I Versetti Biblici più popolari da Luk 21

Condividi

Yegl pre ene ege ege sugl kan moglsre, God yobuglo bogl norabedi kamage erio. God ene yobuglo bogl tenan, yubun i ene si atne edekran, ene na Yoba Wam gumuglna mina adigl mogl, wakai moraiglme di, Jisas yegl dugwa.

Jisas yegl didre, ka ta ama yegl dugwa, Ene kan kun erio. I siragl pre ene gua gua ere, spak ersre, erme makandigle siragl mere mogl pai eraiglkwa i pre yubun debi, taragl i ene nomano mina kau sinabuka. Kau sinan, ege i tabre plau dinan

Ene yubun idre, adigl gigledi meglbi, ene kiano mina wakai kaima moraiglmiwe di, Jisas yegl dugwa.

I siragl pre ege i, nana ene ka siragl mere dinaiglkwa i di tebo, ene kano mem wakai panan, ene kudano ikne ta moraiglkwa i, ene kano si atne edenaiglkwa i, kuno ta erekrabiwe dugwa.

Kamun mitna ibo ya dumo makan dudunabuka kuno erabuka ba na kana ta dudukre, aimadi kamun pai morabiwe dugwa.

Jisas yegl didre, ama yegl dugwa, Ade ba ya kugl kuri mina diu podo plau dinan, mudi nigl ama podo kaima si pepigl didre, mu podo dinan, yoba yugobuno pere pere moraiglkwa i nomane sidre, kudugl podo goraiglkwa. Te, ege i, taragl podo podo kamun mitna ibo paigwa i, gua gua wanibi, yoba dumo makan dudinabedi kandre, kudugl goglsre, gumuglno magran, yage sinaiglkwa. Ana igne i na Yoba Wam moglka i, kamun kua mitna ibo udre, na yobuglna ya abuglagena podo paugwa i nogugl edibo, kanaiglkwa.

Te, ene na duglo beglkwa pre yoba mudu ene kide kanaiglkwa.

Imem podo podo unan, bage tau kidan podo kaima panaiglkwa. Paibi, bage tau yoba kide sinan, mere geglbi, diu ama tau kamun mitna ibo plau dibi, yoba kandre, kudugl podo goraiglmiwe dugwa.

Te, kuda kane kane, kebra ya kade plau dume dibi, ene prisre, kudugl goglkrio. I siragl pre taragl i mudu plau dinaiglkwa paugwa ba taragl pra pra dudunabuka ege i, okuo kaima unabiwe dugwa. Kantri ikne ikne kuda beglbi, te, king ikne ikne ama kuda boraiglkwa.

Jisas yegl didre, ama yegl dugwa, Ade ba ya kugl kuri mina diu podo plau dinan, mudi nigl ama podo kaima si pepigl didre, mu podo dinan, yoba yugobuno pere pere moraiglkwa i nomane sidre, kudugl podo goraiglkwa. Te, ege i, taragl podo podo kamun mitna ibo paigwa i, gua gua wanibi, yoba dumo makan dudinabedi kandre, kudugl goglsre, gumuglno magran, yage sinaiglkwa.

Kantri ikne ikne kuda beglbi, te, king ikne ikne ama kuda boraiglkwa.

Yegl digo, Jisas yegl dugwa, Yoba ta ene bakagl te dinaiglmedi kan kun erio. I siragl pre yoba tau mere na kagna mina udre, Na Krais moliwe didre, Taragl mudu dudunabuka igne i ede magigl u kodumiwe dinaiglkwa. Ye yegl dinaiglkwa ba ene ye duglo boglkrio.