I Versetti Biblici più popolari da Johannesi 15

Condividi

“Ame ne yame thitondo thovinyu, amwe ne mwamite. Oyu ghokukara muMwange, Name mumwendi, ghana kwima mbuyo dhodhingi. Yoyishi kupira Me, mbadiko thi mwa kona kutenda.

Amwe mu kare muMwange, Name mumwenu. Mute pithagho, mbadi wa kona kwima mbuyo oku mbadi wa ghughama kuthitondo thovinyu. Kemo karo namwe ngeshi mbadi mwa kara muMwange.

Amwe ngeshi ha mu kara muMwange, noman̂ando ghange ha gha kara mumwenu, mu kumbere vene yi mwa hima no mbo muna yi wana.

Amwe mbadi mwa ni torora, Yame na mu torora, yo na mu pakera po eshi mu yende, ho mu keme mbuyo, mbuyo dhi mbo dhi karerera. Kemo gha mu pa Tate thothiheya thi, mbo mu kumbera muDina dyange.

Mbadiko yu gha kara noruhakitho rokupiterera yira runo, rokutapera hayendhendi moyo wendi.

Kehe mute wange oghu ghuna kudhira kwima mbuyo, ghana kughuteta ko Ye. Ene kehe ghu ghokwima mbuyo, ghana kughuteta thiwana eshi mbo ghu kone shime kwima mbuyo dhodhingi.

Yo yiraghura yange yino: Mu kuhake pofotji, thika di na mu haka Me.

Shemwa pa sha mu fumanekere Tate eshi mwe ne, mwema mbuyo dhoghingi, no mwakathishongero wange.

“Yame thitondo thovinyu thoshemwa, naTate ne ndjimi.

Ngeshi ha dhiri kukara ghumweya muMwange, ghana kupwa kumwagha yira mute no ghana kukukutera. Hanu hana kongwedhanga mite dhokengeyo no kudhivukumena mumudiro, ha dhi kon̂ere.

“Eyi na kuyimutongwerera yi, yishamberera yange yi kare mumwenu, no yishamberera yenu yi rikanyenene.

Ngeshi ha mu tendi yiraghura yange, mbo muna kara muruhakitho rwange, thika di na tenda Me yiraghura yaTate no na kara muruhakitho rwendi.

Eyi ne yo na kumurawera, mukuhake pofotji.

Ngo mwa kara mwakakaye, ngo ka mu haka kaye yira ghushwi wako. Ene yoyishi kadi mwakakaye, Yame na mu tororire mukaye yo ka mu dhimbera kaye.