1 Abakorinzo 14
14
Tsinimi, nende okhulakula
1Mulondachilile obuheeli; ne murekhwo omwoyo khubihaanwa bieshiroho; ne okhushila muno, mbu mulakulenje. 2Okhuba ouboolela mululimi shiaboolana nabandu ta, habula nende Nyasaye; okhuba abulaho ouhulila; ne aboola akamabiswi muroho. 3Noyo oulakula aboolelana nende abandu amakhuwa akobuumbashi, akobuchesiyii, nakobulemia. 4Ouboolela mululimi yeeyumbakha omwene; ne oulakula yoombakha ikanisa. 5Nasi ndakheenya mbu mwesi muboolele mutsinimi, nokhushila muno mbu mulakule; noyo oulakula ashila ulia ouboolela mutsinimi, habula naba nakalula, mbu ikanisa yumbakhwe.
6Kho, baana beefwe, nimba nimwitsila nimboolelanga mutsinimi, ndakhamukaasila shiina, habula nimuboolela akobufwimbuli, kata akobumanyi, kata akobulakusi, kata akobwechesii? 7Kata ebindu nabindu, ebiamayoosi, kata nilili lilele kata litungu, nibiba nibiraahukhasinjia emioyo ta, olwimbo lwene olukhupwa khwilele kata khwitungu lulamanyikha lurie? 8Kata omwoyo kwolwika nikuba nikurahuliilikha bulayi ta, ali heena owakheerecheshela lihe? 9Neenyu mwesi murio, nimuba nimurarumbulanga nende tsinimi tsieenywe amasungo akahuliilikha lwangu ta, akaboolwa kalamanyikha karie? Ne butswa mwakhaba nimuboolelanga butswa mushikhaya.
10Enduutsi mbu chiliho emioyo chietsimbia tsinyinji muno mushibala; ne kubulaho kata mulala okubula eshisina. 11Kho nimba nindamanya eshisina shiomwoyo kwa oyo ouboola ta, ndakhabe khuye omuyobo, naye yesi yakhaba ario omuyobo khwisie. 12Neenyu mwesi murio, olwa muli abalumilifu khukhunyoola ebihaanwa bieshiroho, muchoome okhushilaana mubuumbashi bweikanisa. 13Khulwako, oyo ouboolelanga mululimi asaaye mbu anyalilwe okhukalula; 14okhuba nimba nisaayila mululimi, roho yanje yisaaya, ne amachesi kanje kakumbahala. 15Kho karie? Ndalasaayanga nende roho, khandi ndalasaayanga nende amachesi; ndaleembanga nende roho, khandi ndaleembanga nende amachesi. 16Nebutswa olwa omwitsoominjia Nyasaye nende roho, oyo ouli mubwikhalo bwomundu butswa alanyala arie okhukalusia mbu Amina olwa okhuupa orio, ne naramanyile aka oboola ta? 17Okhuba toto, wakhaba nokhupanga orio bulayi, ne oundi ulia shiyoombakhwa ta. 18Emuupila Nyasaye mbu orio, shichila emboolelanga mutsinimi okhumushila inywe mwesi; 19nebutswa mukanisa ndakhachama okhuboola amakhuwa karaano namachesi mbu embeebaalile abandi, okhushila okhuboolela mululimi amakhuwa ebikhumila likhumi.
20Baana beefwe, murabeetsanga shia abaana mubuyililisii bweenywe ta; nebutswa mukobumayaanu mube shinga abaana, habula mubuyililisii mube abakhulile. 21Mumalako kahandiikwa mbu Omwami yasunga ari Ndalaboolelana nende abandu bano mubandu betsinimi tsinjeni, khandi muminwa chiabandu abacheni; ne kata kario shibalambulila ta. 22Khulwako, tsinimi shitsili eshilolelo khubasuubili ta, habula khubarasuubila tawe; nabwo obulakusi shibuli khulwabo abarasuubila ta, habula khulwa abasuubili. 23Kho ikanisa yosi niyiba niyikhung'aanila halala, bosi nibaboolelanga mutsinimi, mana abali abandu butswa, kata abarasuubila ta, nibaba nibeenjilamwo, shibalasunga mbu mulaluushe? 24Ne nibaba nibalakula bosi, oundi niyeenjilamwo ourasuubila ta, kata ouli omundu butswa ahulwa nabosi, ayaasibwa nabosi; 25amabiso akomumwoyokwe nako nikabisukha; mana aleekhupa hasi mafumama namwinamila Nyasaye, narumbula mbu toto mwene, Nyasaye ali hakari mwinywe.
Kosi kakholwe mubwanzi obulayi
26Kho karie, baana beefwe? Olwa mukhung'aananga halala buli mulala abeetsanga nende olwimbo, kata obwibaali, kata obufwimbulwi, kata olulimi, kata obukaluli. Amakhuwa kosi kachoome khubuumbashi. 27Omundu yesi naba naboolela mululimi, babe babili bataru, barashila yaho ta, mulala mulala; mulala naye akalule; 28ne omukaluli naba nabulaho, aholeele mumukanda; yeeboolele omwene yenyene, nende Nyasaye. 29Abanabii nabo baboole babili bataru, abandi nibachela amakhuwa keene; 30oundi ouba niyeekhaaleho naba nafwimbulilwa likhuwa, owambeli aholeele. 31Shichila mwesi munyala okhulakula, mulala mulala, mbu bosi beeche amakhuwa, khandi mbu bosi bachesiyibwe. 32Tsiroho tsiabanabii tsirukwe nabanabii beene; 33okhuba Nyasaye shiali Nyasaye wobukoyaani ta, habula owomulembe.
Shinga olwa kali mukanisa tsiosi tsiabatakatifu, 34abakhasi baholeelenje mumikhung'aano; shichila shibafuchiililwa okhuboola ta; bahulilenje nobwongoli, shinga amalako olwa kaboola. 35Ne nibaba nibeenya okhweka likhuwa, bareebelenje abasaatsa babwe mungo; shichila nelietsisoni omukhasi okhuboolela mukanisa. 36Mbula, mwinywe nimwo omwa likhuwa liaNyasaye liarula? Nohomba lioola khwinywe mwenyene?
37Omundu yesi naba naluutsi mbu nomunabii, kata mbu ali nende ebihaanwa bieshiroho amanye khumakhuwa aka emuhandiichila shinga olwa kali lilako liOmwami. 38Ne omundu yesi naba nakaleka, yesi alalekwa.
39Khulwako, baana beefwe, rekhwo omwoyo okhwenya okhulakula; ne muleshe okhukaya obubooleli mutsinimi. 40Habula mbu amakhuwa kosi kakholwe shinga olwa kakhoyeele mubwanzi obulayi.
Attualmente Selezionati:
1 Abakorinzo 14: OUV
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975