Népszerű bibliai igeversek innen: Matyu 7

Megosztás

“Aks fi wa unu waahn an unu wi get it; luk fi wa unu waahn an unu wi fain it; nak pan di duor an it wi uopm op fu'unu.

Kaaz enibadi we aks, wi get wa dem aks fa; di wan dem we luk, wi fain wa dem a luk fa, an di duor wi uopm fi di wan dem we nak.

“Evribadi we ier wa mi a se, an du wa mi se, komiin laik wan man we av sens an bil op im ous pan rakstuon.

So, no mata wa unu a du, unu fi chriit piipl ou unu waahn dem fi chriit unu. Dis a we di Laa an di prafit dem did miin.

Bot di giet we piipl go chuu an get fi liv fi eva, dat de giet naro an aad fi go chuu. An a likl bit a piipl fain it.

“Go chuu di naro giet, kaa di wan we waid an iizi fi go chuu dat tek unu chriet dong a el, an a dong de-so unu wi don fi eva. An a wol iip a piipl go chuu dat de giet.

Ef unu so wikid an stil nuo ou fi gi unu pikni nais sitn, unu no tingk se unu Faada we iina evn wi gi beta sitn tu di piipl dem we aks im fi sopm!

“No joj piipl laik se Gad kyaahn paadn dem, so di siem sitn wi no riich unu. Kaaz di siem wie ou unu joj piipl, a so Gad a-go joj unu tu. Ef unu tek taim wid ada piipl, a so Gad a-go tek taim wid unu tu, bot ef unu redi fi rof dem op an rait dem aaf, a dat a-go riich unu tu.

Bot aal uu ier wa mi a se, bot no iivn pie it no main, komiin laik wan fu-fuul man we bil fi'im ous pan san.

“Wa mek unu si di lili piis a saados iina unu breda ar sista yai, an unu kyaahn si di big piis a plangk iina fu'unu uon? Ou unu kyan riili se tu unu breda ar sista se, ‘Kom mek mi tek out di saados outa yu yai’ an wan piis a plangk de iina fu'unu uon, iihn?

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf. Unu wi nuo a uu dem riili bi, siek-a di fruut we dem bier. Piipl no pik griep aafa makabush an prangganat aafa maka chrii?

A siem so aal a di gud chrii dem bier gud fruut an di bad chrii dem — fi dem fruut no gud.

Wan gud chrii kyaahn bier bad fruut, an wan bad chrii kyaahn bier gud fruut. Notn no go so.

Evri chrii we no bier gud fruut, it get chap dong an dash iina di faiya.