Pemungkal 25の有名な聖句

シェア

Ku TUHAN bejaku ngagai iya, “Dalam tubuh nuan bisi dua bengkah bansa. Nuan deka ngadaka dua bengkah bansa ti deka bemunsuh ngelaban pangan diri. Siti bansa deka kering agi ari bansa ti siti, lalu iya ke tuai agi deka bekereja ke iya ke biak agi.”

lalu ku iya bejaku enggau Jakop, “Lapar amat aku tu. Beri aku mimit utai ti mirah nya.” (Nya kebuah iya diberi nama Edom.)

Nyadi ketegal Rebekah ke nadai anak, Isak besampi ngagai TUHAN ke iya. TUHAN nyaut sampi Isak, lalu Rebekah betubuh-bisi.

Ku Esau bejaku, “Barang ku jaku! Aku nyau deka mati lapar. Nama guna aku enggau waris nya?” Ku Jakop nyaut, “Nuan enda tau enda dulu besumpah nyerahka waris nuan ngagai aku.” Esau besumpah, lalu nyerahka waris iya ngagai Jakop.

Anak ti pansut dudi, ngenggam tumbit Esau. Nya alai iya diberi nama Jakop. Umur Isak enam puluh taun lebuh anak iya dua iku nya ada.

Isak rindu agi ke Esau, laban iya rindu makai jelu ti ulih Esau ngasu, tang Rebekah rindu agi ke Jakop.