A’NPHUTNA 12
12
Pathen in Abram Abek
1Abram hneng ati, “Naram, na-innkōhei napa innshung dahlon roh, khana ke’n kaman hmuna sik che ram a khan se roh.#Ṭōn 7.2,3; He 11.8 2Ke’n nasōn-napâr katamtak kapek sik che, khana anmani jât kalentak hongkachang sik hei. Nang vâng kaṭha inkhat nachenna sik ke’n nang vâng kapek sik che, narahming kaman thang sik.
3Vâng nakapek hei kha ke’n vâng kapek sik hei.#Ga 3.8
Tâk-kha nakahâksêr hei kha kahâksêr sik hei,
khana nanga inphut jât rakip vângṭhat kapek sik hei kae.”
4Abram kha kum 75 atluk pha Rōngpu tahri pek dungjuia Harana inphut kasesōt jo; khana Lot in aleijuia kae. 5Abram in anuhmei Sarai leh anaipa sapa Lot, khan chu Harana alamsōt karōi seng leh asōk-hei ankhenga aṭhōi heia Canaan ram kajōn sik le’nphut jo hei.
Anmani Canaan antlung pha, 6Abram in ram shung senga kase lelea hmun intheng Shechema sasōkung intheng kekna More katlung jo. (Khava lai khan Canaan mihei kha ram a khan leika-om hi hei). 7Khana khan Rōngpu kha jōng inlâra Abram hneng, “Hiva ram hi ke’n natu-nasahei kapek sik ram kha kae,” ati. Khava pha Abram in ajōng inlâr Rōngpu hneng maichâm inkhat asyempek joa kae.#Ṭōn 7.5; Ga 3.16 8Khava sōa ama thlang ting Bethel khōpui nisō intong tlâng ting kasea nisōting Ai, tlaitlâk ting Bethel, ankârtak a apōn rabuk-inn amatung jo. Khava hmun a kha’num maichâm asyema Rōngpu kha akamuk a kae. 9Khava sōa ama Canaan thlâng intongting hmun hlop-hlop a inthon joa kae.
Abram Egypt a A-om
10Tâk-kha Canaan ram a ṭâmpui katla jo. Ṭâm kha a’nhnak jo pha Egypt ram a avaka-om chot sik a Abram thlang ting leikase jo. 11Khana ama’n Egypt ramri avahlut sik pha, ama’n anuhmei Sarai hneng, “Nang nuhmei hme kaṭhatak che kae. 12Egypt mihe’n anhmu che pha anmani’n kanuhmei nachang kha anmandon sik a kha, kei anthat sik eng, nang anmanhring sik che. 13Khava jâra asernu eng kae tia hri roh, khanga nahri’nchu kei athat mak hei ning, kaṭha antlo sik eng,” ati.#Aph 20.2; 26.7 14Ama Egypt ram a ahlut pha, Egypt mihe’n anuhmei hmeṭhat kha anhmu takbak joa kae. 15Egypt a kalen kahrâng ṭhahrep in amanu kha anhmu jo. Rengpa hneng ahme ṭhat kha anvahri jo; khava jâra amanu kha reng-innpuia anṭhōi jo. 16Amanu jâra Rengpa’n Abram kha kaṭhadek a arazen khana kemōng, ke, sehrat, shakorhei leh sōk-hei khana sharîngsei hei apek jo.
17Tâk-kha Rengpa’n Sarai kha ale’nṭhōi jâra khan Rōngpu’n achunga, reng-innpui shunga mihei chunga hrise inhnaktak ajōngtir joa kae. 18Khava pha reng khan Abram ava manbek heia ader, “Heimo kahnenga natlo jo hi? Heisa mo nanuhmei kae tia nahri pek mak eng? 19Heisa mo nanainu kae nati, khana kanuhmei sik a naman ṭhōi eng? Hin nanuhmei ka-om, inṭhōi ina sesōt jo roh!” 20Rengpa khan, amihei hneng, Abram, anuhmei leh aneiseng kha nirama inphut thaksōt hei ruh, tia ṭong apek heia, anmani’n anthaksōt jo hei.
Attualmente Selezionati:
A’NPHUTNA 12: KOMRBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.