1 Abakorinzo 13
13
Obuheeli
1Ne bulaano enzitsa omumumanyia injila eyishila obulayi. Kata nimba nimboolela mutsinimi tsiabandu netsiabamalaika, ne nimbula obuheeli, endi butswa shinga omukasa okulanjilila, kata ebisili ebisaala. 2Ne kata nindi neshihaanwa shiobulakusi, ningamznya amabiso kosi nende obumanyi bwosi; kata nindi nobusuubili bwosi, obwakhanyala okhusitia tsingulu, ne nimbula obuheeli, shindi eshindu ta. 3Ne kata ningabila abatakha emiandu chianje chiosi banyoole eshiokhulia, nende okhuhaana omubili kwanje kusambwe mumulilo, ne nimbula obuheeli, shikungaasila eshindu ta.
4Obuheeli bwisimilisinjia, nibukhola akeshisa; obuheeli bubula imbalikha; obuheeli shibwiboola ta, shibwiekinjimisia ta, 5shibukhola akarakhoyeele ta, shibukhaabanga akabwo obwene ta, shibusinyikhanga ta, shibwitsulilanga amabii aka bukholelwa tawe; 6shibwikhoyela obumayaanu ta, ne bwikhoyelanga obwatoto; 7bwifwila kosi, busuubila kosi, bunaaya kosi, buralila mukosi.
8Obuheeli shibuhweelelelanga ta; ne kata obulakusi nibuliho, bwitsa okhwakama; kata tsinimi nitsiliho, tsiitsa okhuhwaho; kata obumanyi nibuliho, bwitsa okhwakama. 9Okhuba khumanyile amayinjikhanu amaleemu, nikhulakula amayinjikhanu amaleemu; 10ne ako akali amalamba olwa kaliba nikoolile, ako akali amayinjikhanu kaliakama. 11Olwa ndali nindi omwana, ndasunganga shinga omwana, ndapaaranga shinga omwana, ndayililisiniia shinga omwana, bulaano olwa endi omundu oukhulile, ndayeebalile akolwana. 12Okhuba bulaano khulolanga mushulolelo, maweliweli; nolundi lulia khulilolana mumoni nomumoni; leelo emanyile amayinjikhanu; nolundi lulia, ndilimanyila elala, shinga siesi olwa ndamanyilwa elala. 13Kho akatsiilililanga ngakano, mbu obusuubili, obunaayi, obuheeli, ako kataru; ne khuko, elishila kosi nobuheeli.
Attualmente Selezionati:
1 Abakorinzo 13: OUV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975