Ayat-ayat Alkitab Ternama dari Matio 6

Berbagi

Pi vɔg mvfò fa’ pɔ́ nò *lefùɔ Ssé, lâ mmó gie e Ssé ne ńkwoŋo, à leen ńké ńcʉ́’ʉ ńnáa sɛ̌ shúm ńdɔgɔ ńkẅi’i kẅi’i.

Pú’u la, tà pi pú’ mbùm gi ná nò lyɛ’ɛ́ lá’ jǔɔ. Àlyɛ’ɛ́ lá’ jǔɔ, a ge gÿo tó lâ mé menò. Yɛ̌ ngɔ́’ wɔ́ ku’u nà yé lyɛ’ɛ́ lá’.

Mèŋ n dɔgɔ shwóŋó gẅi ngie: Tà pi ńnéŋe ḿbú’u mbùm gí ngie peg ge pfɛ́ɛ kɔ́, peg ge lɔg ntse nzɔ̌ é núu? Peg ge lɔg nzsǒ nzɔ̌ ma’a? Gẅi le gwɔ́ wó tè cʉa shúm léjÿó wɔ̂? Mbùm nyìŋ piŋ tè gwɔ́ mmó tʉ̀ nzẅìŋ ńcʉa menzsǒ wɔ́?

Tá ńgʉa ná gù, mbà ɔ̀ lɔɔn ńge sẅíŋte Ssé, ɔ́ kúu tsɛ̀ɛ lúm ndá, ńkábte ncwò ndá, ńnéŋe lelyěen tá sẅíŋte Tá gù gẅie aa jʉ’e lelyěen. Yé gẅie à gyá mmó gie ɔ̀ gÿo jʉ’ʉ lelyěen, à ge gÿo tsɔ́’ɔ fà’ jú.

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé. Gÿo lefùɔ shú tó. Gÿo mé ne ńjú’u ncwò gú ndùmo ssé tsetsá’, pá’ mé ne jú’u tÿǒ lepwó.

Náa yég mmó léjÿó gie á ge ku’u ná peg nà lyɛ̌’ɔɔn

lege mefʉa még, ńná né peg, pá’ peg ne ńdege yég ńnáa mbwó pʉ̀a pie pɔ́ fʉ̌a nò mbwó peg la.

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Áa pú’u, ńgwɔ́ gie pi lɔɔn ńzɔɔn ńdege mefʉa petsɔ́ pʉ̀a, tá mbà Tá gẅi gẅie aa tÿǒ lepwó ge gÿo lege mí gí.

Pi líe meshʉ́ŋ tá ńgyá, pɔ́ ee ntě ḿbye mmó wɔ́, ńké tě ńdaga shúm ńnáa ndá wɔ́, pɔ́ té ntaŋ gẅiin, e Ssé gẅie aa tÿǒ lepwó zɔ jÿɔ̀gɔ wɔ́b. Pi ee mbwó Ssé ńgwɔ́ mmó tʉ̀ nzẅìŋ ńcʉa meshʉ́ŋ.

Tà pi cú’te shúm tʉ̀ nzẅìŋ sí ndùmo tsetsá’. Á jʉ’ gie àsɔ́ɔn pɔ́ vɛkɔ́ɔn ge pfɛ́ ntsèm, ńké tè pú’u wɔ́, metsǒŋ pwɔ́’ ndá, ńkáa. Pi cú’te shúm tʉ̀ nzẅìŋ sí pɔ́ lejʉ́ŋ Ssé, áa jʉ’ó àsɔ́ɔn pɔ́ vɛkɔ́ɔn té mmó cʉŋte. Metsǒŋ piŋ ńké tè ku’u lépwɔ́’ ndá ńkaa mmó wɔ́. Á nue eshúm tʉ̀ nzẅìŋ shú lɔɔn ńgwɔ́ nzɔ̌ wɔ́, mbà ntʉ́m gú ge gwɔ́ pɔ́ jʉ’ó.

À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Tà Ssé lɔɔn ḿma’ nzsǒ mbòŋo á nà legǐ gẅie à zɔ́gɔ nká’ lyɛ̌’ɔɔn, njÿó lʉ́a mé kɔ́’ ńtuɔ mmɔ̌g, mbà á ge kúu ná pi tá à zág nzsǒ lá? Á gwɔ́ pɔ́ ngie: Pi té záb ntʉ́m nà Ssé fʉ̀’ ntsèm wɔ́.

Tá á gʉa ná gu, mbà ɔ̀ lɔɔn ńge ńná nkáb mbwó pàte mmó, ɔ̀ pɔ́ɔn légÿo tà mbòŋ shǔ gù zsé. À cʉa pú’u, ámmó gie ɔ̀ náa, à gwɔ́ pɔ́ tsɛ̀ɛ ntsèm, Tá gù Ssé gẅie à gyá mmó gie mé náa tsɛ̀ɛ ntsèm, à gÿo ńtsɔ́’ɔ fà’a jú.

Yěsô gíŋe ńgɔɔn ngie: Pi lɔɔn ńge ńgÿo mmó gie *lepʉ̌ Ssé ne ńzɛ́te, pi laga twó gí létóŋo lá’ tá ńgÿo, á nà ntí gie mé ge ne líe gẅí. Pi lɔɔn ńgÿo pú’u, mbà Tá gẅi gẅie aa tÿǒ lepwó tè gÿo tsɔ́’ɔ fà’ gí wɔ́.

Pi lɔɔn ńkwoŋ kwoŋ ńnéŋe nzyè lésẅíŋte Ssé, tà pi sẅé’e shÿó gẅi pá’ pà nkwòŋ menÿɔ́g. Pɔ́ sẅé’e shÿó wɔ́b, ńdɔg ńnyɛ ngie pɔ́ ne ńnéŋe nzyè lésẅíŋte Ssé. Tà mèŋ shwóŋó gẅí, kwà’ nénʉ́, pɔ́ ně ńdá’ ńgẅiin ntsɔ’ɔ́ fà’ wɔ́b. Tá ńgʉa ná gù, mbà ɔ̀ lɔɔn ne ńnéŋe nzyè lésẅíŋte Ssé, ɔ̀ sɔg shÿó gú, ésyɛbɛ twó jú. À cʉa pú’u, àtsɔ̌ nyìŋ le zsé ngie ɔ̀ ne ńnéŋe nzyè lésẅíŋte Ssé wɔ́. Tá gù gíle yé gẅie mé té gyá yé wɔ́ zɔ zsé. Yé gẅie à ne ńgyá mmó gie ɔ̀ gÿo lelyěen ge gÿo tsɔ́’ɔ fà’ jú.