I Versetti Biblici più popolari da Walumi 11

Condividi

Kwavija vinhu vose volawa kumwake, vose vabaha kwa udaho wake na kwambuli yake. Mulungu yeng'higwe ukulu mazua gose galibule uhelelo. Pepaa!

Enaa, Mulungu kana vinhu vingi vinogile, nzewele na umanyi wa Mungu ni mkulu ng'hani! Ulamuzi wake haulolesigwa, habule munhu yonda kuvimanya vija Mulungu viyosang'hana?

Mayandiko golonga, “Yelihi yapatile kumanya gayatonga Mndewa? Yelihi yodaha kumlongoza dakulonga?

Baho, Mulungu kawasagula wanhu kwambuli ya unovu wake, wabaho wamwenga wasigale waja Mulungu yawabagule kwambuli ya unovu wake. Kubagula kwake kolawila kwa unovu wake na sio kwambuli ya sangh‘ano zao. Hata kama kubagula kwake kolawa kwa sang'hano za wanhu, uhalekile kua unovu wa Mulungu.

Enaa, makwamvi gamwenga ga mbiki wa mzeituni mdikonde gakanhigwa, haja hakanhigwe wabandikiza makwamvi ga mbiki wa mzeituni mbago. Mweye wanhu wa isi zimwenga ni kama makwamvi ga mzeituni mbago, mulumbigwa kua hamwe na makwamvi gasigale ga mzeituni wa mdikonde. Mopata ndia kubitila mizizi ya mzaituni uo, Ivo seke muigodele kwa waja wakanhigwe kama makwamvi! Hata mwahawa na dakuigodela, seke muisemwe kua sio mweye muidahiza mizizi ila mizizi iyo iwadahiza mweye mkale goya.