I Versetti Biblici più popolari da Лука 8

Condividi

Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Үүргэнэ соо унаһан үрэһэн гээшэнь – номнол үгэнүүдые шагнабашье, урдынхидаал адли хубиингаа хэрэгтэ дашуурһаар, эд зөөриин барлаг болоһоор, бэеэ жаргуулха шуналда абтаһаар ямаршье аша үрэ асарангүй һалагшад тухай хэлэгдэнэ.

Шулуутай газарта унаһан үрэһэн гээшэнь – номнол үгэнүүдые шагнаад, тэрэниие ойлгожо баярлабашье, тэрэ үгын сэдьхэлдэнь гүнзэгы үндэһэлөөгүй ушарһаа тиимэ хүнүүд саг зуура һүзэглэбэшье, хатуу бэрхэ сагай ерэхэдэ һүзэглэхэеэ болишодог.

– Таанарай этигэлтнай яабаб? – гэжэ Иисүүс шабинарһаа һураба. Тэдэнь ехээр гайхаһан, һүрдэһэн амитад: – Энэ һалхи, уһанда захиралта үгэжэ, мэдэлдээ оруулдагнай Хэн гээшэб? – гэжэ хоорондоо хэлсэбэ.

Харгын хажууда унаһан үрэһэн гээшэнь – Бурханай номнол үгэнүүдые шагнагшад мүн, теэд удаань шолмос ерэжэ, ойлгоһон юумыень сэдьхэлһээнь ходолжо абаашана, тиихэдэнь тэдэ хүнүүд этигэхэеэ болижо, абарагдахагүй болоно.

Эгээл тэрээн шэнги элидэ гараагүй далда юумэн байхагүй, мэдээжэ болоогүй нюуса байхагүй.

Нюужа шадахагүйгөө ойлгоһон тэрэ эхэнэр Иисүүсэй ойро шэшэрэн ерэжэ, хүлдэнь унаад, Иисүүстэ юундэ хүрэһэнөө, хайшан гэжэ тэрэ дороо эдэгэһэнээ бүхы зондо дуулгаба. – Басаган, этигэлшни шамайе абараа. Амгалан тайбан ябаарай, – гэжэ Иисүүс хэлэбэ.

Шабинарынь Иисүүсые һэреэжэ: – Багша! Багша! Уһанда шэнгэжэ хосорхоёо байналди! – гэбэд. Иисүүс һэреэд, дошхорһон һалхиие, долгитоһон уһые хорибо. Тиихэдэнь далай аалин номгон болошобо.