Ebikhole 27
27
Paulo yabuusia oluchendo Iwokhutsiila muliaro eRoma
1Ne olwa kakasibwa mbu khutsiile muliaro ebuItalia, bahaana Paulo nende ababohe bandi mumakhono komuseesia oweliira mbu Juliasi, oweing'anda yaAugusito. 2Nikhuniina muliaro lindi lieAdiramitio, eliali nilili okhutsia khumataala akali khulukuku lwaAsia, nikhuchaaka oluchendo; nikhuli nende Arisitariko, omuMakedonia weTsesalonika. 3Mana mukamba nikhuula eSidoni; naye Juliasi yamukholela Paulo akeshisa, namuheelesia omunwa okhutsia ewabeetsabe, bamukhoonye. 4Nikhurulayo, nikhubirila elubeka IweKipiro mbu khwishinje khumuyeka, shichila kwali nikurulanga imbeli weefwe. 5Ne olwa khwali nikhubirile khunyanza eyirondokhana nende Kilikia nende Pamufilia, khwoola eMira, litaala lindi lieLikia.
6Ebweneyo omuseesia yanyoola eliaro lieAlekisanderia nilitsia ebuItalia; nakhuniiniamwo. 7Ne olwa khwali nikhuchendile kahala tsindaalo tsinyinji, nikhuula ahambi nende Nido khulwa okhutiika khubutinyu bwoluchendo; mana okhuba omuyeka kwakhukaya, khwabirila elubeka IweKirete, mbu khwishinje khumuyeka, nikhuhengana nende Salumone; 8nikhutiika nikhutsiililila khurio nikhulondoola khulukuku lwashio okhuula habundu ahalangwa mbu Obukobelo Obulayi; ne ahambi nende ebweneyo lialiho litaala liLasea.
9Ne olwa tsindaalo tsiali nitsihweele tsinyinji, khulwa obubii bwoluchendo obwali imbeli, shichila tsindaalo etsiokhuhonjelamwo inzala tsiali nitsimalile okhubira, Paulo yabachesiyia, 10nabasunjila ari Abasaatsa abashianje, enduutsi mbu oluchendo luno Iwitsa okhuba nobusaalili nende okhufwilwa oburali khumisiiko nende eliaro bionyene ta, habula nende khubulamu bweefwe. 11Habula omuseesia yahulila akomwene eliaro nende omukhulundu walio okhushila akeenako aka Paulo yaboola. 12Ne okhuba obukobelo obwo shibwakaasanga okhwikhalamwo mumiesi chiosi chiomunyiri ta, abanji khubo bakhuchesiyia mbu khurule yaho, khuule eFoinikise nikaba nikanyalikha, khwikhaleyo mumiesi chiomunyiri; nibwo obukobelo bundi bweKirete, okuhenjile mumbo ahambi khunotsi okhuula ahambi khusautsi.
Imbumbuyeka khunyanza
13Kho olwa omuyeka okurula esautsi kwahuutsa kahala bakaala mbu banyoolile eshia bali nibeenyile, nibeeha eshiralisio nibachaaka khandi okhuchendela muliaro nibalondoola ahambi khulukuku IweKirete. 14Ne olunyuma Iweshise eshitiiti butswa, omuyeka kweimbumbuyeka okulangwa mbu Eurakilo kwahuutsa okhurulayo nikukhuupa; 15ne olwa eliaro liatiilwa, niliranyala okhuchooma omuyeka aha kurula ta, khwalekha okhuluumana ninakwo, nikhwilusibwa bwilusibwa. 16Mana nikhwilukhanga khurio nikhushingungwa neshikhalachinga eshituutu eshilangwa mbu Kauda, khwatiika nikhumala nikhutiila akhaaro kheefwe; ne khwali okhutinyu. 17Ne olwa bali nibakhakhwesile nibakharusia mumatsi babukula ebiokhwikhoonyela, nibabisilia emikoye hasi weliaro nibaboha khulwa okhulitinyisia; ne shichila bariitsanga mbu bakheetiya khumuyeshe ahalangwa mbu Siruti, beesia ebiokhuchesilia, nibeelukha butswa bario. 18Ne olwa khwali nikhunyakhananga muno khulwa imbumbuyeka, mukamba bachaaka okhusukuna emisiiko mumatsi; 19ne khunyanga yakhataru, abeene namakhono kabwe bafuuba ebimanulwa bindi ebiomuliaro mumatsi. 20Ne kata eliuba kata tsinyininyini shibiakhuloleshela mundaalo tsinyinji ta, khandi imbumbuyeka ikhongo yakhufwimba; kho obunaayi bwosi bwokhuhonibwa bwakhurulakhwo pe.
21Ne olwa bali nibahonjile inzala eshise eshirambi, Paulo yasinjila hakari mubo nasunga mbu Abasaatsa abashianje, mwali nimukhoyile okhumbulila, oburarula eKirete nikhunyoola okhusaalila khuno nokhufwilwa ta. 22Nebutswa bulaano emuchesiyia mbu muume tsikholo; okhuba omundu yesi mwinywe shiyeetsa okhufwa ta, habula eliaro lionyene. 23Shichila mushilo shino malaika waNyasaye omwenoyo owa endi owuwe, khandi owa ekhalabanilanga, asitile ahambi ninasi, 24nasunga mbu Paulo, oraria ta; okhoyile okhusinjila imbeli waKaisari; ne lola, Nyasaye akhuheele abo bosi aba ochendanga ninabo. 25Khulwako, abashianje, muume tsikholo; okhuba esuubilanga Nyasaye, mbu kalaba kario shinga olwa embooleelwe. 26Habula mbu khukhoyile okhwikhupa khushikhalachinga shindi.
27Ne olwa eshilo shioola shielikhumi nakhane, nikhuyuyungwa eyi nende eyi khunyanza yaAdiria, mushilo hakari abakholi abomuliaro bapaara mbu bakhaba nibasitanga ahambi nende eshialo shindi, 28nibeesia omukoye mumatsi okhuchela, nibanyoola mbu netsifuti eshikhumi namakhumi kabili; olunyuma Iweshise eshitiiti nibachela khandi, nibanyoola tsifuti amakhumi shienda. 29Nibaria mbu khwakheekhupa khutsinyanda; kho nibeesia ebiralisio bine mumatsi inyuma weliaro, nibasaba mbu bushie. 30Ne okhuba abakholi abomuliaro bali nibeenya okhwilukha eliaro, ne bali nibeesiye akhaaro mumatsi, nibeefwayafwayia shia abeenya okhuyila ebiralisio okhurula muliaro hamurwe kwalio, 31kho Paulo yasunjila omuseesia nende abasikari ari Bano nibaratong'a muliaro, shinamunyale okhuhona tawe. 32Mana abasikari nibateta emikoye chiakhaaro mbu khakwe.
33Ne olwa bwachaaka okhushia, Paulo yabanichilisia bosi mbu baliekhwo khubiliibwa, ari Leelo lukhola ekhumi nakhane nimulindanga nimuhonga inzala, nimuralia eshindu ta. 34Kho chame muliekhwo; khukhoyeele khulwa obuhoni bweenywe. Shichila kata olwoya lulala Iweliswi eliokhumirwe chieenywe shilulakorakhwo tawe. 35Ne olwa yali nasunjile ario, nabukula omukaate nakhupila Nyasaye orio imbeli wabo bosi; nakusonyola, nachaaka okhulia. 36Mana bosi nibalema emioyo, nabo bosi nibabukula ebiokhulia. 37Ne fwesi abali muliaro khwali abandu ebikhumi bibili amakhumi musaafu nende basasaba. 38Ne olwa bali nibaliile nibeekuure, basukuna ingano eya bali ninayo mumatsi, okhwanguyia eliaro.
Eliaro lieekhupa khwiloba nilirabukha
39Ne olwa bwashia mutsuli shibamanya eshialo eshio ta; ne balola omukhono kweinyanza okwali nende olukuku Iwomuyeshe, nibachela nibaba nibakhanyala okhwinjisia eliaro mubwenomwo. 40Kho nibalekhuula ebiralisio nibabilekha mumatsi, khandi nibatendeyia emikoye chiebilunjisilio, nibabambula litanga lieimbeli khumuyeka, nibachooma khulukuku olwo. 41Ne beetsukhana niboola aha amatsi kakabukhana eyi nende eyi, nibakhupia eliaro khwiloba; omurwe kweliaro nikuhanda, nikuranyala okhusitibwa ta; habula hashitakho liachaaka okhurabukha khulwa amaani kamarunda. 42Aka abasikari beenya nokhwira ababohe, oundi yesi khubo aleshe okhwerema yeehonokoshe. 43Ne omuseesia yali niyeenya okhuhonia Paulo; kho yabakaya, oburakhola aketsiyemi tsiabwe ta; ne yalaka mbu abamanya okhwelema beekhupe mumatsi, babe abaranjilila okhuula khulukuku; 44nabo abatong'a, abandi khutsimbaho, abandi khubindu bindi ebiomuliaro. Kho bosi nibahona niboola khulukuku shisale.
Attualmente Selezionati:
Ebikhole 27: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975