Ayat-ayat Alkitab Ternama dari Matthew 6

Berbagi

Eithr ceisiwch yn gyntaf ei Deyrnas a'i gyfiawnder ef, a'r holl bethau hyn a roddir i chwi yn ychwaneg.

Gan hyny, na fyddwch bryderus gyda golwg ar dranoeth: canys tranoeth a fydd bryderus am dano ei hun. Digon i bob diwrnod ei ddrwg ei hun.

Am hyny, yr wyf yn dywedyd i chwi, na fyddwch bryderus am eich bywyd, pa beth a fwytaoch neu pa beth a yfoch; neu am eich corff, pa beth a wisgoch. Onid yw y bywyd yn fwy na'r bwyd, a'r corff na'r dillad.

Ond tydi, pan weddiot, dos i'th ystafell; ac wedi cau dy ddrws, gweddia ar dy Dâd yn y dirgel, a'th Dâd, yr hwn a wêl yn y dirgel, a dâl i ti.

Am hyny, gweddiwch chwi fel hyn:— Ein Tad yr hwn wyt yn y Nefoedd, Sancteiddier dy enw. Deled dy deyrnas. Gwneler dy ewyllys, megys yn y nef, felly ar y ddaear.

Dyro i ni heddyw ein bara cyfreidiol.

A maddeu i ni ein dyledion, fel yr ydym ninau hefyd wedi maddeu i'n dyledwyr.

Ac na ddwg ni i brofedigaeth. Eithr gwared ni oddiwrth yr Un Drwg.

Canys os maddeuwch i ddynion eu camweddau, eich Tad Nefol a faddeu hefyd i chwithau

Edrychwch ar ehediaid y nefoedd, nad ydynt yn hau nac yn medi, nac yn cywain i ysguboriau; ac y mae eich Tad Nefol yn eu porthi hwy. Onid ydych chwi yn rhagori llawer arnynt hwy?

Na thrysorwch i chwi drysorau ar y ddaear, lle y mae gwyfyn a rhwd yn difa, a lle y mae lladron yn cloddio trwodd ac yn lladrata. Eithr trysorwch i chwi drysorau yn y Nef, lle nad oes na gwyfyn na rhwd yn difa, a lle nis cloddia lladron trwodd, ac nis lladratant. Canys lle y mae dy drysor, yno y bydd dy galon hefyd.

Ni ddichon neb wasanaethu dau arglwydd: canys naill ai efe a gasha y naill, ac a gâr y llall; ai efe a ymlyn wrth y naill, ac a ddiystyra y llall. Ni ellwch wasanaethu Duw a Mamon.

eithr yr wyf yn dywedyd i chwi, na wisgwyd Solomon yn ei holl ogoniant fel un o'r rhai hyn. Ac os dillada Duw felly lysieuyn y maes, yr hwn sydd heddyw, ac yfory a fwrir i'r ffwrn, oni ddillada efe chwi yn hytrach o lawer, O chwi o ychydig ffydd?

Eithr pan wnelych di elusen, na wyped dy law aswy y peth a wna dy law ddehau: fel y byddo dy elusen yn y dirgel: a'th Dâd, yr hwn a wêl yn y dirgel a dâl i ti.

Gochelwch rhag gwneuthur eich cyfiawnder gerbron dynion, er mwyn eich gweled ganddynt: os amgen, ni chewch wobr gan eich Tad, yr hwn sydd yn y Nefoedd.

A phan ymprydioch, na fyddwch fel y rhagrithwyr, yn wynebdrist, canys anffurfiant eu gwynebau, fel yr ymddangosont i ddynion eu bod yn ymprydio. Yn wir meddaf i chwi, y maent yn derbyn yn llawn eu gwobr. Ond tydi, pan ymprydiot, eneinia dy ben, a golch dy wyneb; fel nad ymddangosot i ddynion yn ymprydio, ond i'th Dad, yr hwn sydd yn y dirgel; a'th Dad, yr hwn sydd yn gweled yn y dirgel, a dâl i ti.