Ebikhole 28
28
Paulo nali khushikhalachinga shiaMelita
1Ne olwa khwali nikhumalile okhuhona, khwamala nikhumanya mbu eshikhalachinga eshio shialangwa mbu Melita. 2Abeene shialo eshio nibakhukholela akeshisa okhushilaasia; okhuba babwana omulilo, nibakhwinjisia fwesi, khulwa ifula eyali niyiliho, khandi khulwa omunyiri. 3Ne olwa Paulo yali natobelesiye olukhanya Iwetsikhwi, natsireele khumulilo, inzokha yarulamwo khulwa omulilo okwo, niyihanda khumukhonokwe. 4Ne olwa abeene shialo balola inzokha niyeeleelile khumukhonokwe, baboolelana bari Omundu uno shiachweya okhuba omwiri ta; shichila kata niyeehonokooshe munyanza, khane Obwatoto shibufuchiilila abe mwoyo ta. 5Nebutswa yachibungulula inzokha mumulilo, omwene narasaalilakhwo ta. 6Nabo bali nibasuubila mbu yakhafwimba, kata okhukwa nafwa; ne olwa bahenga oluhoono, oburalola libii liosi nilimukwilakhwo ta, bamala bakalukhasie amapaaro kabwe, nibaboola mbu nomunyasaye.
7Haho mushialo shiahabwene yaho chialimwo emikunda chiomundu omukhulundu owomushikhalachinga eshio, owalangwa mbu Pubulio; naye yakhwinjisia nakhulinda tsindaalo tsitaru nakhukoosia muno. 8Nikaba mbu samwana Pubulio yali nakonile nalwala omurengo nokhunyalala amatsayi; kho Paulo yeenjila ewa yali, nasaaya, namurakhwo emikhono, namuhonia. 9Mana elo nilikholeeshe, abandi bosi abomushikhalachinga eshio abali nobulwale nibeetsa, nibahonibwa; 10nibakhuheelesia oluyali muno; mana olwa khwarulayo bakhumanusia biosi ebia khwatamba.
Paulo yoola eRoma
11Mana inyuma wemiesi chitaru khwarulayo muliaro lindi lieAlekesanderia, eliali niliikhaale mushikhalachinga eshio emiesi chiomunyiri; ne liali neshilolelo shialio, mbu Abasiani Abamakhwana. 12Mana nikhuula eSirakusa, nikhwikhalayo tsindaalo tsitaru. 13Nokhurula yaho khwabotokhana nikhuula eRegio; mana olunyuma Iweinyanga ndala omuyeka kwachaaka okhuhuutsa okhurula esautsi, mana khunyanga yakhabili nikhuula ePuteoli. 14Ebweneyo khwanyoola abaana beefwe bandi, nibakhusaaya mbu khwikhaleyo ninabo tsindaalo musaafu; nikhuula eRoma khurio. 15Nabaana beefwe olwa bahulila akeefwe, barula ebweneyo nibeetsa okhukhwakaanila okhuula khuShiiro shiaApio, nende haMikahawa Chitaru; ne olwa Paulo yabalola yamuupila Nyasaye mbu orio, nalema omwoyo. 16Ne olwa khweenjila muRoma Paulo yafuchiililwa okhumenya yenyene nende omusikari owamulindanga.
Paulo yeelwatsila eRoma
17Mana olunyuma lwetsindaalo tsitaru yalanga abakhulundu babaYahudi mbu bakhung'aane; nabo olwa bali nibakhung'aanile yachaaka okhubasunjila ari Isie, baana beefwe, kata nindakhola likhuwa liosi liokhufukula abandu beene, kata ebiima biabakuuka beefwe ta, ndahaanwa mumakhono kabaRoma nindi omubohe okhurula eYerusalemu. 18Nabo olwa bali nibanoonile, beenya okhundekhuula shichila shibanyoola mwisie likhuwa eliakhachila ninzirwa ta. 19Ne olwa abaYahudi bakhaya, ndalola mbu ekhoyile okhuhaabila Kaisari; nebutswa shindalikhwo nende elia enzinjilila ninalio lihanga lieefwe ta. 20Niko akachilile nimulanga mbu esungane nineenywe; okhuba eshia Isiraeli yinaayanga nishio eshichila nimbohwa nomunyololo kuno. 21Nabo nibamusunjila bari Shikhwanyoolilekhwo tsibarwa etsirula eYerusalemu khumakhuwako ta, kata yabulaho owomubaana beefwe owayeetsile yino okhuleera amakhuwa kata okhuboola libii liosi khwiwe ta. 22Ne khwenya okhuhulila mumunwa kukwo omwene aka opaaranga; okhuba khumakhuwa komwahukho kuno kakhumanyishiile ifwe shinga olwa kuiukulungwa hosi hosi.
23Ne olwa bali nibamulachile inyanga, bamwitsila ewa yamenyanga, abandu abanji muno; naye nabeebaalila narumbula akobuloli khubwami bwaNyasaye, nabachesiyia khumakhuwa kaYesu, mumalako kaMusa khandi mubanabii, okhurula mutsuli okhuula olwa bweela. 24Abandi nibeenya okhusuubila akeenako akaboolwa, nabandi nibakhaya. 25Ne olwa barafuchilisania abeene nabeene ta, bachaaka okhwinyokha, olwa Paulo yali namalile okhuboola likhuwa elala, mbu Roho Omutakatifu yasunjila abakuuka beenywe habwene mumunwa kwaIsaya omu, 26ari
Otsie khubandu bano, oboole mbu
Okhuhulila mulahulilanga, nimuramanya eshisina ta,
nokhuhenga mulahenganga, nimuralola ta.
27Shichila emioyo chiabandu belihanga lino chisiluhaale,
amarwi kabwe nako keekaale,
khandi tsimoni tsiabwe batsitimbile;
baleshe okhulola netsimoni tsiabwe,
nokhuhulila namarwi kabwe,
nokhumanya eshisina nemioyo chiabwe,
nokhushiukhana, nasi nimbahonia.
28Kho kamumanyishile mbu obuhonia bwaNyasaye buno buyililwa Abamahanga; nabo bosi balahulila. 29[Ne olwa yali nasunjile amakhuwa ako, abaYahudi nibeenyokha, nibayingananga muno, abeene nabeene.]
30Yamenyayo emiyika emilamba chibili munzuye eya yarunjilanga omurungo, niyeenjisinjia bosi abatsiitsanga ewa yali, 31niyeelwatsanga akobwami bwaNyasaye, niyeechesinjia amakhuwa akali khuMwami Yesu Kristo katong'ane, omundu yesi naramukaya ta.
Attualmente Selezionati:
Ebikhole 28: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975