I Versetti Biblici più popolari da Walumi 12

Condividi

Seke mwige viwotenda wanhu wa isi ino, mbali mlekeni Mulungu yawahindule gomgesa ili mtonge gamwenga, baho honda mdahe kuumanya wende wa Mulungu na kuimanya sang'hano inogile, imnogeza na yenele.

Kwaivo walukolo zangu, kwavija Mulungu kana bazi kulu, nowapula kwa moyo wose, ilaveni wenyego kumsang'hanila Mulungu, muwe kama nhosa ya Mulungu mwenyego, ija imnogeza Mulungu. Vino ivo vonda msang'hane kwa kumfugamila Mulungu kwa kweli.

Tumanilo jenu dimwing'heni ndeng'helelo, mfunye moyo kwa gaja madununzo na kumpula Mulungu mazua gose.

Sekeutogole uhumigwe na ubananzi, ila uhume ubananzi kwa ganogile.

Muing'he wende wenyego kwa wenyego mweye mumtogola Kilisito, chila munhu yamwing'he ulongozi miage.

Wende wenu na uwebule dihile jojose. Ihileni mbuli yoyose yaubananzi, sang'haneni gaja ganogile.

Kama vija viidahika kwa ubanzi wenu, mkale kwa utindiwala na wanhu wose.

Mbwiga zangu seke mlihize gehile, ila mlekeleni Mulungu mbuli iyo, kwavija Mayandiko ga Mulungu Mndewa kolonga, “Kulihiza gehile ni mbuli yangu, nie iyo nolihiza.”

Mgangamale muisang'hano na mgendelele kusang'hana mbuli iyo kwa moyo wose mhamsang'hanila Mndewa.

Kwavija kwa unovu ning'higwe na Mulungu nomlongela chila munhu yeli kumwenu, seke yalonde mbuli ng'hulu kubita viilondeka, ila yagese sawa na Mulungu viyamwing'ile chila munhu kuilinga na viyotogola.

Sekemlihize dihile kwa dihile. Iyoheni kusang'hana gaja wanhu wogamanya kua ganoga.

Mkale kwakuilumba goya mweye kwa mweye. Seke muigode mweye mdaha ng'hani, mbali isang'hanileni na waja kina nzakabwa. Seke muigode mweye wa kutogoligwa ng'hani.

Kaidi yandikigwa, “Mhasanyi wako yahawa na nzala, mwing'he ndia, yahawa na ng'ilu, mwing'he mazi yang'we. Kwavija kwa kutenda ivo kokua kumgela chinyala ng'hani.”

Wapulileni ganogile ga Mulungu waja wowadununza, enaa, wapulileni ganogile ga Mulungu, na hebu sekemuwenukile. Deng'heleleni hamwe na waja wodeng'helela, lileni hamwe na waja wolila.

Watazeni wanhu wayenu wamtogole Kilisito kwa vinhu viwolonda, wabokeleni nyambenyambe kwa nying'ha.

Kama vija mulukuli lumwe luna vilungo vingi, chila chimwe china sang'hano yake. Hata cheye chili wengi, cha lukuli lumwe kwa kuilumba na Kilisito, na chila imwe ni chilungo cha miage.