Ayat-ayat Alkitab Ternama dari YOHANIS 4

Berbagi

Tu' Kinorohingan nopo om Rusod i', om isai nopo i sumambayang dot id Kinorohingan om mositi' nod woyoon di Rusod do sumambayang dot id dau do tumanud dit otopot,” ka dau.

Nga' rumikot indo o maso, om otopot nopo kopio om nokorikot no, do sumambayang nondo o tulun dot id Tapa' do woyoon di Rusod do Kinorohingan, om otutunan kopio diyolo' do Kinorohingan iyau dit otopot, do miagal di korohian do Tapa'.

nga' iri nopondo tulun di koinum do waig di patahakon ku, om a' no koumbal kawagu do tuuhan do gisom dot alaid. Tu' iri nopondo waig di patahakon ku dau om sumiliu nondo do miagal do tudan do waig dot id suang dau om sumimpulak do sumoliwan om manahak dau iri do koposion dit otopot kopio om i poingompus,” ka dau.

Om boros ka di Yesus do suminimbar, “Ondung koilo ko daa di nipuhawang do Kinorohingan om ondung isai i mokiinum diya', om atantu' no dot iya' daa o mokiinum dau, om oonuan ko indo dau di waig do kapasi,” ka dau.

Om boros kaddi di Yesus, “Taakanon ku nopo om i tumanud do korohian di minonuhu' doho', om momongo di karaja' di pinatahak dau dot id doho'.

Om boros ka di tondu', “Aiso' i' o ponimbauk nu'ndo oi Tuan, om aralom i' moti' kopio iti torobong diti. Nga' honggo o ngayan nu'd waig di kapasi, oi Tuan?

Om boros kaddi di tondu'ddi dot id di Yesus, “Koilo oku i' do rumikot nondo i Raja' do Gampamasi (i roitan do Kristus). Om korikot nopondo iyau, om momisunud nondo iyau dati' do koinsanai'd nunu nopo,” ka dau. Om boros ka di Yesus, “Iyoho' nogi' bo iyau'ddi, iyoho' i moro-boros diya' do dinondo,” ka dau.

Boros ka dau, “Kainou mongoi solowot di tulun di minomisunud doho' do koinsanai'ddi nongowonsoi ku. Om okon tuu ko' iyau nogi' i Raja' do Gampamasi'ddi?” ka dau.