I Versetti Biblici più popolari da Mātaio 2

Condividi

E tae atura rātou ki roto i te 'are, kite atura rātou i taua tamaiti ra, ē tōna metua va'ine ko Māria, tuturi i'ora rātou ki raro, 'ara'ara atura i aia. Tatara akera i tā rātou 'apinga, tuku atura i te tao'ongā rima, te 'auro, te tāpou kakara ē te manongi.

Ē kia 'ānau a Iēsū i Bētelehēma i Iūdea ra, i te au rā o te ariki ra o Heroda, inā, 'e au tangata pakari tei 'aere mai ki Iērūsalēma mei te 'itinga o te rā mai, ē kua ui maira, “Tei 'ea te ariki 'ānau 'ōu o te Ngāti Iūda nei? Kite ake nei 'oki mātou i tōna 'ētū i te 'itinga o te rā, ē e 'aere mai nei mātou kia 'akangāteitei atu i aia.”

Ra'i rava akera tō rātou rekareka i tō rātou kite'anga i taua 'ētū ra.

Ē i ako'ia maira rātou nā roto i te moemoeā ē, auraka e 'oki ki a Heroda ra, 'aere atura rātou ki tō rātou 'ua'orāi 'enua nā tēta'i mataara kē. E riro atura te aronga pakari, mama maira tēta'i 'āngela a te 'Atu ki a Iōsēpha nā roto i te moemoeā, nā kō maira, “Ka tū, ka rave i te tamaiti ē tōna metua va'ine, e 'oro ki Aiphiti. E no'o ki reira e tae 'ua atu ki te tuātau e 'akakite atu ei au ki a koe; nō te mea, tē kimi ra a Heroda i te tamaiti e tā.”