Népszerű bibliai igeversek innen: مَتّی 7

Megosztás

«بِتو، گه میَن‌ئونتو؛ بِجورِن، گه مِهِینونَ دی؛ بِکوئِن، گه در اژ رُیتو وازَ ماو.

اَرِیَگه هر کی بِیتی، ماریَ دس ئو هر کی بِجوری، مِهِئَه دی ئو هر کی بِکوءِ، در اژ رُی وازَ ماوتی.

«اِسَه هر کی ایی قصَه‌ل مِنَ بشتوئی ئو اَنجومو دِ، چُی پیا دونای کَ گه پِ مال ووژ اَرسر کُچِک آوشدیِ.

اِسَه اَجورَ گَرد مردِم رفدار کَن گه مِتو هُنَتونَ گَرد رفدار بِهَن. یَسَ سَردِرَبِر تورات ئو نُسَخ پِخَمَرَل.

مِنتائای تنگَ اَ دِرَ ئو سخدَ اَ رئیَ گه آخِری مَرَسی زِنِه‌ی، ئو کسَلی گه مَهَنیَ دی کَمِن.

«اژ در تنگ بورن اِنوم، اَرِیَگه اَ دِرَ گه وِشاءَ ئو اَ رئیَ گه پیَنَ، آخِری مَرَسی نابودی، ئو کسَلی گه مانی اِنوم فِرَه‌ن.

اِسَه اَرّ هُمَه گه شرَبارینو، مَذانینو گه چطور پیشکَشی خو بِینونَ آیلَلتو، چَنی ویشتِر باوَه هُمَه گه ها آسمون‌اِر، چیئَل خوءَ موئَشخِنیَ اونَلی گه اَژینو بِ.

«قضاوت نَهَن تاگَه قضاوت‌یشتون اَری ناو. اَرِیَگه هَراَ جورَ گه قضاوت اَر کسَلی‌تِر بِهِینو، قضاوت اَر هُمِه‌یشَ ماو، وَه اَ کیلَه گه مَپِیمُنینو، اَرِه هُمِه‌یشَ مَپِیمُنِن.

مِنتائای هر کی ایی قصَه‌ل مِنَ بشتوئی، ئو اَنجومو نِ، چُی پیا نایونی کَ گه پِ مال ووژ اَرسر هُس آوشدیِ.

اَرّا پر کیَه اِنوم چیَم بِراتَ موئینین، مِنتائای اژ کُتَلی گه ها نوم چیَم ووژت‌اِر خافِلین؟ یاگَه چطورَ مَتونین بوشینَ بِرات، ”بیلا پر کیَه اژ چیَمت اِربارِم،“ وخدی کُتَلی ها نوم چیَم ووژت‌اِر؟

«اژ پِخَمَرَل دِروزِنِ دویرا بِگِرِن. اونَل وَه جِنِک میا مان اَرِه تک هُمَه، مِنتائای اِ باطنا گُرگَل دِرَّندَه‌ن. اونَل وَه ثمرَلونا مَشتاسینو. آیا انگویر اژ بوتِک خار، ئو انجیر اژ گیاءَ مَچِنِن؟

اِسَه هَرِ ایی جورَ، هر دار خوئی ثمر خوءَ ماری، مِنتائای دار گَن ثمر گَنَ ماری.

دار خو نِمَتونی ثمر گَن باری، ئو دار گَن‌یش نِمَتونی ثمر خو باری.

هر داری گه ثمر خو ناری، مُئری ئو مَکُوء اِنوم آگِر.