I Versetti Biblici più popolari da Okhurula 7

Condividi

OMWAMI namusunjila Musa ari Lola, ekhukholile okhuba omunyasaye khuFarao; naye Haruni omusiani weenywe alabeetsanga omunabiiwo.

Ne ndalatinyia omwoyo kwaFarao, ninyinjiyia ebilolelo bianje nende akamakana kanje mushialo shiaMisiri. Nebutswa Farao shialamuhulila ta, nasi ndalara omukhono kwanje khuMisiri, nirusiamwo amahe kanje, abandu banje, nibo abaana baIsiraeli, okhurula mushialo shiaMisiri, khulwa obukhalachi obukhongo.

Nabo abaMisiri balamanya mbu isie nisie OMWAMI, olwa ndalanyiila omukhono kwanje khuMisiri, nirusia abaana baIsiraeli okhurula mubo.

Mana Farao yesi yalanga abandu bobuchesi nende abafumu; nabo bosi, abachesi baMisiri, nibakhola bari nanwa nende akamabiswi kabwe. Okhuba bafuuba hasi buli mundu indabushiye, natsio nitsikwa tsinzokha; habula indabushi yaHaruni yamila tsindabushi tsiabwe.

Kano niko aka OMWAMI aboola; mbu Khwikhuwa lino olamanya shinga olwa endi OMWAMI; lola, ndalakhupa khumatsi akali mumwalo kwaNaili nende indabushi yino eyili mumukhono kwanje, nako kalakwa amabanga.

Olwa Farao alamusunjila ari Mwilolosiekhwo khulwa eliamakana; mana olamubiila Haruni mbu Bukula indabushiyo, ochifuube hasi imbeli waFarao, yikwe inzokha. Kho Musa nende Haruni beenjila ewaFarao, nibakhola bario, shinga OMWAMI olwa yali nabalachile; Haruni nafuuba indabushiye imbeli waFarao nende abasumbabe, nayo niyikwa inzokha.