A’NPHUTNA 11
11
Babylon Inn chung Inshâng
1Hmalai chu, raleichung pumpuia mihe’n ṭong inkhat rōk ṭongrahme in-angtling anleihmang. 2Nisōtinga inphut kahong lele heia Babylon phaicham anhong phâk, khana anmani khō leikatla jo hei. 3Anmani inkhat leh inkhat inbe heia, “Hong ruh! ṭêk syem me sona angarna sik manchâr rih,” anti. Khana khan anmani’n ṭêk a’nsyema khe vâng mansur mankopna sik antlo. 4Khana anmani’n, “Tûnchu chungvân katlung sik denchung inshâng khōpui sak rih, kha achang inchu nirahming um manhret a ka-om sik khana raleichung pumpuia inchek a om mak jo min,” anti.
5Khava sōa Rōngpu kahonga khōpui leh inn chung inshâng antasak kha ava-en, 6khana ama’n, “Tûnchu anmani hei hi phung inkhat rōk leh ṭong inkhat rōk kajôm kachang jo hei; hiva hichu anṭōn tlo sik aphutnabi lakae. Antamadudu kha inranga ansyem tor sik jo. 7Se me sona anṭonghri hei hi inkhat leh inkhat ani’nhret thei makna sik manchôm pek hei rih,” ati. 8Khang’khan Rōngpu’n raleichung hmun rakip a akathek chai jo hei, khana khōpui inn sakna kha anleibâng jo. 9Khōpui rahming kha Babylon anti, ajârchu Rōngpu’n mihei ṭong kha aman chômpek hei khana khava hmun a inphut raleichung pumpuia akathek chai jo hei.
Shem Sōn leh Pârhei
(1 Th 1.24–27)
10Shem sōn leh pârhei kha hivahei hi kae. Tuishânglen kum 2 sōa Shem akum 100 ahongtluk a Arpachshad inti sapa inkhat anei. 11Khava ka-hnunga kum 500 lakahring nôk a sa alak um anlamajōrsa.
12Arpachshad in kum 35 atluk pha Shelah inti sapa inkhat anei. 13Khava sōa, kum 403 lakahring nôk khana sa alak um anlamajōrsa.
14Shelah kum 30 atluk pha Eber inti sapa inkhat anei, 15khava sōa 403 lakahring khana sa alak um anlamajōrsa.
16Eber in kum 34 atluk pha Peleg inti sapa inkhat anei; 17khava sōa 430 lakahring nôk khana sa alak um anlamajōrsa.
18Peleg in kum 30 atluk pha Reu inti sapa inkhat anei; 19khava sōa kum 209 lakahring nôk khana sa alak um anlamajōrsa.
20Reu’n kum 32 atluk pha, Serug inti sapa inkhat anei; 21khava sōa, kum 207 lakahring nôk khana sa alak um anlamajōrsa.
22Serak in kum 30 atluk pha Nahor inti sapa inkhat anei; 23khava sōa kum 200 lakahring nôk khana sa alak um anlamajōrsa.
24Nahor in kum 29 atluk pha Terah inti sapa inkhat anei; 25khava sōa, kum 119 lakahring nôk khana sa alak um anlamajōrsa.
26Terah kum 70 atluksō kahnunga, Abram, Nahor khana Haran anei hei.
Terah Sōn leh Pârhei
27Abram, Nahor leh Haran hei pa, Terah sōn leh pârhei kha hihei hi kae. Haran kha Lot pa kae. 28khana Haran in Babylon ram a ankhōpui Ur a leikathi, athi pha apa lakahring. 29Abram in Sarai a-ompui, Nahor in Haran sanu Milcah a-ompui khana Haran kha Iska pa’m kae. 30Sarai kha sa neimak, akaching kae.
31Terah’n asapa Abram, Haran sapa, atupa Lot khana ahmōinu Sarai leh anuhmei aṭhōi heia Babylona Ur khōpui adahlona Canaan ram a kase jo hei. Haran katlunga kase heia khava hmun a khō katla jo hei. 32Khava hmun a Terah kha akum 205 atluk pha kathi jo.
Attualmente Selezionati:
A’NPHUTNA 11: KOMRBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.