I Versetti Biblici più popolari da JOHON 15

Condividi

“Ang khe angur buphang, norok khe bedek. Ang bai thansa khe tong khe, phiya angbo bo bai thansa khe tong khe a borok bwthái kwbángma tháinai. Tamni hwn khe ano karwi norok mungsa phano khlaiwi man ya.

Norok ang bai thansa khe tong di, angbo norok bai thansa khe tong anw. Angur buphango kwphajak ya bedek bwthái tháiwi man ya wngma hai’-no norokbo ang bai thansa khe tong ya khe bwthái tháiwi man glak.

Norok ang bai thansa khe tong khe, phiya ani kókbo norokni bisingo tong khe norok muchungma jora tẃi san di, hakhe abono man anw.

Norok ano sai ya, ang se norokno sai-o. Hakhe bwthái tongna tẃi khe norok bwthái kwbángma thái thung hwnwi se ang norokno chongwi rohoro. Hakhe ani mungwi Aphani thani mungsa swk san khe bo abono norokno rw anw.

Sakni bayaprokni bagwi thwiwi man khe se a borok bini bayaprokno kaham khe hamjakma klai-o.

Ani bisingni bwthái thái ya joto bedekno Apha khibiui rw-o, phiya sap wngwi bwthái kwbáng khe thái thung hwnwi tháinai joto bedekno khe bo santiui tono.

Ang hai hwnwi dagi-o, ang norokno hamjakma hai’-no norok kiching norokbo hamjak lai di.

Norok bwthái kwbángma thái kheno Apha chẃngsacha wngo; hakhe omo tẃi kheno norok ani sagri wngnai.

“Ang se sóini angur buphang, Apha khe bari bubagra.

Ang bai thansa khe tong ya borok bo bedek hai khitarwi rohorjaknai, hakhe phwranjaknai; abo tẃi bedekrokno thumwi hóro khiklai sókjaknai.

“Ang tongthokma hai’-no norokbo tongthok thung, phiya norok tongthok súk thung hwnwi se ang o kókrokno sa-o.

Ani kók khna kha hwn khe se norok ani hamjakma bisingo tong anw. Angbo abo hai’-no Aphani kók khnama bai bini hamjakma bisingo tongo.

Aboni bagwino norok kiching norok hamjak lai di hwnwi ang norokno dagi-o.”

Norok o swngcharni wngma tlai o swngchar bini hamjakma borok hai khe norokno hamjak kha mun. Tamo khe ang norokno o swngchar bisingni sai kha, hakhe norok o swngcharni ya. Aboni bagwino o swngchar norokno naislerjago.