Matsayo 3
3
Obwilwatsi bwaYohana Omubatisii
(Mk. 1.1-8; Lk. 3.1-9,15-17; Yoh. 1.19-28)
1Haho mundaalo etsio Yohana Omubatisii niyeetsa niyeelwatsanga mushitsiimi shiebuYahudi, nasunga ari 2Mwikalukhasie; okhuba obwami obwomwikulu busitile ahambi. 3Okhuba uno niye owa Isaya omunabii yasungakhwo, ari
Omwoyo kwa oyo oulanjisia mushitsiimi,
mbu Mukasie injila yOmwami,
mukololosie emihandachie.
4Naye Yohana yeefwalanga eshiifwalo shiobwoya bweingamia, nende olukhoba mushishienje; ebiliibwabie bialinji tsisiche nende obuushi obwomushitsiimi. 5Mana abeYerusalemu nende abebuYahudi bosi, nende bosi abomumbali etsirondokhaane nende Yorodani, nibarula nibamwitsila; 6naye nababatsiia mumwalo kwaYorodani, nibeeyama ebionoono biabwe.
7Ne olwa yalola abanji abokhubaFarisayo nende abaSadukayo nibeetsanga khububatisiibwe, yabasunjila mbu Inywe olwibulo Iwetsinzokha, niwina owamuchesiyia okhwilukha oburima obuli okhwitsa? 8Kho yame ebiamo ebiwinjana nende obwikalukhasii; 9nimuratsaalikha okhusunga mumioyo chieenywe muri Khuli nende kuuka weefwe, Aburahamu, tawe; shichila emusunjila mbu mumachina kano Nyasaye anyala okhubuusiliamwo Aburahamu abaana. 10Ne kata bulaano ihaywa yimalile okhureebwe khubisina biemisaala; kho buli musaala okuraamanga ebiamo ebilayi ta kuremwa, nikusukunwa mumulilo. 11Isie toto emubatsinjia nende amatsi khulwa obwikalukhasii; ne owitsanga munyuma wanje ya'shila amaani; shingwanile kata okhumuchinjila ebilaarobie ta; omwenoyo alamubatisia nende Roho Omutakatifu nende omulilo; 12ali nolutelu mumukhono, ne alalabilia elala olwanyilwe, khandi alakhung'aasia inganoye mushiachi, nebutswa omukhuutsi alakusamba mumulilo okuranyala okhusimibwa ta.
Obubatisibwi bwaYesu
(Mk. 1.9-11; Lk. 3.21-22)
13Mana Yesu narula eGalilaya niyeetsa enaYorodani ewa Yohana yali, okhubatisibwa ninaye. 14Ne Yohana yeenya okhumukaya, nasunga mbu Isie ekhoyile okhubatisibwa ninawe; nawe witsile orie khwisie? 15Nebutswa Yesu yakalusia namusunjila ari Fuchiilila kabe kario bulaano; shichila nolwa kakhukhoyeele okhuusia akobulunjishi kosi. Kho namufuchiilila ario. 16Ne Yesu olwa yali nabatisiibwe, habwenaho yatikulukha okhurula mumatsi; ne lola, likulu liamwikushila, naye nalola Roho waNyasaye niyeekha shinga lihuus namwitsila namuyeelakhwo; 17khandi lola, omwoyo okwarula mwikulu nikuboola mbu Uno niye Omwana wanje omuheelwa; muye nimwo omwa enjamisilibungwa muno.
Attualmente Selezionati:
Matsayo 3: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975