Ստացեք հավելվածըԻնչպե՞ս արժանանալ Աստծու խոստումների իրագործմանըՕրինակ
Աստված կիրագործի այն, ինչ խոստացել է քեզ
«Եվ Աստծու խոստման հանդեպ անհավատությամբ չերկմտեց, այլ հավատով զորացավ ու փառք տվեց Աստծուն։ Եվ իր մտքում համոզված էր, որ Նա, Ով խոստացավ, կարող է և կատարել» (Հռոմեացիս 4.20-21):
Սիրելի՛ բարեկամ, Աբրահամը չէր կասկածում Աստծո խոստման իրական լինելուն։ Նա հավատում էր, որ իրեն արարող Աստված կարող է իր համար անգամ անհավանական թվացող հրաշքն իրագործել։ Չնայած հավատալու բոլոր տեսանելի հիմքերի բացակայությանը, նա հավատում էր, որ Աստված կարող է անհնարինն անել։ Աբրահամը հավատում էր, որ անգամ իր և Սառայի այդ ծեր տարիքում կարող էին ժառանգ ունենալ։
Հենց այն պահին, երբ թվում է, թե ամեն բան այլևս կորած է… հենց այդ պահին հրաշք է տեղի ունենում։
Աստծո համար թանկ ու սիրելի՛ զավակ, Աստված կատարում է Իր խոստումները։ Նրա հավատարմությունը շատ ավելի մեծ է, քան քո բոլոր դժվարություններն իրար հետ վերցրած։ Վստահ եղի՛ր՝ Նրա ծրագրերը իրականանալու են քո կյանքում։ Թույլ մի՛ տուր, որ անորոշությունը խեղդի հավատքդ կամ գողանա ուրախությունդ։ Եթե դու հավատում ես Տեր Հիսուս Քրիստոսին և որոշել ես ապրել որպես Նրա աշակերտ, ապա կարող ես համոզված լինել, որ Քո ճակատագիրը ձևավորվում է Աստծո ափի մեջ։
Աստված գործում է քո կյանքում։ Նա քո կողմից է, քանի որ սիրում է քեզ։ Աստված իրագործելու է Իր խոստումները։
Ե՛կ միասին աղոթենք այս աղոթքով. «Տե՛ր, ես ընտրում եմ Քեզ վստահելն ու մերժում եմ բոլոր կասկածները։ Շնորհակալ եմ, որ Քո հավատարմությունը հաղթում է իմ բոլոր դժվարություններին, և որ Դու կկատարես այն ամենը, ինչը խոստացել ես Աստվածաշնչի էջերում։ Աղոթում եմ Քո սուրբ ու պատվական անունով։ Ամե՛ն»։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։ Ամենօրյա քաջալերական ուղերձները ստանալու համար կարող եք բաժանորդագրվել.Hisus.amկայքում։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Սուրբ Գրություն
Այս Ծրագրի Մասին
Աբրահամը չէր կասկածում Աստծո խոստման իրական լինելուն։ Նա հավատում էր, որ իրեն արարող Աստված կարող է իր համար անգամ անհավանական թվացող հրաշքն իրագործել։ Չնայած հավատալու բոլոր տեսանելի հիմքերի բացակայությանը, նա հավատում էր, որ Աստված կարող է անհնարինն անել։Աստված կատարում է Իր խոստումները։ Նրա հավատարմությունը շատ ավելի մեծ է, քան քո բոլոր դժվարություններն իրար հետ վերցրած։ Վստահ եղի՛ր՝ Նրա ծրագրերը իրականանալու են քո կյանքում․․․
More
Մենք ցանկանում ենք շնորհակալություն հայտնել hisus.am-ին այս պլանը տրամադրելու համար: Լրացուցիչ տեղեկությունների համար այցելեք՝ https://hisus.am/
