Matsayo 4
4
Okhuteemwa khwa Yesu
(Mk. 1.12-13; Lk. 4.1-13)
1Mana Yesu yeemililwa nende Roho okhutsia mushitsiimi okhuteemwa nende Setani; 2ne olwa yali nahonjile inzala tsindaalo amakhumi kane, eshiteere nende eshilo, olunyumakhwo inzala yamuluma. 3Omurecheshi niyeetsa namusunjila mbu Noba noli Omwana waNyasaye, laka mbu amachina kano keekhole emikaate. 4Ne yakalusia namusunjila mbu Liahandiikwa mbu Omundu shialabeetsanga mwoyo khulwa omukaate kwonyene ta, habula khulwa buli likhuwa elirula mumunwa kwaNyasaye.
5Mana Setani namuyila mwitookho litakatifu, namusinjisia khubutenje bweihekalu, 6namusunjila mbu Noba noli Omwana waNyasaye, ruuma okwe hasi; shichila liahandiikwa liri
Alalachilisia abamalaikabe khumakhuwako,
nabo balakhuchinga mumakhono kabwe,
oleshe okhwisichirala khwichina.
7Yesu namusunjila ari Khandi liahandiikwa mbu Oramuteema Omwami Nyasayewo ta.
8Khandi, Setani namuyila mushikulu eshirambi muno, namumanyia oburuchi bwosi obwomushialo, nende oluyali lwabwo; 9namusunjila mbu Bino biosi ndalakhuha noba nokwa mumakulu kanje niunyinamila. 10Mana Yesu namusunjila mbu Hwaho, Setani; shichila liahandiikwa mbu Omwinamilenje Omwami Nyasayewo, nomukhalabanila ye yenyene.
11Mana Setani namulekha, ne lola, abamalaika nibeetsa nibamukhalabanila.
Obukhalabani bwaYesu bwachaachila eGalilaya
(Mk. 1.14-15; Lk. 4.14-15)
12Ne olwa Yesu yahulila akokhutiilwa khwaYohana, yeenyokha natsia eGalilaya; 13narula eNazareti, niyoola eKaperinaumu, elili ahambi neinyanza, mumbali tsieZabuloni nende Nafutali, namenyayo; 14mbu mana amakhuwa koosibwe aka Isaya omunabii yaboola, mbu
15Eshialo shiaZabuloni nende eshialo shiaNafutali,
injila yeinyanza, injelekha waYorodani,
Galilaya yamahanga,
16abandu abali nibeekhala mushiilima,
baluutsi obulafu obukhongo;
nabo abali nibeekhala mumbali tsioluumbe khandi mushiinikha shialwo,
obulafu bubafwindiile.
17Nokhurula habwenaho Yesu yachaaka okhwilwatsa, naboola ari Mwikalukhasie, okhuba obwami obwomwikulu busitile ahambi.
Yesu yalanga abanaabi bane
(Mk. 1.16-20; Lk. 5.1-11)
18Rho olwa yali nachendanga khulukuku lweInyanza yaGalilaya yalola abandu babili abomunzu ndala, mbu Simoni oulangwa mbu Petero, nende Anderea omwana wabwe, nibafuuba olukhanda munyanza, okhuba bali abanaabi. 19Nababiila ari Mwitse, munondekhwo; ndalamukhola abanaabi babandu. 20Habwene nahabwene balekha tsikhanda tsiabwe, nibamulondakhwo.
21Nolwa yali natsiililiile okhurula yaho yalola abandi khandi babili abomunzu ndala, mbu Yakobo waZebedayo nende Yohana omwana wabwe, nibali muliaro halala nende Zebedayo sabwe, nibakasinjia tsikhanda tsiabwe; nabalanga. 22Habwenaho nibalekha eliaro nende sabwe, nibamulondakhwo.
Yesu yakhalabanila abetnikanda etnikali
(Lk. 6.17-19)
23Naye Yesu yalambuula eshialo shiosi shiaGalilaya niyeechesinjia mutsisinagogi tsiabwe, niyeelwatsanga Amakhuwa Amalayi akObwami, nahoninjia obuteshele bwetsimbia tsiosi nende obulwale bwetsimbia tsiosi mubandu. 24Ifumaye niyitswana muSiria mwosi; nibamuleerela bosi abali abateshele, abatiilwa nobulwale nende obusaalili obwahukhaane, nabali namadimoni, nabeindulume, nende abakwa amakara; nabahonia. 25Emikanda emikali nichimulondakhwo, echiarula eGalilaya neDekapoli, neYerusalemu, nebuYahudi, nende injelekha weYorodani.
Attualmente Selezionati:
Matsayo 4: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975