Ayat-ayat Alkitab Ternama dari Matíe 6

Berbagi

A jɩ́ fɩ́ɛ́ Lagɔ a Léyibhlɩɛ́ a mnɩ́ a námawɔlɩɛ́ kʋ̀ mɔ̀ a kʋ́, a bhli lagɔ̀nyùzɔ, bhʋ́ lɩ́ɛ́ fɩ́ɛ́ a yrá a, Lagɔ yi amɔ mɩ́ nyɛ́.

A ná bhɔtɔ kɛ́ɛ̀lɛ a zà! Mà zrɩ̀ɛ̀ ɛ̀ zɩɛ a, ɛ́mɛ́ la ɛ́ wɔlɩ́. Yru lé ʋ́ ka ʋ mɔ̀glʋ̀ a wɔlɩ́.»

Náa srʋɛ ɩ́ lɛ́ amɔ mà: A ná bhɔtɔ a zɩkpa a zà lé a ká cí mà: Bhè dɛ́gbá à yi lelilɛ yɛ́ lé à yi li a? A ná bhɔtɔ sáà á kpɩkpɩ a zà lé a ká cí mà: Bhè dɛ́ gbá à yi kótu bhá lé à yi mʋ́ pla a? Nyɔ a zɩkpa ka gbʋ́ lé á zi lelilɩ kʋ́. Lé nyɔ a kpɩkpɩ ka sáà gbʋ́ lé ɩ́ zi kótu kʋ́.

Mà mɔ̀, nɩ̀ cí mànɩ́ kà Lagɔ bhibhie a, pla wlʋdrèè mnɩ́ yrè nɩ́ kʋ a lé kà bhibhie, mà ɩ̀ Tʋ́ Lagɔ̀ɔ̀ ɩ̀ cílelɛ́ gɔ̀ a, ɔ́ kʋ dɛ́ɛ́ ɩ̀ zúzùò a, wɔlɩ́ɛ́ fɩ́ɛ́ ɩ̀ yrá a, ɔ́ yìi, ɔ́ yi mɔ̀ dàzɩ̀.

Sɩ́tɛ̀ mʋ́ a ka lé a ká bhibhie: À Tʋ́ɔ́ ɔ̀ kʋ ɔ̀ lagɔɔ́ a, Nà ŋnɩ́ɛ́ ɩ blɔ̀. Nà nɩnɩgbɩɛ ɩ yi Na wàwàlɛɛ́ kʋ lagɔɔ́ a ɛ Kwlíi sáà dʋ̀dʋ kʋ́!

Nyɛ́ àyɩ zɩmnɛ́ a yruó a lelilɛ

Cémʋ́ à ciele nyʋa a, Cie àmɔ̀ sɩ́tɛ̀

Naá sa àmɔ̀ wlɩgɔ̀, Lé a ka nyumoé nɩ, Mà sa ʋ́ ayɩ neé! [Máà mɔ̀ zi kʋ́, Mɔ̀ kà pɔ́wa lé mɔ̀ à ŋwʋ́ɛ́ kpá Kɔ́ lé kɔ́ a mnɩ́! Ɩ kʋ saá.]

A nɩ cie a lía a á nyumoé a, a Tʋ́ɔ́ ɔ̀ kʋ ɔ̀ lagɔɔ́ a, ɔ́ yi sáà amɔ ciè.

A dʋdʋ̀ lagɔɔ́ a nimni, ɩ nɩ́ glɩ lelilɩ, ɩ nɩ́ sáà lelilɩ a saŋwʋ̀da ka, sɩ́tɛ̀ ɩ́ kʋ bhè a Tʋ́ɔ́ ɔ̀ kʋ̀ lagɔɔ́ a ɔ́ fínilɩɩ́! Bhè nyɔ ka gbʋ́ lé ɔ́ zi nimne kʋ́ a!

A nɩ nɩ a, a ná mʋ́mɔ zɩkpa zɔ̀ a léyri a lilíé, mà ŋwɔnʋ́ lé wlɔ̀sʋ ʋ́ʋ ŋátɩɩ́, lé ghlíighlíinyʋa wáta kpli lé á yríií. Mà lagɔ̀duú a léyri a lilíé a nɩ mʋ́mɔɔ̀, mɔ̀ɔmɔ̀ nɩ́ ŋwɔnʋ́ yà wlɔ̀sʋ sɔ́ kʋ, lé ʋ kɩ́ɩ́ ŋáta lé ghlíighlíinyʋa nɩ́ sáà mɔ̀ɔmɔ̀ kʋ lé a ká kpli wáta lé a ká ghlíi. Mà dɛ́ nyɔ ŋwʋ́lɛ ɔ́ gbakalɩmalɛ sá a, bhʋ́ ɔ duo kʋɛ.

Nyɔ nɩ́ ka míi lé ɔ ká kanyʋa a sɔ́ gà zrɩɩ̀. Ɔ kɩ́ɩ́ nɩ a, ɔ́ yi múó mʋ́ gblɩ̀, lé ɔ́ yi ànɔ wà. Ɩ́zà ɔ yà múó sɔ́ yi núnuù lé ɔ nɩ́ ka ànɔ yɩ́ sra. Nyɔ nɩ́ ka míi lé ɔ ká Lagɔ gà zrɩɩ̀, lé ɔ ká moníi gà zrɩɩ̀.

Klá a mnɩ́ a pití kʋɛ ʋ́ zɩmnɛ́, lé zrɩ nɩ zɩ a, á ŋwʋ́ɩ́ kosu, sɩ́tɛ̀ ɩ́ kʋ bhè Lagɔ yrʋ́ɩ, amɔ Lagɔ nɩ́ ka míi lé ʋ́ ká yrʋ́ʋ? A Lagɔ a fádùò nɩ́ zù!

Mà mɔ̀, nà lilisɔ nɩ nyɛ́ ŋazɩ̀nyɔ lɛ́ a, nà kɔmɩsɔ ná yɩbhlɩ saá. Bhʋ́ a tányɩɛ́, lɛ́ɛ́ ɩ̀ nyɛ́ ŋazɩ̀nyɔ a, ɛ́ wɔlɩ́ nɩ́ flʋzɔ̀, bhʋ́alɛ́ ɩ̀ Tʋ́ Lagɔ̀ɔ̀ yì wɔlɩ́ɛ́ fɩ́ɛ́ a, ɔ́ yi kɛ́zɔ̀ mɔ̀ dàzɩ̀.

«A mányɩ a Lagɔ̀nɔ̀nʋ̀ɔ̀ kʋ́, a ná nɩ dʋdʋ̀ dʋdʋ̀gbɩ nyʋa nɩ ka amɔ yɩ́gɔ̀ ŋwʋ́! A nɩ nɩ dʋdʋ̀ dʋdʋ̀gbɩ a, a Tʋ́ɔ́ ɔ̀ kʋ̀ lagɔɔ́ a, ɔ nɩ́ ka kɛ́zɔ̀ amɔ dàzɩ̀.

A nɩ pʋ́ʋ kleé a, a ná nyɔnɔ̀ a kwɛ́ɛ́ yrʋnyʋa bhísakʋ́: Ámá nɩ̀ pʋ́ʋ kleé lé à nyɔnɔ a kwɛ́ lé nyʋa ká saá yɩbhlɩ mà kleé mʋ́ á pʋ́lɛ. Cɩ́cása a mnɩ́ náa srʋɛ amɔ mà á nɩ pɛ́ɛ fɩ́ɛ́ ɛ́mɛ́ á yɛ́ lɛ́ sɩ́tɛ̀. Mà mɔ̀, nɩ̀ pʋ́ʋ kleé a, wɔlɔ klʋ́ lé nyidò dàŋwóni, bhè nyʋa nɩ ka saá yɩbhlɩ mà, kleé mʋ́ ɩ̀ pʋ́lɛ, mà ɩ̀ Tʋ́ Lagɔ yɛ́ mɔ̀ kʋ́, ɔ́ a múó coco yì saá mà kleé mʋ́ ɩ̀ pʋ́lɛ a, ɔ́mɔ́ nà kà mɔ̀ dàzɩ̀.