խոստումներ քո ամենօրյա կյանքի համարՕրինակ

Ի՞նչենքմենքանում

«Եվչձանձրանանքբարինգործելուց, որովհետևիրժամանակինկհնձենք, եթեչթուլանանք»:—Գաղատացիների 6.9

Այն աշխարհում, որտեղ մենք ապրում ենք, ունենալու ենք ամենատարբեր խնդիրներ, դժվարություններ ու հուսախաբություններ: Կյանքն այդպիսին է: Իմանալով դա` ի՞նչ ենք մենք անում:

Մենք պետք է անսասան մնանք և համառենք: Այլ խոսքով՝ երբեք չհանձվենք: Անկախ այն բանից, թե ինչ է կատարվում մեր կյանքում, հաղթանակը չհանձնվելու մեջ է:

Հիշի՛ր, որ մեր պայքարի կիզակետում Սուրբ Հոգին մեր ներսում թերևս կատարում է Իր մեծագույն աշխատանքը: Նա չի շարժվում հանգամանքներով: Եթե ես ու դու իսկապես վստահենք Նրան, մենք նույնպես չենք շարժվի հանգամանքներով: Նա մեր կյանքի մեջ է ոչ միայն լավ, այլև դժվար ժամանակների համար:

Նա կառաջնորդի մեզ ամեն ինչի միջով, եթե մենք հաստատուն մնանք ու հետևենք Նրան: Սա նշանակում է՝ լինել ջերմեռանդ աղոթքում, անդուլ՝ վճռականության մեջ, անսասան՝ հավատքում և վճռորոշ՝ Աստծո Խոսքի և Նրա խոստմունքների վրա ամուր կանգնելու մեջ:

Շատ անգամ մենք կարող ենք շեղվել՝ տեսնելով, թե որքան դանդաղ են իրերը կարծես ընթանում: Ըստ էության, թշնամին սիրում է հենց դա մատնացույց անել: Բայց հիշի՛ր, որ դա կարող է լինել այն ժամանակը, երբ Աստված անում է Իր մեծագույն աշխատանքներից մեկը: Հասկանո՞ւմ ես, ամեն բան իմ ու քո մասին չէ միայն: Տիրոջ աշխատանքը մեր ներսում նախապատրաստում է մեզ այն գործին, որ Նա ցանկանում է անել մեր միջոցով:

Ես գիտեմ, որ կյանքը կարող է երբեմն դժվար լինել: Բայց նաև գիտեմ, որ Աստված կարող է օգնել մեզ, եթե մենք անսասան մնանք: Եկե՛ք կանգնենք Գաղատացիների 6-րդ գլխի 9-րդ խոսքի վրա. «Եվ չձանձրանանք բարին գործելուց: Ճիշտ ժամանակին օրհնություն կհնձենք, եթե չհանձնվենք» (NLT):

Այսպիսով՝ թույլ տվեք կրկին հարցնել. «Ի՞նչ ենք մենք անում»: Իմ պատասխանն է՝ երբեք չենք հանձնվում: Ո՞րն է քո պատասխանը:

Աղոթքի սկիզբ

Աստվա՛ծ, ես հավատում եմ, որ Դու աշխատանք ես տանում իմ կյանքում՝ անգամ դժվար ժամանակներում: Ես ընտրում եմ այսօր հաստատուն մնալ ու երբեք չհանձնվել՝ հնազանդվելով Քեզ: