I Versetti Biblici più popolari da Matayo 14

Condividi

Ela epfoona namuna ya hiḍi vut̯o ḍivyokuwa kali, Pet̯ero kanjijwa ni oga na kaḍabva kuzama. Iyo saa kaḅaa idzwi kuu kamba, “Ḅwana, nipfonya!” Na pfapfo Yesu kamupfiikia mukono kamugija na kamwamba, “E wewe wiye na faro ndoḍo! Kut̯i wiwa nkukuniserefat̯a?”

Ela epfoona namuna ya hiḍi vut̯o ḍivyokuwa kali, Pet̯ero kanjijwa ni oga na kaḍabva kuzama. Iyo saa kaḅaa idzwi kuu kamba, “Ḅwana, nipfonya!”

Ela iyo saa Yesu kanena nao kawamba, “Dzipfeni mojo, ndimi, namutseshooga!”

Pet̯ero kamwamba Yesu, “Ḅwana, ikiwa kwamba ndiwe ḍugha, niamuru nami nyenende dzuu ya haya madzi nikudziye.” Na Yesu kamwamba, “Nzoo!” D̯ubva Pet̯ero kasuka na humuḍe chomboni na kaḍabva kwenenda dzuu ya haya madzi akimwendea Yesu.

Makisa hawa wanafund̯i wamuvunzia nkuhi Yesu wamwamba, “Hakika wewe u Mwana jwa Muungu ḍugha.”

Yesu kawambukuya kawamba, “Ae ina haḍya ga ya kwamba wende wakadzilachie chakuḍya? Anywi ntamunawapfa?” Nao wamwambukuya wamwamba, “Aswi huna kintu ga? Hwivyonavyo vyonse ni mikahe mitsano na nswi mbii t̯u!”

Yesu kawamba, “Viniyeheyeni hapfa.” Makisa kawaamuru hawa wantu wakae vihako hapfaḍe kitsangeni. Kisa Yesu kaihwaa hiḍe mikahe myotsano na hiziḍe nswi zombii. Kayowa mbinguni dzuu na kavivodhya. Makisa kaivunza-vunza hi mikahe na kaiwapfa hawa wanafund̯iwe pfamodza na hizi nswi, nao waviwagawiya hawa wantu.

Wonse waḍya hat̯a wanjia kuviyowani na matso. Na hawa wanafund̯i wavitsowa-tsowa hivi viḍinku visaiyevyo na wadzaza vikapfu kumi na viwii.