manvwvhi nihki namuwrci k’ uwasi pakvtafewanwv, macimi wvhfrci-makufihaqa k’ Uhfwv wafapvh-kvmigigi ya-pitv.

Geyrwv ini wvivhfayrgi ini yalakuqvh-kvmigigi si. Udawa wahsatagi maqvhgefigi vhdawi mvtv ivh kvtvwi gigidota.

Gisrdalamakufeki nihki fa-fvyrgi-tahacki : xvga wah nawrwrli Mvnadoli nihki.

Gisrdalamakufeki nihki ma-mvmadalamucki macimi kvhkvlrmucki ini tapvsvwelafewa : xvga wah dabalamoki nihki.

wakv gi talapwv nelv, Vhqalamahku ki mvdaladewanwrki, macimi mvmrtumvwahku nihki na-nrnuhgrchalwrqa

Gisrdalamakufeki nihki ga-tamrsilapwvsgrcki : xvga welvwv ini wafapvh-kvmigigi ugimrwi-drmqa.

Gisrdalamakufeki nihki grmrnelafewa wa-usdocki : xvga Mvnatu u qifhi wa hrlofoki nihki.

Gisrdalamakufeki nihki ma-mvwacki : xvga wah manwi-tahasgofoki nihki.

Gisrdalamakufeki nihki mviahci nrnuhgrchofucki xvga tapvsv-welafewa uci : welvwv xvga ini wafapvh-kvmigigi ugimrwi-drmqa.

Gisrdalamakufeki nihki ga-taminrqalamaficki : xvga wah kvtv-wihgrnrwv gitaminrqalamafewa.

Ki gisrdalamakufipwv gelvwv ina ilaneki vhtalalwrqa, chena nrnuh-grchalwrqa, macimi jrivhki yagi majrfigi si nrnhrci-malwrqa nelv uci. Usvsilabwrku, macimi vnhiwawi uwasi-labwrku : xvga msrwi ini ki taphufewanwv betiga wafapvh-kvmigigi : yone xvga yasi nihki nrnuhgrchrwrci nihi mrmosigesqalici ya-pilici wihsi-bur gelvwv vpiyaaa.

Gisrdalamakufeki nihki nvnvhbrci-lafvki; xvga wah lrpi u we-lrmeki ini yalakuqvh-kvmigigi.

Hini vsisgi-drmqa si napipami ini geyrwv : pvyaqv qahqi mahci wvndota yapuqvgi ini napipami, drniwa wa huci psgipata ini? hini mvtv-wiafagisi ina uci, wakv wvhsi luhfa-pvgidodagi inwi macimi kvgalgodagi lrmagi u ficiwv ilaneki.

Gah mafafipwv waciganvhi gelvwv, yasi inv mafafici wafapafitv k’ Uhfwv.

Wakv welrni, Hvnkv, hvnkv; Mvtv, mvtv; iga ki kvlvwewanwv : macimi goqanahigrci vlikv tfanwi yolumv inv mvci wiyafv uciwi ini.

Ki mahci nodrgapwv gelvwv yasi ini iugi, Usgesaqi vsuwa usgesaqi, chena wepici vsuwa wepici : wakv gi talapwv nelv, Tagi pipah-tanahku inv majelafitv : wakv goqanafvgrci gi pgitahuqv gi mvyrwi nuwrgi, kugeqahtvwi inv ini kutvgi nahfrpi.

Chena qahqi gi mvyru-skesaqi wvhsi utvgikvhsinvni ipanvlakuivna, qvqvtanvnu ini, macimi geiv uci vlikv iqvgitvnu ini : xvga ini mkvhfowani gelv si wvhsi nakudwalanv geiv iqi ilafeyrgi, macimi mvtv malsga geiv ipvgidota vhqi nvmowa-nagi. Chena qahqi gi mvyrwengi wvhsi utvgikvhsinvni ipanvlakuivna, qvkkutvnu ini, macimi geiv uci vlikv ipvgitvnu ini : xvga ini mkvhfowani gelv si wvhsi nakuclwalanv geiv iqi ilafeyrgi, macimi mvtv malsga geiv nhaiv vhqi nvmowa-nagi.