Աստվածաշնչի հայտնի հատվածներ Yohanese 19-ից

Կիսվել

De o Yesusu ka de wafifihi o angguru ma suka-suka gea de wotemo wato, “Naa ibootokau!” De womaponuku de ai ngomaha itoakoka.

Ka de wahibehehongoka onangika ibooto de o Yesusu wohiorikoka ai karajaanga abe o nyawa waduhunu, naa mata-mata wabootoka. De naa o Yesusu wotemo de ai demo duru imakadaene abe ma dihira Ma Jou ai uru ma dodofanga ihitulihukuoka Ma Jou ai Demo-demoka, abe wotemo wato, “Ngohi ahi ngomaha yodudungu.”

De o Yesusu womimake ngoi meme de genangoka wimakeoli womatengo winii-niikino abe duru widora. De wotemo ngoi memeika wato, “Ele, ahi dodiawo gea ahao wodadi hoka to ngona ani ngofaka.” De ahao witemo winii-niikika gea wato, “Olo, nomigoana nomihidodiai hoka to ngona ma hirete ngoni meme.” Ho duru ma oraha gea de o Yesusu ngoi meme o Yohanese womiao to una ai tauika la ka idadi mogogere genangoka.

Masara ka de yoboa o Yesusino de iwimake wohonengokau, ho ai harepa ko yapohaua. Masara la duru ihioriki wohonengoka o tentara ma nyawa womatengo wihakara o Yesusu ai gumurukika de ai hokiiki. De ka de wihakara de o awunu de o akere iuihi ai gumurukino.

De mata-mata naa idadi duru imakadaene abe ma dihira Ma Jou ai uru ma dodofanga ihitulihukuoka Ma Jou ai Bukuoka ato, “Ai kobongo moioo de ko yatobikua.” De naga Ma Jou ai Demo-demo utu abe ma dodihiraka yatulihukuoo, de gea itemo ato, “De ona gea duru iwilega-lega unangika abe iwihakaroka.”

De ahao o Roma ma nyawa manga tentara iwihiaturu la o Yesusu iwihimoku ai gota isosalioaino. De ahao wohupu o Yerusaleeme ma kotaino de woiki o ngi moiika abe gea ihiromanga o nyawa manga pea ma kabelanga ma ngi. Abe nako o Yahudioka manga demo ma ngi gea ihiromanga Gologota.

De gea o Roma manga tentara iwipoha ibooto de ahao o gumi-gumini abe de ma hihikaka agale-galeino la iwihinoauku ai peauku. Ho ma gumi-guminino gea yodiai hoka o kokoano manga sapeo. De ahao iwihinoaukuoli o baju moi ma wuu-wuu la ato iwihidadi hoka o koanoli ai rupa.