I Versetti Biblici più popolari da SAN MATEO 7

Condividi

’Lo'o chaca cha' ni: jña ma̱ sca cha' ji'i̱ ycui' Ndyosi, lo'o jua'a̱ ta ycui' Ni cha' bi' ji'i̱ ma̱ li'; clyana ma̱ ji'i̱ ycui' Ni, lo'o jua'a̱ quije Ni ji'i̱ ma̱ li'; tyucui tyiquee ma̱ chcui' ma̱ lo'o ycui' Ni, cuna Ni cha' nu chcui' ma̱ lo'o Ni li'.

Cua ña'a̱ ca ñati̱ nu ndijña sca cha' ji'i̱ ycui' Ndyosi, caja cha' bi' ji'i̱ ngu' li'; cua ña'a̱ ca ñati̱ nu nclyana ji'i̱ ycui' Ni, quije Ni ji'i̱ ngu' li'; lo'o jua'a̱ cua ña'a̱ ca ñati̱ nu tyucui tyiquee nchcui' lo'o Ni, cuna Ni cha' nu nchcui' ngu' lo'o Ni li'.

’Lcaa ñati̱ nu cuna tso'o cha' nu nchcui' na' re, lcaa ñati̱ nu taquiya' tso'o ji'i̱ cha' nu nchcui' na', laca ñati̱ bi' ñi'ya̱ laca sca ñati̱ nu ngulacua xi ti' nu lo'o tya lyiji cuiñá yu ni'i̱ ji'i̱. Lo'o li' ngüiñá yu bi' ni'i̱ ji'i̱ yu chu̱' sca quee cuaja'.

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

Pana chubi tsa tolo'o, lati tsa tyucui̱i̱ su tsaa ngu' nu ngujui chalyuu nu ná nga'a̱ cha' tye ji'i̱ ngu'; xti ti ñati̱ nquije ji'i̱ tyucui̱i̱ bi'.

’Lo'o chaca cha' ni, nga'a̱ cha' tyeje tacui ma̱ tolo'o chubi. Tlyu tsa tolo'o, lo'o jua'a̱ si̱i̱ tsa tyucui̱i̱ su tsaa ngu' ca bilyaa; tso'o tsa ña'a̱ tyucui̱i̱ bi' nti' ngu', bi' cha' quiña'a̱ tsa ñati̱ ndya'a̱ tyucui̱i̱ bi'.

Bi' cha' lacua, si jlo ti' ma̱ ñi'ya̱ ta ma̱ na tso'o ji'i̱ sñi' ma̱, masi cuxi ntsu'u cha' tyiquee ma̱, la cui' jua'a̱ caca cuayá' ti' ma̱ cha' jlo la ti' ycui' Ndyosi Sti na nu ntucua nde cua̱ ñi'ya̱ nu ta Ni na tso'o ji'i̱ ngu' nu ndijña ji'i̱ Ni.

’Lo'o chaca cha' ni: ná sta ma̱ qui'ya ji'i̱ tya'a ñati̱ ma̱, cha' ná tyiquee' sta ycui' Ndyosi qui'ya ji'i̱ ma̱ si cua'ni ma̱ jua'a̱. La cui' ñi'ya̱ nchcui' cuxi ma̱ ji'i̱ xa' la tya'a ñati̱ ma̱, si tyaala tsa ma̱, la cui' jua'a̱ cua'ni cuayá' ycui' Ni ji'i̱ ma̱. Lo'o jua'a̱, la cui' cuayá' milya ñi'ya̱ nu nda ma̱ ji'i̱ tya'a ñati̱ ma̱, la cui' jua'a̱ ta ycui' Ni ji'i̱ ma̱.

Lo'o jua'a̱ lcaa ñati̱ nu ndyuna cha' nu nchcui' na' re lo'o ngu', pana ná ndaquiya' ngu' ji'i̱ cha' bi', laca ngu' bi' ñi'ya̱ laca sca ñati̱ tonto nu ná ngulacua ti' tsiya' ti; ngüiñá yu bi' sca ni'i̱ lo yusi̱ ti.

¿Ni cha' yala tsa nchcui' ma̱ ji'i̱ sca cha' cuxi nu ntsu'u ji'i̱ xa' la tya'a ñati̱ ma̱, masi ñi'ya̱ nti' si laca bi' sca satya yuu ti nu ndyatí̱ cloo ngu'? Pana ná ndube ti' ma̱ cha' tlyu tsa cha' cuxi nu ntsu'u ji'i̱ ycui' ma̱, ñi'ya̱ nti' si laca bi' sca nguti tlyu nu ntsu'u cloo ycui' ca ma̱. ¿Ni cha' laca tlyu tsa tyiquee ma̱ chcui' ma̱ lo'o tya'a ñati̱ ma̱ ndi'ya̱: “Ta nu'u̱ chacuayá' culo na' yuu nu ntsu'u cloo nu'u̱”? Jua'a̱ ñacui̱ ma̱, masi ná ña'a̱ ma̱ nguti nu ntsu'u cloo ycui' ca ma̱.

’Lo'o chaca cha' ni: cua'ni tii ti' ma̱ ña'a̱ ma̱ ji'i̱ ngu' cuiñi nu nchcui' cuiñi ti cha' cuentya ji'i̱ ycui' Ndyosi nclu'u ngu' cha' ji'i̱ ma̱. Sca na'ni tso'o laca nu naa xlya'; lo'o nu ngu' cuiñi bi' ni, nti' ngu' cha' culacua ti' ma̱ cha' ñati̱ tso'o laca ngu' ñi'ya̱ laca xlya'. Tso'o tsa nchcui' ngu' bi' lo'o ma̱, tso'o tsa ndu'ni ngu' lo'o ma̱; pana cha' cuiñi laca nu nchcui' cha' tso'o tsa ngu' bi', cha' tyaala tsa ngu', cuiñi tsa ngu' bi'. Si'i ñi'ya̱ laca xlya' laca ngu' bi'; ñi'ya̱ laca sca bo'o nu tyaala tsa, jua'a̱ laca ngu' bi'. Taca ji'i̱ ma̱ tyuloo ma̱ ji'i̱ ngu' cuiñi bi' lo'o ña'a̱ ma̱ ni cña ndu'ni ngu', si cha' tso'o, si cha' cuxi ndu'ni ngu'. Si'i ji'i̱ quiche' yane nsuu na si'yu losu' tyixi, cha' ná ta lti bi' si'yu tyixi; jua'a̱ si'i ji'i̱ yaca quiche' nsuu na si'yu tyixi.

Ji'i̱ lcaa yaca tso'o nsuu na si'yu tso'o; pana yaca nu cua btyi ni, nga'aa nda bi' si'yu nu cacu na.

Ná ta sca yaca tso'o si'yu nu ná tso'o; jua'a̱ sca yaca nu ná tso'o ni, ná ta bi' si'yu tso'o.

Lo'o li' si'yu ngu' ji'i̱ yaca btyi bi', cha' nga'aa tso'o bi'; taqui̱ ngu' yaca bi' li'.